Sha-ul Qhia Nws Tes Haujlwm

1 Kuv yog Sha-ul. Nej ua tib zoo mloog kuv tej lus. Muaj tibneeg hais tias, thaum kuv tseem nrog nej nyob ua ke, kuv kuj ntshai nej, tiamsis thaum kuv ncaim nej los lawm, kuv ua tawv kawg li tuaj rau nej. (יהושע)Yahshua Messiah pub kuv muaj lub siab mos siab muag, thiab lub siab hlub ib yam li nws. 2 Kuv thov hais rau nej hais tias, thaum kuv tuaj saib nej, tsis txhob ua kom kuv tau ua tawv rau nej. Rau qhov kuv yeej npaj siab tias, kuv yuav tsum ua tawv rau cov tibneeg uas thuam peb hais tias, peb lam ua kom peb tau ntsej tau muag ib yam li tibneeg ntiaj teb ibtxwm ua xwb. 3 Txawm yog peb ua lub neej nyob hauv ntiajteb los, peb tsis tawm tsam raws li tibneeg ntiajteb. 4 Thaum peb tawmtsam yeebncuab, peb tsis siv tej cuabyeej uas tibneeg ntiaj teb ibtxwm siv. Tiamsis peb siv tej cuabyeej uas Abba (יחוח)Yahweh tus uas muaj hwjchim muab rau peb, peb thiaj rhuav tshem tau yeebncuab lub yeej kom puam tsuaj. 5 Thiab peb yuav rhuav txhua lub ntsa loog siab uas thaiv tsis pub kom paub txog Abba (יחוח)Yahweh. Thiab peb yuav coj, cov tibneeg uas ua yeebncuab rau Abba  (יחוח)Yahweh, los mloog (יהושע)Yahshua Messiah tej lus. 6 Thaum peb pom hais tias nej mloog lus lawm tiag, peb yuav rau txim rau txhua tus uas tsis mloog lus. 7 Nej puas pom raws li cov uas nyob sab nraud pom thiab?

Yog leejtwg ntseeg tau hais tias, nws yog (יהושע)Yahshua Messiah tug, tus ntawd yuav tsum ua tib zoo xav dua ntawm nws tus kheej, ib yam li nws twb yog (יהושע)Yahshua Messiah tug lawm, peb cov uas xav hais tias twb yog (יהושע)Yahshua Messiah tug lawm los yuav tau ua ib yam li ntawd thiab.

8 Txawm yog kuv qhuas ntau mentsis txog peb lub hwjchim uas Abba (יחוח)Yahweh pub kom tsim tsa nej, tsis yog pub ua kom nej puam tsuaj, kuv yuav tsis poob ntsej muag. 9 Kuv tsis xav kom nej xav tias kuv sau tsab ntawv no tuaj hem nej. 10 Rau qhov muaj qee leej hais tias, nws tsab ntawv muaj hwjchim thiab hais hnyav kawg, tiamsis thaum nws tuaj txog nws tus kheej qaug zog, thiab nws tej lus siv tsis tau. 11 Cov tibneeg ntawd cia li to taub li no tias, peb hais li cas rau hauv tsab ntawv rau thaum peb tsis nyob ntawd, thaum peb tuaj txog, peb kuj ua raws nraim li ntawd. 12 Peb tsis muaj siab tuab suav tias peb zoo cuag li luag, lossis muab peb piv rau qee leej uas lawv qhuas lawv tus kheej. Tiamsis thaum lawv tshuaj saib, lawv thiab muab lawv tus kheej piv ib leeg rau ib leeg, los lawv yeej yog cov uas tsis nkag siab.

13 Peb li mas yuav tsis qhuas dhau cai, tiamsis yuav qhuas txog tej uas Abba (יחוח)Yahweh tu tseg rau peb xwb, thiab tej uas Abba (יחוח)Yahweh tu tseg ntawd, kuj yog nej cov thiab.

14 Rau qhov peb tsis ua dhau tej uas tsis yog peb li feem yam nkaus li peb tsis tau txeev tuaj cuag nej dua li. Peb yog thawj pab uas coj (יהושע)Yahshua Messiah txoj hmoo zoo tuaj qhia nej. 15 Peb tsis qhuas dhau cai, tsis tau qhuas txog lwm tus tes haujlwm. Tiamsis peb vam tias thaum nej txojkev ntseeg loj hlob lawm, peb cov haujlwm hauv nej yuav nthuav dav zuj zus mus, 16 xwv peb thiaj qhia txoj hmoo zoo rau hauv tej chaw uas dhau ntawm nej li feem mus, tsis qhuas txog lwm tus tej haujlwm uas ua rau hauv luag li feem lawm.

17 Cia tus uas qhuas tsuas qhuas txog Abba (יחוח)Yahweh xwb. (Yeremyah 9:22-23)

18 Rau qhov tus uas qhuas txog nws tus kheej xwb, luag tsis hwm, tsuas yog tus uas Abba (יחוח)Yahweh qhuas, luag thiaj hwm xwb.

​