Cov Uas Saib Xyuas Cov Ntseeg

1 Tej lus no tso siab tau. Yog leejtwg xav ua tes haujlwm uas saib xyuas pawg ntseeg, kuj yog tus ntawd xav ua tes haujlwm zoo. 2 Tus uas saib xyuas pawg ntseeg, yuav tsum yog tus uas tsis muaj chaw thuam thiab muaj ib tug pojniam xwb, thiab paub xyuam xim, txawj tswj nws tus kheej, paub cai, zoo siab txais qhua, txawj qhuab qhia, 3 tsis qaug dej qaug cawv, tsis ua nruj ua tsiv, tiamsis muaj lub siab zam xeeb, tsis sib cav sib ceg, thiab tsis ntshaw nyiaj txiag. 4 Nws yuav tsum kav tau nws tsev neeg, thiab tswj nws cov menyuam, kom mloog lus thiab hwm lwm tus. 5 Yog tus txivneej twg tsis txawj kav nws tsev neeg, nws yuav saib xyuas tau Abba (יחוח)Yahweh pawg ntseeg li cas? 

6 Tsis txhob cia tus uas nyuam qhuav ntseeg tshiab, ua tus saib xyuas pawg ntseeg, tsam ces nws khav theeb thiab raug txim ib yam li Ntxwg Nyoog. 7 Thiab nws kuj yuav tsum yog tus uas, tej tibneeg sab nraud hwm, xwv nws thiaj tsis raug thuam thiab tsis mag Ntxwg Nyoog lub voj hlua.

 

Cov Uas Pab Ua Haujlwm

8 Cov uas pab ua haujlwm kuj ib yam nkaus, yuav tsum yog cov uas luag hwm, tsis txhob ua ncauj lus zoo siab phem, tsis txhob quav dej quav cawv, tsis txhob ua lub siab hlob xav tau ntau. 9 Lawv yuav tsum muaj lub siab dawb paug tuav txojkev ntseeg uas Abba (יחוח)Yahweh muab npog cia tob tob kom ruaj. 10 Yuav tsum xub tshuaj saib lawv tso, yog pom tias lawv tsis muaj chaw thuam, mam li cia lawv ua cov uas pab ua haujlwm.

11 Cov pojniam kuj ib yam nkaus thiab, yuav tsum yog cov uas luag hwm, tsis xyav lwm tus moo, paub xyuam xim thiab ua ncaj rau txhua yam. 12 Cov uas pab ua haujlwm yuav tsum muaj ib tug pojniam xwb, thiab yuav tsum kav tau lawv cov menyuam, thiab tsev neeg zoo.

13 Cov uas pab, yog ua tau haujlwm zoo, kuj tau koob meej thiab yuav ruaj siab heev rau hauv txojkev ntseeg (יהושע)Yahshua Messiah .

 

Qhov Tseem Ceeb Uas Peb Ntseeg

14 Kuv sau tej no tuaj rau koj. Kuv vam thiab cia siab tias yuav tau ntsib koj sai sai no.

15 Qhov uas sau tej no tuaj rau koj ua ntej, tsuas yog tsam kuv ho tuaj tau ib nyuag qeeb zog, es koj thiaj paub tias tsim nyog yuav xyaum li cas rau hauv Abba (יחוח)Yahweh tsev neeg, uas yog Abba (יחוח)Yahweh tus muaj txojsia nyob pawg ntseeg, yog tej ncej txawb thiab tej taw tiag txojkev tseeb. 16 Peb lees tias txojkev ntseeg uas muab npog cia tob tob lawd, tseem ceeb heev. Nws tshwm los ua tibneeg nqaij tawv. Tus Ntsuj Plig Dawbhuv qhia kom paub tseeb tias, nws ncaj ncees, thiab cov tubtxib saum ntuj pom ntsoov nws. Nws raug muab tshaj tawm rau ib tsoom tibneeg, thiab tibneeg hauv ntiajteb ntseeg nws. Nws raug muab qaws nrog hwjchim ci ntsa iab nce mus.

​