Pub Nyiaj Pab Cov xov Dawb

1 Tsis tag kuv yuav sau ntawv tuaj qhia rau nej txog tej nyiaj uas sawvdaws yuav xa mus pab Abba (יחוח)Yahweh cov tibneeg dawb huv.

2 Rau qhov kuv yeej paub hais tias, nej puavleej yuav zoo siab pab. Kuv twb qhuas txog nej rau cov tibneeg hauv lub xeev Makhedaunias paub hais tias, lub xeev Akhayas twb npaj txhij tag tsaib no los lawm. Thiab qhov uas nej kub siab lug xav pab, kuj txhob lawv feem coob kom ua ib yam li ntawd.

3 Kuv txib cov kwvtij no tuaj saib nej, kom lawv thiaj pom hais tias, tej lus uas kuv qhuas txog nej rau lawv, tsis yog kuv lam qhuas qhuav qhuav xwb, tiamsis nej yuav npaj kom txhij raws li kuv twb hais tseg lawd.

4 Yog tsis ua li ntawd, yog cov Makhedaunias qee leej nrog kuv tuaj, pom tias nej tsis tau npaj txhij, ces tsis yog nej yuav txaj muag xwb, tiamsis peb yuav poob ntsej muag thiab, vim qhov uas peb tso siab li ntawd.

5 Vim li no kuv thiaj xav tias, yuav tsum thov cov kwvtij no, ua kuv ntej tuaj cuag nej, thiab npaj tej uas nej cog lus cia hais tias yuav pub ntawd, kom tej uas npaj ntawd yog tej uas nej zoo siab pub, tsis yog tej uas nej raug yuam pub.

6 Yog li no, tus uas tseb tsawg, kuj sau tau tsawg, tus uas tseb ntau, kuj sau tau ntau. 

7 Txhua tus nyias yuav tsum muab raws li nyias twb xav tseg hauv lub siab lawm, tsis yog yuav khuvxim lossis raug yuam muab, rau qhov Abba (יחוח)Yahweh hlub tus uas xyiv fab muab.

8 Thiab Abba (יחוח)Yahweh muaj peevxwm yuav pub txhua yam koob hmoov rau nej nplua mias, kom nej thiaj muaj txhua yam txhij txaus siv rau txhua lub sijhawm, thiab nej tseem muaj nplua mias siv rau txhua yam haujlwm zoo thiab. 9 Raws li muaj lus sau cia hais tias, nws faib rau luag thiab pub rau tej pluag, nws txojkev ncaj ncees yuav nyob mus ib txhis. (Ntawv Nkauj 112:9)

10 Tus uas pub noob rau tus uas tseb thiab pub mov rau tus uas noj, nws yeej yuav pub noob qoob rau nej, thiab yuav tsav tej noob qoob rau nej, thiab yuav tsav tej qoob uas nej sau ntawm nej txojkev ncaj ncees.

11 Nej yuav nplua nuj rau txhua yam, nej thiaj muaj lub siab dav pub tau rau luag txhua lub sijhawm, thiab yuav ua kom muaj kev ua Abba (יחוח)Yahweh tsaug rau tej uas hla ntawm peb mus.

12 Qhov uas ua tes haujlwm no tsis yog pab rau cov tibneeg dawb huv uas txom nyem xwb, tiamsis yuav ua kom muaj kev ua Abba (יחוח)Yahweh tsaug ntau kawg nkaus.

13 Thaum luag tshuaj saib nej tes haujlwm no, luag yuav qhuas Abba (יחוח)Yahweh, rau qhov uas nej mloog lus, kom tsim nyog qhov uas nej txais yuav (יהושע)Yahshua Messiah txoj hmoo zoo, thiab rau qhov uas nej muaj lub siab dav pub rau lawv, thiab pub rau txhua tus.

14 Lawv yuav taij thov Abba (יחוח)Yahweh pab nej thiab nco txog nej, vim Abba (יחוח)Yahweh txojkev hlub uas nej muaj nplua mias.

15 Peb cia li ua Abba (יחוח)Yahweh tsaug, rau qhov Abba (יחוח)Yahweh twb pub Abba  (יחוח)Yahweh txoj koob hmoov uas muaj nqis kawg nkaus rau peb lawm.

​