Txojlus Uas Pub Txojsia

1 Peb qhia txog yam uas muaj nyob txij thaum chiv keeb los uas peb tau hnov, thiab peb qhov muag tau pom, thiab tau ua tib zoo saib, thiab peb txhais tes tau kov, yog hais txog txojlus uas pub txojsia.

2 Txojsia ntawd tau tshwm los, thiab peb tau pom, thiab ua timkhawv txog, thiab peb tau qhia rau nej paub txog txojsia ib txhis tsis kawg uas nrog nraim Abba (יחוח)Yahweh  nyob thiab los tshwm rau peb.

3 Yam uas peb tau pom thiab tau hnov lawd, peb kuj qhia rau nej paub, nej thiaj tau nrog peb sib raug zoo. Peb kuj nrog Abba (יחוח)Yahweh  thiab nws tus tub (יהושע)Yahshua Messiah sib raug zoo.

4 Thiab peb sau tej lus no kom peb thiaj zoo siab kawg nkaus li.

​

Abba (יחוח)Yahweh  Yog Txojkev Kaj

5 No yog tej lus uas peb tau hnov ntawm (יהושע)Yahshua, thiab peb qhia rau nej tias, Abba (יחוח)Yahweh  yog txojkev kaj thiab tsis muaj ib qho kev tsaus ntuj nyob hauv nws kiag li.

6 Yog peb hais tias, peb nrog nws sib raug zoo, tiamsis peb tseem taug txojkev tsaus ntuj, kuj yog peb dag thiab tsis ua lub neej raws li txojkev tseeb.

7 Tiamsis yog peb taug txojkev kaj ib yam li nws nyob hauv txojkev kaj, peb thiaj muaj kev sib raug zoo ib leeg rau ib leeg, thiab nws Leej Tub (יהושע)Yahshua cov ntshav kuj ntxuav peb lub txim huvsi lawm.

8 Yog peb hais tias peb tsis muaj txim kuj yog peb rov dag peb tus kheej, thiab txojkev tseeb tsis nyob hauv peb kiag li.

9 Yog peb lees peb lub txim, Abba (יחוח)Yahweh  ncaj ncees thiab tso siab tau, nws yuav daws peb lub txim thiab ntxuav peb tej kev phem huvsi mus.

10 Yog peb hais tias peb tsis tau ua txhaum, kuj yog peb suav tias Abba (יחוח)Yahweh  hais dag thiab nws tej lus tsis nyob hauv peb lawm.

​