Ua Siab Dav Pub​

1 Cov kwvtij, peb xav kom nej paub txog Abba (יחוח)Yahweh txojkev hlub uas nws pub rau cov pawg ntseeg hauv lub xeev Makhedaunias. 2 Thaum lawv raug kev sim siab uas yog kev txom nyem ceeblaj, los lawv tseem zoo siab kawg li xwb. Lawv yeej yog cov tibneeg pluag heev, tiamsis lawv tseem muaj nplooj siab dawb npaug muab lawv tej nyiajtxiag pab rau lwm tus. 3 Kuv ua tau timkhawv tias lawv pab raws li qhov uas lawv pab tau, thiab lawv tseem pab ntau tshaj qhov ntawd lawm thiab. Tsis muaj leejtwg yuam lawv, tiamsis lawv pab yam siab dawh paug xwb. 4 Lawv niaj hnub thov peb kom cia lawv xa nyiaj mus pab Abba (יחוח)Yahweh cov tibneeg dawb huv. 5 Thiab lawv tsis yog li qhov peb xav, lawv xub muab lawv tus kheej pub rau Abba (יחוח)Yahweh lawm, mam li muab pub rau peb raws li Abba (יחוח)Yahweh lub siab nyiam. 6 Vim li no, peb thiaj thov Titus kom nws pab nej ua txojkev hlub no kom tiav, rau qhov nws yog tus uas pib ua tes haujlwm ntawd. 7 Ib yam li nimno nej muaj txhua yam txhij lawm, tsis hais kev ntseeg, kev hais lus, kev paub, kev kub siab rau txhua yam, thiab txojkev hlub uas nej muaj rau peb, nej yuav tsum muaj txojkev hlub no txhij thiab.

8 Qhov uas kuv hais li no tsis yog kuv yuam nej, tiamsis yog coj qhov uas lwm tus kub siab lug tuaj sim nej txojkev hlub, saib muaj tseeb los tsis muaj.  

9 Nej yeej paub lawm hais tias, peb tus Cawmseej (יהושע)Yahshua Messiah hlub peb kawg li. Txawm yog nws yog tus nplua nuj los nws kuj yeem los ua tus pluag. Nws ua li ntawd, twb yog nws xav pab nej kom nej ua tau tibneeg nplua nuj. 10 Vim li no, kuv xav qhia rau nej raws li qhov uas kuv xam pom tias yuav zoo rau nej. Kuv xav kom nej cia li ua txoj haujlwm uas tsaib no nej twb pib ua lawm kom tiav. Yog nej ua li ntawd, yuav zoo heev. Nej yeej yog cov uas xub pib ua txoj hauj lwm ntawd, tiamsis tsis yog nej xub pib ua xwb, nej tseem zoo siab hlo ua thiab.

11 Mas nimno tsim nyog nej ua kom tiav, kom nej kub siab lug xav ua li cas, nej thiaj ua kom tiav raws li muaj peevxwm ua tau ib yam li ntawd. 12 Yog muaj lub siab kub lug lawm, Abba (יחוח)Yahweh yuav txais yuav raws li uas yus muaj tsis yog raws li yus tsis muaj.

13 Tsis yog kuv xav cia lwm tus li haujlwm sib, cia nej li haujlwm hnyav, tiamsis yeej xav kom zoo sib txig. 14 Qhov uas nimno nej muaj nplua mias, kuj pab cov uas tu ncua, thiab thaum lawv muaj nplua mias, lawv yuav pab nej rau thaum tu ncua, xwv thiaj zoo sib txig.

15 Raws li muaj lus sau cia hais tias, tus uas khaws tau ntau, kuj tsis muaj seem, tus uas khaws tau tsawg, kuj tsis tu ncua.

​

Titus thiab Cov Uas Nrog Nws Ua Haujlwm

16 Ua Abba (יחוח)Yahweh tsaug uas pub qhov uas kub siab lug rau nej rau hauv Titus lub siab ib yam li kuv kub siab.

17 Rau qhov nws tsis yog zoo siab txais tej lus uas peb thov nws xwb, tiamsis nws tseem kub siab lug heev tuaj cuag nej tsis muaj leejtwg yuam nws.

18 Peb xa tus kwvtij uas txhua pawg ntseeg qhuas qhov uas nws txawj qhia txoj hmoo zoo nrog nws ua ke tuaj. 19 Tsis tag li ntawd xwb, cov pawg ntseeg tseem xaiv tsa tus no kom nrog peb taug kev thiab nrog peb koom ua tes haujlwm hauv txoj hmoo zoo uas peb tabtom ua no, ua kom Abba  (יחוח)Yahweh tau koob meej thiab ua kom pom qhov uas peb kub siab lug. 20 Peb xav kom tsis muaj leejtwg thuam tau peb txog tej uas luag pub ntau kawg rau peb ceev thiab tu.

21 Peb npaj siab ua ncaj ncees, tsis yog ua tab meeg Abba (יחוח)Yahweh lub qhov muag xwb, tiamsis tab meeg ib tsoom sawvdaws thiab. 22 Peb kuj txib peb tus kwvtij nrog nkawv mus thiab, yog tus uas peb twb muab sim ntau zaus lawm, pom tias nws kub siab rau ntau qhov, thiab nimno nws yimhuab kub siab heev dua, vim nws tso siab rau nej ntau heev.

23 Hais txog Titus, nws koom nrog kuv thiab pab kuv ua num rau nej. Hais txog ob tug kwvtij ntawd, cov pawg ntseeg txib nkawv mus thiab nkawv ua rau (יהושע)Yahshua Messiah tau koob meej.

24 Vim li no nej cia li ua nej txojkev hlub thiab tej uas kuv qhuas txog nej tshwm rau lawv pom thiab ua tshwm rau cov pawg ntseeg pom.

​