1 Kuv yog Sha-ul, uas yog (יהושע)Yahshua Messiah tus tubtxib raws li Abba (יחוח)Yahweh uas yog peb tus Cawmseej thiab (יהושע)Yahshua Messiah uas yog peb lub chaw vam pom zoo. 2 Kuv sau tsab ntawv no tuaj rau Timothy uas yog kuv tus tseem tub hauv txojkev ntseeg. Thov txojkev hlub, txojkev khuvleej thiab txojkev ywjpheej ntawm Abba (יחוח)Yahweh thiab ntawm (יהושע)Yahshua Messiah uas yog peb tus Cawmseej nrog nraim koj.

​

Ceev Faj Tej Lus Cuav

3 Kuv xav kom koj nyob twjywm hauv lub moos Ephesians, raws li uas kuv twb hais rau koj ua ntej thaum kuv mus rau lub xeev Makhedaunias lawm. Kom thiaj li txwv tau qee leej, kom tsis txhob qhia tej uas tsis muaj tseeb. 4 Thiab tsis txhob qaug rau tej dab tibneeg, thiab tej zaj uas hais txog tej poj koob yawm txwv tsis paub kawg. Tej no yuav ua rau kom muaj kev sib cav sib ceg ntau dua li qhov uas ua Abba (יחוח)Yahweh tes haujlwm hauv txojkev ntseeg.

5 Qhov uas kuv nkaw lus li no, vim yog xav kom lawv muaj kev sib hlub uas los ntawm lub siab dawb paug thiab lub siab uas paub qhov zoo thiab ntawm txojkev ntseeg tuaj nruab siab los. 6 Qee leej tso tej uas hais no tseg tig mus hais tej zaj uas tsis muaj qabhau. 7 Lawv xav ua xibhwb qhia txoj kevcai los lawv twb tsis nkag siab tej uas lawv qhia, lossis tej uas lawv ruaj siab qhia. 8 Peb paub tias txoj kevcai yeej zoo heev li, yog muaj tus txaus siab rau txoj kevcai ntawd, nws yuav tsum coj txoj kevcai ntawd mus siv rau nws tus kheej. 9 Yuav tsum paub txog qhov no, tias txoj kevcai tsis yog rhawv rau cov uas ncaj ncees xwb, tiamsis rhawv rau cov uas tsis coj raws li kevcai thiab tawv ncauj, rau cov uas tsis ncaj ncees thiab muaj txim, rau cov uas tsis hwm Abba (יחוח)Yahweh thiab tuam mom Abba (יחוח)Yahweh, rau cov uas tua niam tua txiv, rau cov uas tua tibneeg, 10 rau cov uas ua nkauj ua nraug, rau cov txivneej deev txivneej, rau cov uas ua tub sab nyiag tibneeg, rau cov uas txawj dag, rau cov uas ua cuav timkhawv thiab dua lwm yam uas tawm tsam tej lus tseeb.

11 Raws li nyob hauv txoj hmoo zoo tsim txiaj uas hais txog Abba (יחוח)Yahweh uas tsim nyog qhuas, yog txoj hmoo zoo uas muab cob rau kuv lawm.

​

Sha-ul Ua Abba (יחוח)Yahweh Tsaug

12 Kuv ua tsaug (יהושע)Yahshua Messiah uas yog peb tus Cawmseej. Nws yog tus uas pub zog rau kuv, vim nws suav tias tso siab tau rau kuv, thiaj tsa kuv ua nws tes haujlwm.

13 Txawm yog yav tag los, kuv yog tibneeg tuam mom, thiab tsim txom, thiab ua limhiam los kuv tseem tau txais kev khuvleej vim thaum ntawd kuv tsis paub, kuv tsis ntseeg, kuv thiaj ua li ntawd.

14 Tiamsis Abba (יחוח)Yahweh txoj koob hmoov muaj nplua mias rau kuv, nrog txojkev ntseeg thiab txojkev sib hlub uas muaj hauv (יהושע)Yahshua Messiah ua ke. 15 Tej lus no tso siab tau thiab tsim nyog lees yuav kawg, yog qhov uas (יהושע)Yahshua Messiah los rau hauv lub ntiajteb, cawm cov tibneeg muaj txim kom dim. Hauv cov tibneeg muaj txim ntawd, kuv yog tus thawj. 16 Tiamsis vim li no, kuv thiaj tau txais kev khuvleej kom (יהושע)Yahshua Messiah thiaj ua txojkev siab ntev thev tshwm rau kuv, uas yog tus thawj ua txhaum thiaj ua yam ntxwv rau cov uas yuav ntseeg nws, thiab txais txojsia ib txhis tsis kawg. 17 Tus vajntxwv uas kav mus ib txhis thiab tsis txawj tuag, thiab tsis muaj leejtwg pom, nws yog tib tug Abba (יחוח)Yahweh. Thov kom nws muaj koob meej thiab hwjchim ci ntsa iab mus ib txhis tsis kawg. Haleluyah! Amen!

18 Metub Timothy, kuv muab tej lus nkaw no cob rau koj, raws li tus xibhwb cev lus twb hais ua ntej txog koj lawm. Tej lus ntawd yuav pab thiab txhawb kom koj txawj ua rog zoo. 19 Thiab tuav rawv txojkev ntseeg thiab lub siab uas paub qhov zoo ruaj. Tej no qee leej muab tso tseg lawm ua rau lawv txojkev ntseeg qaug. 20 Hauv cov tibneeg ntawd muaj Himene‑as thiab Alexadaws, uas kuv twb muab cob rau Xatas lawm, kom ob tug thiaj kawm thiab paub qhov uas tsis txhob tuam mom Abba (יחוח)Yahweh.