(יהושע)Yahshua Yuav Rov Qab Los

1 Cov uas kuv hlub, no yog tsab ntawv ob uas kuv sau tuaj rau nej, thiab ob tsab ntawv no, kuv tshum nej lub siab kom nco ntsoov xav txog tej yam uas zoo.

2 Kom nej thiaj li nco ntsoov tej lus uas cov xibhwb cev Abba (יחוח)Yahweh  lus uas dawb huv tau hais cia ua ntej, thiab nco txog Abba (יחוח)Yahweh  uas yog peb tus Cawmseej tej lus nkaw uas nej cov tubtxib qhia. 3 Nej yuav tsum paub qhov no ua ntej tias, thaum lub sijhawm kawg, cov uas nyiam thuam luag yuav tuaj thuam luag, thiab ua raws li lawv lub siab phem ntshaw. 4 Thiab lawv yuav hais tias, tej lus cog tseg uas (יהושע)Yahshua yuav los, nyob qhovtwg? Txij thaum tej poj koob yawm txwv twb tuag tag lawm, txhua yam tseem zoo li thaum tsim ntuj tsim teb.

5 Lawv ua txuj tsis nco qab txog qhov uas thaum chiv keeb, Abba (יחוח)Yahweh  lo lus hais kom muaj lub ntuj thiab lub ntiajteb, ces txawm cia li muaj raws li Abba (יחוח)Yahweh  hais. Lub ntiajteb thiaj tshwm hauv dej los thiab Abba (יחוח)Yahweh  kom cov dej nyob puagncig lub ntiajteb, 6 Vim cov dej ntawd, lub ntiajteb uas nyob thaum ntawd, thiaj raug dej nyab puam tsuaj tag.

7 Vim Abba (יחוח)Yahweh  tib los lus ntawd, lub ntuj thiab lub ntiajteb thiaj raug muab tu tseg cia rau hluavtaws, yog raug muab khaws cia rau hnub uas txiav txim rau cov tibneeg tsis hwm Abba (יחוח)Yahweh  thiab ua kom puam tsuaj.

8 Cov uas kuv hlub, nej cia li nco ntsoov nqe no. Ib hnub ntawm Abba (יחוח)Yahweh , zoo li ib txhiab xyoo, thiab ib txhiab xyoo, kuj ntev li ib hnub xwb. 9 Abba (יחוח)Yahweh  tsis sej nws tej lus cog tseg raws li qee leej xav ntawd, tiamsis nws ua siab ntev rau nej, vim nws tsis xav cia leejtwg puam tsuaj, tiamsis xav kom txhua tus ntxeev dua siab tshiab.

10 Tiamsis Abba (יחוח)Yahweh  hnub yuav los li tub sab tuaj, thiab lub ntuj yuav ploj nrog lub suab nrov ntseeg nkaws mus, thiab hluavtaws yuav kub txhua yam saum nruab ntug yaj tag, thiab lub ntiajteb thiab txhua yam uas nyob saum ntiajteb yuav kub hnyiab tag huvsi. 11 Vim txhua yam yuav puam tsuaj tag li uas hais tag no, tsim nyog nej yuav ua tibneeg zoo li cas? Nej yuav tsum ua lub neej dawb huv thiab hwm Abba (יחוח)Yahweh , 12 thiab nej yuav tsum zov tos, thiab txhib kom Abba (יחוח)Yahweh  hnub los txog sai. Hnub ntawd lub ntuj yuav raug muab hlawv ploj tag, thiab txhua yam saum nruab ntug yuav kub hnyiab yaj tag. 13 Tiamsis raws li Abba (יחוח)Yahweh  tej lus cog tseg, peb tos rawv lub ntuj tshiab thiab lub ntiajteb tshiab uas txojkev ncaj ncees nyob hauv. 14 Vim li no, cov uas kuv hlub, thaum nej tseem tos rawv tej no, nej cia li kub siab lug ua nej lub neej rau Abba (יחוח)Yahweh  pom tias, nej tsis muaj ib qho phem, tsis muaj ib qho chaw thuam, thiab nej nyob siab tus yees. 15 Cia li suav tias, qhov uas peb Abba (יחוח)Yahweh  ua siab ntev rau peb, kuj yog cia kom peb dim, ib yam li peb tus kwvtij Sha-ul uas peb hlub tau sau ntawv tuaj rau nej, raws li tej tswvyim uas pub rau nws lawm. 16 Nws txhua tsab ntawv, nws kuj hais txog zaj no lawm. Hauv tej tsab ntawv ntawd, muaj qee yam uas ceeblaj nkag siab, tej tibneeg uas tsis paub qabhau thiab lub siab ywj fab ywj fwj, thiaj tau muab lub ntsiab ntxeev lawm, ib yam li lawv muab lwm nqe hauv Abba (יחוח)Yahweh  txojlus ntxeev, thiaj ua rau lawv raug kev puam tsuaj. 17 Cov uas kuv hlub, vim nej paub zaj no ua ntej lawm, nej cia li ceev faj tib zoo, xwv nej thiaj tsis raug ntxias yuam kev raws li cov tibneeg phem ua, thiab nej yuav tsis muaj lub siab ruaj khov.

18 Tiamsis nej cia li loj hlob rau hauv peb Tus Tswv (יהושע)Yahshua Messiah, uas yog peb tus Cawmseej, txojkev hlub thiab paub nws zuj zus mus. Thov kom nws tau koob meej ci ntsa iab nimno thiab mus ib txhis tsis kawg. Haleluyah! Amen!