1 Kuv yog tus saib xyuas cov ntseeg, kuv hais rau tus niam tsev uas Abba (יחוח)Yahweh  xaiv cia thiab nws cov menyuam uas kuv hlub tiag, tsis yog kuv tib leeg xwb, txhua tus uas paub qhov tseeb kuj hlub thiab. 2 Vim yog tim qhov tseeb uas nyob hauv peb thiab yuav nrog nraim peb mus ib txhis li. 3 Txojkev hlub, txojkev khuvleej, thiab txojkev ywj-pheej ntawm Abba (יחוח)Yahweh  thiab ntawm Cawmseej (יהושע)Yahshua Messiah yuav nrog peb nyob rau hauv txojkev tseeb thiab txojkev hlub.

​

Qhov Tseeb Thiab Lub Siab Hlub

4 Kuv zoo siab xyiv fab kawg uas pom tias, koj cov menyuam qee leej ua raws li qhov tseeb, raws li Leej Txiv tau qhia rau peb ua.

5 Tus muam, nimno kuv thov koj, tsis yog kuv sau dua ib txoj kevcai tshiab rau koj, tiamsis yog txoj kevcai uas peb yeej muaj txij thaum chiv thawj los lawm, yog qhov uas peb ib leeg yuav hlub ib leeg. 6 Txojkev hlub yog qhov uas peb xyaum raws li Abba (יחוח)Yahweh  tej lus qhia. Tej lus qhia ntawd, uas nej tau hnov txij thaum chiv thawj los, yog qhov uas nej yuav tsum xyaum raws li txojkev sib hlub. 7 Vim muaj cov uas dag coob, tawm mus rau hauv lub ntiajteb, yog cov uas tsis lees hais tias, (יהושע)Yahshua Messiah los ua tibneeg. Tus tibneeg zoo li ntawd, yog tus dag thiab yog (יהושע)Yahshua Messiah tus yeeb ncuab.

8 Nej cia li ceev faj kom zoo, nej thiaj tsis plam tej uas nej ua los lawd, tiamsis yuav tau nqe zog puv npo.

9 Txhua tus uas ua dhau cai thiab tsis nyob hauv (יהושע)Yahshua Messiah tej lus qhuab qhia, kuj yog tsis muaj Abba (יחוח)Yahweh. Tus uas nyob hauv tej lus qhia, thiaj yog muaj Abba (יחוח)Yahweh  thiab muaj (יהושע)Yahshua. 10 Yog leejtwg tuaj cuag nej, tsis coj tej lus qhuab qhia no tuaj, tsis txhob hu nws los tsev thiab tsis txhob fim nws kiag li. 11 Rau qhov tus uas fim nws kuj nrog nws koom ua phem.

Xa Xov

12 Tseem tshuav ntau yam uas kuv xav sau tuaj rau nej, tiamsis kuv tsis xav siv ntawv thiab kua mem sau. Kuv vam tias, kuv yuav tuaj saib nej thiab nrog nej tham tim ntsej tim muag, xwv peb thiaj zoo siab xyiv fab kawg nkaus. 13 Koj tus vivncaus uas xaiv cia lawd, cov menyuam kuj hais lus nco txog tuaj rau koj.