(יהושע)Yahshua Pab Peb

1 Kuv cov menyuam es, kuv sau tej lus no tuaj rau nej, kom nej thiaj tsis ua txhaum. Yog leejtwg ua txhaum, peb muaj ib tug uas pab hais peb zaj rau Abba (יחוח)Yahweh , yog (יהושע)Yahshua Messiah uas ncaj ncees. 2 Thiab nws yog yam uas muab xyeem ntxuav peb lub txim, tsis yog peb lub txim xwb, tiamsis yog tag nrho lub ntiajteb li txim thiab. 3 Yog peb tuav rawv nws tej lus qhia, peb thiaj tso siab hais tias, peb paub Abba (יחוח)Yahweh . 4 Tus uas hais tias, Kuv paub Abba (יחוח)Yahweh , tiamsis nws tsis ua raws li Abba (יחוח)Yahweh  tej lus qhia, tus ntawd hais dag xwb, txojkev tseeb tsis nyob hauv nws kiag li. 5 Tiamsis tus uas tuav rawv Abba (יחוח)Yahweh  tej lus, tus ntawd thiaj hlub Abba (יחוח)Yahweh  tiag tiag. Qhov uas peb paub tias peb nyob hauv Abba (יחוח)Yahweh  yog li no, 6 tus uas hais tias, nws nyob hauv Abba (יחוח)Yahweh , kuj tsim nyog tus ntawd ua lub neej raws li (יהושע)Yahshua ua.

​

Txoj Kevcai Tshiab

7 Cov uas kuv hlub, kuv tsis yog sau txoj kevcai tshiab rau nej, tiamsis yog txoj kevcai qub uas nej twb muaj thaum chiv thawj los lawm. Txoj qub kevcai ntawd, yog tej lus uas nej twb hnov los lawm. 8 Tiamsis dua ib fab kuj yog kuv sau txoj kevcai tshiab tuaj rau nej.

Txoj kevcai ntawd, muaj tseeb rau hauv (יהושע)Yahshua thiab rau hauv nej, rau qhov txojkev tsaus ntuj tabtom dua mus, thiab txojkev kaj uas tseeb tabtom ci tuaj. 9 Tus uas hais tias, nws nyob hauv txojkev kaj, tiamsis nws tseem ntxub nws tus kwvtij, tus ntawd tseem nyob hauv txojkev tsaus ntuj. 10 Tus uas hlub nws tus kwvtij, kuj nyob hauv txojkev kaj thiab nws tsis muaj ib yam abtsi ua lub chaw dawm. 11 Tiamsis tus uas ntxub nws tus kwvtij, kuj yog nyob hauv txojkev tsaus ntuj thiab taug txojkev tsaus ntuj, nws tsis paub tias, nws tabtom mus qhovtwg, rau qhov txojkev tsaus ntuj ua rau nws qhov muag dig lawm. 12 Nej cov menyuam yaus es, kuv sau tuaj rau nej, vim nej lub txim twb raug muab daws lawm, vim yog saib rau (יהושע)Yahshua lub npe. 13 Nej cov uas ua txiv, kuv sau tuaj rau nej, vim nej twb paub tus uas nyob thaum chiv keeb los. Nej cov hluas, kuv sau tuaj rau nej, vim nej twb kov yeej tus uas Phem lawm. Nej cov menyuam, kuv sau tuaj rau nej, vim nej paub Abba (יחוח)Yahweh .

14 Nej cov uas ua txiv, kuv sau tuaj rau nej, vim nej paub tus uas nyob thaum chiv keeb los. Nej cov hluas, kuv sau tuaj rau nej, vim nej muaj zog heev thiab Abba (יחוח)Yahweh  tej lus nyob hauv nej, thiab nej twb kov yeej tus uas Phem lawm. 15 Tsis txhob nyiam kev ntiajteb thiab tej uas nyob hauv ntiajteb. Yog leejtwg nyiam kev ntiajteb, txojkev hlub Abba (יחוח)Yahweh  tsis muaj nyob hauv tus ntawd. 16 Txhua yam uas nyob hauv ntiajteb, yog tej uas lub cev nqaij tawv ntshaw,tej uas lub qhov muag ntshaw, thiab tej uas tibneeg khav theeb txog hauv lub neej, tsis yog los ntawm Abba (יחוח)Yahweh , tiamsis los ntawm ntiajteb. 17 Lub ntiajteb thiab tej uas lub ntiajteb ntshaw, yuav dua mus, tiamsis tus uas ua raws li Abba (יחוח)Yahweh  lub siab nyiam, yuav nyob mus ib txhis.

​

(יהושע)Yahshua Messiah Tus Yeeb Ncuab

18 Cov menyuam es, nimno yog lub sijhawm kawg lawm. Raws li nej tau hnov hais tias, (יהושע)Yahshua Messiah tus yeeb ncuab yuav tuaj, nimno (יהושע)Yahshua Messiah cov yeeb ncuab twb tuaj coob lawm. Vim li no, peb thiaj paub tias, nimno yog lub sij-hawm kawg lawm. 19 Lawv cov ntawd, tawm ntawm peb mus lawm, tiamsis lawv tsis yog peb cov. Yog tias lawv yog peb cov, lawv kuj yuav nrog peb nyob ua ke mus. Tiamsis qhov uas lawv tawm mus ntawd, twb qhia kom pom tseeb tias lawv tsis yog peb cov. 20 Tiamsis tus uas Dawb Huv, twb raug muab hliv rau nej lawm, thiab nej txhua tus kuj paub qhov tseeb lawm. 21 Kuv sau tuaj rau nej, tsis yog vim nej tsis paub qhov tseeb, tiamsis nej twb paub lawm, thiab paub tias tej lus dag tsis yog los ntawm qhov tseeb.

22 Leejtwg yog tus dag? Tsuas yog tus uas tsis lees tias (יהושע)Yahshua yog tus Messiah.

Tus uas tsis lees Leej Txiv thiab Leej Tub, tus ntawd yog (יהושע)Yahshua Messiah tus yeeb ncuab. 23 Txhua tus uas tsis lees yuav Leej Tub, kuj tsis muaj Leej Txiv. Tus uas lees yuav Leej Tub, kuj muaj Leej Txiv thiab.

24 Nej yuav tsum khaws tej uas nej hnov thaum chiv thawj los lawd cia hauv nej mus li. Yog tej uas nej hnov thaum chiv thawj los ntawd nyob hauv nej, thiaj yog nej nyob ruaj hauv Leej Tub thiab hauv Leej Txiv mus li.

25 No yog yam uas Abba (יחוח)Yahweh  twb cog lus cia rau peb, yog txojsia ib txhis tsis kawg. 26 Kuv sau tej lus no tuaj rau nej, hais txog cov uas pheej dag ntxias nej.

27 Tiamsis Tus Ntsuj Plig Dawbhuv uas Abba (יחוח)Yahweh  hliv rau nej lawd, tseem nyob hauv nej, tsis tag yuav muaj leejtwg qhia nej. Vim Tus Ntsuj Plig Dawbhuv uas nej txais lawd, kuj qhia nej paub txhua yam thiab qhov uas hliv Tus Ntsuj Plig Dawbhuv rau nej, muaj tseeb tsis yog dag, yog Tus Ntsuj Plig Dawbhuv qhia nej li cas, nej cia li nyob hauv (יהושע)Yahshua li ntawd.

28 Cov menyuam yaus es, nej cia li nyob ruaj hauv (יהושע)Yahshua, xwv thaum nws rov los peb thiaj li tso siab thiab tsis txaj muag rau ntawm nws xubntiag, rau thaum nws los.

29 Yog nej paub tias nws ncaj ncees, nej kuj paub tias txhua tus uas xyaum ncaj ncees, kuj yug ntawm nws los.

​