Abba (יחוח)Yahweh  Cov Menyuam

1 Sim xav saib, Leej Txiv hlub peb npaum li cas diam, peb thiaj raug hu tias, yog Abba (יחוח)Yahweh  cov menyuam, thiab peb yeej yog tiag. Qhov uas lub ntiajteb tsis paub peb, twb yog vim lawv tsis paub nws. 2 Nej cov uas kuv hlub, nimno peb yog Abba (יחוח)Yahweh  cov menyuam. Peb yuav zoo li cas rau yav tom hauv ntej, kuj tsis tau muab qhia tshwm rau peb. Tiamsis peb paub tias, thaum (יהושע)Yahshua rov los, peb yuav zoo ib yam li nws, vim tias nws zoo li cas, peb yuav pom nws tseeb li ntawd. 3 Txhua tus uas muaj lub siab vam li no rau hauv (יהושע)Yahshua, kuj ntxuav nws tus kheej kom dawb huv ib yam li (יהושע)Yahshua dawb huv. 4 Txhua tus uas ua txhaum, kuj rhuav txoj kevcai. Qhov uas ua txhaum yeej yog rhuav txoj kevcai. 5 Nej twb paub lawm tias (יהושע)Yahshua tshwm los ris peb lub txim mus, thiab (יהושע)Yahshua tsis muaj txim kiag li. 6 Txhua tus uas nyob ruaj hauv (יהושע)Yahshua, tsis ua txhaum. Tus uas pheej ua txhaum mus li, kuj yog nws tsis tau pom (יהושע)Yahshua thiab tsis paub (יהושע)Yahshua. 7 Cov menyuam yaus es, tsis txhob cia leejtwg ntxias nej yuam kev. Tus uas xyaum ua ncaj kuj ncaj ncees ib yam li (יהושע)Yahshua yog tus ncaj ncees. 8 Tus uas ua txhaum, kuj yog los ntawm dab Ntxwg Nyoog los, rau qhov dab Ntxwg Nyoog yeej ua txhaum thaum chiv keeb los. Qhov uas Abba (יחוח)Yahweh  tus tub tshwm los, twb yog nws los rhuav dab Ntxwg Nyoog tes haujlwm. 9 Txhua tus uas yug ntawm Abba (יחוח)Yahweh  los tsis ua txhaum, rau qhov Abba (יחוח)Yahweh  cov noob nyob hauv nws, nws thiaj ua txhaum tsis tau, vim nws yug ntawm Abba (יחוח)Yahweh  los. 10 Raws li no, thiaj pom tseeb tias, leejtwg yog Abba (יחוח)Yahweh  cov menyuam, leejtwg yog dab Ntxwg Nyoog cov. Txhua tus uas tsis ua ncaj thiab tsis hlub nws cov kwvtij, kuj tsis yog los ntawm Abba (יחוח)Yahweh  los.

Kev Sib Hlub

11 No yog tej lus qhuab qhia uas nej tau hnov thaum chiv thawj los hais tias, peb ib leeg yuav tsum hlub ib leeg. 12 Tsis txhob zoo li Khayees, uas los ntawm tus uas Phem los, thiab muab nws tus kwv tua pov tseg. Ua cas nws yuav tua tus kwv? Twb yog vim nws tes haujlwm phem, nws tus kwv tes haujlwm ncaj ncees. 13 Cov kwvtij, tsis txhob phimhwj rau qhov uas lub ntiajteb ntxub nej. 14 Peb yeej paub tias, peb twb tawm txojkev tuag mus tau txojsia lawm, rau qhov peb hlub peb cov kwvtij. Tus uas tsis hlub ces tseem nyob hauv txojkev tuag.

15 Txhua tus uas ntxub nws tus kwvtij, kuj yog tus uas tua tibneeg, thiab nej paub tias, tus uas tua tibneeg tsis muaj txojsia ib txhis tsis kawg nyob hauv nws.

16 Peb paub txojkev hlub li no, yog qhov uas (יהושע)Yahshua tso nws txojsia tseg this peb, thiab tsim nyog peb tso txojsia tseg, this peb cov kwvtij thiab. 17 Yog leejtwg muaj nyiaj txiag, qhov txhia chaw hauv ntiajteb no, thiab pom nws tus kwvtij pluag tseem tsis khuvleej nws, Abba (יחוח)Yahweh  txojkev hlub yuav muaj nyob hauv tus ntawd tau li cas? 18 Cov menyuam yaus es, peb tsis txhob sib hlub ntawm lo lus thiab ntawm lub ncauj xwb, tiamsis yuav tsum hlub ntawm tes haujlwm thiab ntawm qhov tseeb. 19 Yog li ntawd, peb yuav paub tias peb nyob hauv txojkev tseeb, thiab peb yuav tso siab rau ntawm Abba (יחוח)Yahweh  lub xubntiag 20 yog rau thaum peb lub siab qhia tias peb ua txhaum, vim Abba (יחוח)Yahweh  yog tus loj dua peb lub siab thiab paub txhua yam huvsi.

21 Cov uas kuv hlub, yog peb lub siab tsis qhia tias peb txhaum, peb kuj muaj siab tuab rau ntawm Abba (יחוח)Yahweh  lub xubntiag.

22 Thiab yog peb thov yam twg, Abba (יחוח)Yahweh  kuj yuav pub yam ntawd rau peb, vim peb tuav rawv nws tej lus nkaw, thiab ua tej uas haum nws lub siab.

23 No yog tej uas Abba (יחוח)Yahweh  qhia peb ua, yog kom peb tso siab rau nws tus Tub (יהושע)Yahshua Messiah lub npe, thiab ib leeg hlub ib leeg, raws li nws tej lus nkaw rau peb. 24 Tus uas tuav rawv nws tej lus nkaw, kuj nyob ruaj hauv nws, thiab nws kuj nyob hauv tus ntawd thiab. Qhov uas peb paub tias, nws nyob hauv peb, yog qhov uas peb muaj Tus Ntsuj Plig Dawbhuv uas Abba (יחוח)Yahweh  pub rau peb.

​