Qhia Thov Abba (יחוח)Yahweh

1 Vim li no, ua ntej dua lwm yam huvsi, kuv thov kom nej siv zog thov, thiab taij thov, thiab thov pab lwm tus, thiab ua Abba (יחוח)Yahweh tsaug txog ib tsoom tibneeg sawvdaws.  2 Yog thov pab tej vajntxwv thiab txhua tus nom tswv, kom peb thiaj tau ua neej nyob siab tus yees thiab kaj siab lug, muaj siab xib rau Abba (יחוח)Yahweh, thiab paub cai. 3 Qhov uas ua li no, yog qhov zoo thiab thiaj haum Abba (יחוח)Yahweh uas yog peb tus Cawmseej lub siab. 4 Nws xav kom ib tsoom tibneeg sawvdaws tau txais kev dim thiab paub txojkev tseeb. 5 Rau qhov tsuas muaj tib tug Abba (יחוח)Yahweh thiab tsuas muaj tib tug nyob nruab nrab ntawm Abba (יחוח)Yahweh thiab tibneeg xwb, yog (יהושע)Yahshua Messiah uas yog tibneeg.

6 Nws yog tus uas muab nws tus kheej txhiv txhua tus, thiaj yog ua timkhawv raws li lub sijhawm uas teem cia. 7 Vim zaj no, kuv thiaj raug tsa ua tus tshaj txoj hmoo zoo, thiab ua tubtxib, thiab ua xibhwb qhia lwm haiv neeg txog txojkev ntseeg, thiab txojkev tseeb. Kuv hais tseeb tsis dag li. 8 Vim li no, kuv thiaj xav kom cov txivneej tsa txhais tes dawb huv thov Abba (יחוח)Yahweh rau txhua qhov, tsis txhob muaj kev sib chim sib cav. 9 Cov poj-niam yuav tsum ua tib zoo hnav tsoos kom phim thiab tsim nyog, tsis txhob ntxias plaubhau lossis coj kub, coj qe qwj muaj nqes, lossis hnav tej tsoos tsho kim kim. 10 Tiamsis tu lub cev rau qhov uas, ua haujlwm zoo kom tsim nyog ib tug pojniam uas hais tias, nws hwm Abba (יחוח)Yahweh.

11 Cov pojniam yuav tsum txo hwjchim nyob twjywm kawm. 12 Kuv tsis kheev cov pojniam qhuab qhia lossis tswjhwm cov txiv. Cia nws nyob twjywm. 13 Rau qhov Abba (יחוח)Yahweh tsim Adas ua ntej, mam li tsim Evas. 14 Thiab tsis yog Adas raug dag ntxias, tiamsis yog tus pojniam raug dag ntxias, thiab poob rau hauv kev txhaum. 15 Txawm li ntawd los, pojniam yuav tau kev dim hauv qhov uas yug menyuam, tsuav yog lawv nyob hauv kev ntseeg, thiab kev hlub, thiab kev dawb huv, thiab paub cai.

​