Tus Uas Phem Kawg

1 Cov kwvtij, hais txog qhov uas peb tus Cawmseej (יהושע)Yahshua Messiah yuav rov los, thiab qhov uas nws qaws peb mus nrog nws nyob ntawd, peb thov kom nej  2 tsis txhob ua siab ywj fab ywj fwj sai, lossis poob siab tsis hais ntawm ntsuj plig, lossis tej lus hais, lossis tej tsab ntawv, uas dag hais tias yog peb sau tuaj, hais tias Cawmseej (יהושע)Yahshua hnub twb los txog lawm.  3 Tsis txhob cia leejtwg dag tau nej rau txojkev twg li, vim tias hnub ntawd yuav tsis los txog ua ntej uas tsis tau muaj kev fav xeeb thiab tus tibneeg phem uas tsis yuav cai tsis tau tshwm los, nws yog tus uas raug tshwj tseg rau kev puam tsuaj.  

4 Nws tawm tsam thiab tsab ua loj dua txhua yam uas hu ua timtswv, thiab txhua yam uas tibneeg pe hawm, nws thiaj zaum rau hauv Abba (יחוח)Yahweh lub tuam tsev, thiab tshaj tawm tias nws yog Abba (יחוח)Yahweh.  5 Nej nco tsis tau lawm lov? Thaum kuv nrog nej nyob, kuv twb qhia zaj no rau nej lawm.  6 Thiab nimno nej kuj paub tias, muaj abtsi tswj nws cia kom nws thiaj tshwm los tau rau lub sijhawm uas teem rau nws.  7 Txojkev phem uas muab npog cia ntawd, tabtom ua haujlwm, tiamsis tus uas nimno tswj nrees txojkev phem ntawd, tsuas tswj mus txog thaum nws raug muab ntiab tawm mus xwb.  

8 Thaum ntawd, tus phem uas tsis yuav cai yuav tshwm los, mas Cawmseej (יהושע)Yahshua yuav tshuab pa ntawm nws qhov ncauj tua tus ntawd, thiab qhov uas (יהושע)Yahshua ci ntsa iab nqes los, yuav ua kom tus ntawd puam tsuaj tag.  9 Tus phem uas tsis yuav cai ntawd, yuav tuaj raws li Xatas tshoov nws lub siab thiab yuav muaj txhua yam hwjchim, thiab ua tau cuav txujci tseem ceeb thiab txujci phimhwj dag ntxias, 10 thiab muaj txhua yam tswvyim phem dag cov uas yuav puam tsuaj, vim lawv tsis nyiam txojkev tseeb uas cawm tau lawv dim.  

11 Vim li no, Abba (יחוח)Yahweh thiaj tso txojkev dag ntxias los raug lawv ua rau lawv ntseeg txoj uas cuav.  12 Mas txhua tus uas tsis ntseeg txojkev tseeb, tiamsis nyiam txojkev phem, thiaj raug teem txim.

​

Raug Xaiv Kom Dim

13 Cov kwvtij uas Abba (יחוח)Yahweh hlub, tsim nyog peb ua Abba (יחוח)Yahweh tsaug txog nej tsis tu ncua, rau qhov Abba (יחוח)Yahweh twb xaiv nej thaum chiv keeb los kom thiaj dim.  Vim yog Tus Ntsuj Plig Dawbhuv cais nej kom dawb huv thiab vim nej ntseeg txojkev tseeb.  

14 Abba (יחוח)Yahweh siv txoj hmoo zoo uas peb qhia hu nej los, kom tau tej no, kom nej thiaj tau koom peb tus Cawmseej (יהושע)Yahshua Messiah lub hwjchim ci ntsa iab.  15 Vim li no, cov kwvtij, nej cia li nyob ruaj thiab tuav rawv tej lus qhia uas peb cob rau nej, tsis hais tej lus uas xuas ncauj hais thiab tej tsab ntawv.  16 Nimno thov kom peb tus Cawmseej (יהושע)Yahshua Messiah thiab Abba (יחוח)Yahweh uas yog peb Leej Txiv uas hlub peb thiab txhawb peb lub siab mus ib txhis, thiab pub peb muaj lub chaw vam uas zoo ntawm nws txojkev hlub, 

17 txhawb nej lub siab thiab pab kom nej nyob ruaj rau txhua yam haujlwm zoo uas nej ua thiab tej lus uas nej hais.

​

2 THESSALONIANS 2