Thov Abba (יחוח)Yahweh Pab Peb

1 Cov kwvtij, thaum kawg no, cia li thov Abba  (יחוח)Yahweh pab peb kom Abba (יחוח)Yahweh txojlus yuav nthuav mus sai sai, thiab tau koob meej ib yam li twb tau hauv nej lawd, 2 thiab thov kom peb tau dim hauv tej tibneeg limhiam thiab phem, rau qhov tsis yog sawvdaws ntseeg.  3 Abba (יחוח)Yahweh yog tus uas tso siab tau. Nws yuav pab kom nej nyob ruaj thiab tsom kwm nej tsis pub tus uas phem ua phem rau nej.  4 Peb kuj tso siab rau hauv Abba (יחוח)Yahweh tias nej tabtom ua thiab nej yuav ua tej uas peb hais rau nej ntxiv mus.  5 Thov Abba (יחוח)Yahweh coj nej lub siab kom mus txog Abba (יחוח)Yahweh txojkev hlub thiab txog (יהושע)Yahshua Messiah txojkev ua siab ntev thev taus.

 

Tsis Txhob Tub Nkeeg

6 Cov kwvtij, peb tuav peb tus Cawmseej (יהושע)Yahshua Messiah lub npe nkaw lus rau nej kom nej txav deb ntawm txhua tus kwvtij uas tub nkeeg thiab tsis xyaum raws li tej lus qhia uas peb muab cob rau nej.  7 Vim nej kuj paub tias nej yuav tsum yoog raws li peb. Thaum peb nrog nej nyob, peb tsis tub nkeeg, 

8 thiab peb tsis tau noj leejtwg li zaub mov tsis them nqe, peb siv zog ua haujlwm hnyav nruab hnub hmo ntuj thiaj tsis ua nra rau nej cov leejtwg.  9 Tsis yog peb tsis muaj cai, tiamsis yog peb ua lub neej ua yam ntxwv rau nej xyaum.  10 Txawm yog thaum peb tseem nrog nej nyob, peb yeej nkaw lus li no tias yog leejtwg tsis yeem ua haujlwm, tsis txhob kheev nws noj.  11 Vim peb hnov tias nej cov muaj qee Leej Tub nkeeg, tsis ua haujlwm abtsi li, tiamsis mus tab kaum lwm tus.  

12 Nimno peb tuav tus Cawmseej (יהושע)Yahshua Messiah lub npe nkaw lus thiab ntuas cov tibneeg zoo li ntawd kom lawv cia li nyob tus yees, ua lawv tej haujlwm thiab nrhiav rau lawv noj.  3 Cov kwvtij, nej tsis txhob nkees ua qhov zoo.  14 Yog leejtwg tsis mloog tej lus uas kuv hais hauv tsab ntawv no, cia li cim tus ntawd cia, tsis txhob nrog nws ua ke, xwv nws thiaj li txaj muag.  15 Tsis txhob suav tias nws yog yeeb ncuab tiamsis cia li ntuas nws yam li yog kwvtij.

 

Lus Foom Hmoov

16 Thov kom Abba (יחוח)Yahweh uas muaj siab tus yees pub lub siab tus yees rau nej txhua lub sijhawm thiab rau hauv txhua yam. Thov Abba (יחוח)Yahweh nrog nraim nej.

17 Tej lus sib fim no yog kuv Sha-ul txhais tes sau, kuv ntaus cim li no rau txhua tsab ntawv.  Kuv yeej sau li no.  18 Thov peb tus Cawmseej (יהושע)Yahshua Messiah txoj kev hlub nrog nraim nej txhua tus.