Txojkev Ntseeg Kov Yeej Ntiajteb

1 Txhua tus uas ntseeg tias, (יהושע)Yahshua yog tus Messiah, kuj yog yug ntawm Abba (יחוח)Yahweh  los, thiab txhua tus uas hlub Leej Txiv, nws kuj hlub Leej Txiv cov menyuam. 2 Peb paub tias peb yog Abba (יחוח)Yahweh  cov menyuam, vim qhov uas peb hlub Abba (יחוח)Yahweh  thiab ua raws li nws tej lus nkaw.

3 Qhov uas peb hlub Abba (יחוח)Yahweh  yog li no, yog qhov uas peb tuav rawv nws tej lus nkaw. Nws tej lus nkaw tsis ua nra hnyav rau peb, 4 rau qhov txhua tus uas yug ntawm Abba (יחוח)Yahweh  los, kuj kov yeej lub ntiajteb. Thiab peb txojkev ntseeg yog qhov uas kov yeej lub ntiajteb. 5 Leejtwg kov yeej lub ntiajteb?Tsuas yog tus uas ntseeg tias (יהושע)Yahshua yog Abba (יחוח)Yahweh  tus Tub xwb.

Tej Timkhawv Hais Txog Tus Tub

6 Tus no yog (יהושע)Yahshua Messiah uas los ntawm dej thiab ntshav los, tsis yog los ntawm dej xwb, tiamsis yog ntawm dej thiab ntshav. Thiab Tus Ntsuj Plig Dawbhuv ua timkhawv, vim Tus Ntsuj Plig Dawbhuv yog qhov tseeb.

7 Muaj peb tug timkhawv, 8 yog Tus Ntsuj Plig Dawbhuv, thiab dej thiab ntshav, peb yam no ua timkhawv ib yam nkaus. 9 Peb lees yuav tibneeg tej lus timkhaw, tiamsis Abba (יחוח)Yahweh  tej lus timkhawv yimhuab muaj tseeb dua, vim qhov no yog tej uas Abba (יחוח)Yahweh  muab ua timkhawv txog nws Leej Tub.

10 Tus uas ntseeg Abba (יחוח)Yahweh  tus tub, kuj muaj timkhawv nyob hauv nws. Tus uas tsis ntseeg Abba (יחוח)Yahweh , kuj yog nws suav tias Abba (יחוח)Yahweh  hais dag, vim nws tsis ntseeg tej lus uas Abba (יחוח)Yahweh  ua timkhawv txog nws Leej Tub. 11 Tej lus timkhawv yog li no, Abba (יחוח)Yahweh  pub txojsia ib txhis rau peb, thiab txojsia no nyob hauv nws Leej Tub. 12 Tus uas muaj Leej Tub, kuj muaj txojsia. Tus uas tsis muaj Leej Tub, kuj tsis muaj txojsia.

Txojsia Ib Txhis Tsis Kawg

13 Kuv sau tej lus no rau nej cov uas tso siab rau Abba (יחוח)Yahweh  Leej Tub lub npe, kom nej thiaj paub tias, nej muaj txojsia ib txhis tsis kawg. 14 No yog qhov uas peb muaj siab tuab rau ntawm Abba (יחוח)Yahweh  lub xubntiag, yog peb thov yam twg raws li Abba (יחוח)Yahweh  lub siab nyiam, nws kuj mloog.

15 Thiab yog peb paub tias, Abba (יחוח)Yahweh mloog peb rau thaum peb thov yam twg, peb kuj paub tias, peb tau yam uas thov ntawm nws. 16 Yog leejtwg pom nws tus kwvtij ua txhaum uas tsis coj mus txog kev tuag, cia nws thov Abba (יחוח)Yahweh , mas Abba (יחוח)Yahweh  yuav pub txojsia rau tus ua txhaum uas tsis coj mus txog kev tuag. Kev txhaum uas coj mus txog kev tuag kuj muaj. Kuv tsis tau hais tias, yuav thov txog qhov kev txhaum ntawd. 17 Txhua yam kev ua tsis ncaj puavleej yog txhaum. Tiamsis kev txhaum uas tsis coj mus txog kev tuag kuj muaj.

18 Peb paub tias, txhua tus uas yug ntawm Abba (יחוח)Yahweh  los, tsis ua txhaum, tiamsis tus uas yug ntawm Abba (יחוח)Yahweh  los (יהושע)Yahshua yuav tsom kwm nws, thiab tus uas Phem yuav kov tau nws. 19 Peb paub tias, peb yug ntawm Abba (יחוח)Yahweh , thiab lub ntiajteb huvsi nyob hauv tus uas Phem qab hwjchim. 20 Thiab peb paub tias, Abba (יחוח)Yahweh  tus Tub los lawm, thiab pub tswvyim rau peb, kom peb paub tus uas tseeb, thiab peb nyob hauv tus uas tseeb ntawd, yog peb nyob hauv nws Leej Tub (יהושע)Yahshua Messiah. Nws yog tus tseem Abba (יחוח)Yahweh  thiab yog txojsia ib txhis tsis kawg. 21 Cov menyuam es, cia li ceev faj tsis txhob pe dab pe mlom.