Tibneeg Yuav Tso Kev Ntseeg Tseg

1 Tus Ntsuj Plig Dawbhuv qhia meej tias yav tom ntej yuav muaj qee leej tso kev ntseeg tseg, tig mus ntseeg tej ntsuj plig uas dag ntxias thiab tej lus uas dab qhia. 2 Tej no los ntawm cov tibneeg ncauj lus zoo siab phem, uas txawj dag, lawv lub siab uas paub qhov zoo qhov phem, raug hluavtaws kub tuag lawm. 3 Lawv txwv tsis kheev sib yuav ua txij nkawm, thiab txwv tsis pub noj qee yam uas Abba (יחוח)Yahweh tsim cia rau cov uas ntseeg thiab paub txojkev tseeb, ua Abba (יחוח)Yahweh tsaug li noj tau.

4 Vim txhua yam uas Abba (יחוח)Yahweh tsim cia puavleej zoo, tsis muaj ib yam abtsi yuav txwv, tsuav yog ua Abba (יחוח)Yahweh tsaug li noj xwb, 5 vim Abba (יחוח)Yahweh txojlus thiab tej lus thov twb ntxuav tej ntawd kom dawb huv lawm.

 

(יהושע)Yahshua Tus Tub Qhe Uas Zoo

6 Yog koj qhia tej no rau cov kwvtij, kuj yog koj ua (יהושע)Yahshua Messiah tus tub qhe uas ua haujlwm zoo, vim txojkev ntseeg tej lus thiab tej lus qhia zoo uas koj xyaum raws li lawm, yug koj kom kheev hlob. 7 Tsis txhob quav ntsej tej dab tibneeg uas rhuav tshem Abba (יחוח)Yahweh thiab tej kwv huam.

Tiamsis koj yuav tsum ua lub neej xyaum kom tau lub siab uas hwm Abba (יחוח)Yahweh. 8 Qhov uas muab lub cev xyaum twb muaj qabhau mentsis lawm, tiamsis lub siab uas hwm Abba (יחוח)Yahweh muaj qabhau rau txhua txojkev, vim muaj lo lus cog tseg rau txojsia tiam no thiab tiam tom ntej. 9 Tej lus no tso siab tau thiab tsim nyog lees yuav kawg.

10 Qhov uas peb ua haujlwm khwv thiab siv zog ua haujlwm, kuj yog vim peb vam khom Abba (יחוח)Yahweh, tus muaj txojsia nyob uas yog ib tsoom tibneeg tus Cawmseej, thiab qhov tseem ceeb nws yog cov ntseeg tus Cawmseej. 11 Cia li nkaw lus thiab qhia tej no.

12 Tsis txhob cia leejtwg saib tsis taus qhov uas koj tseem hluas, tiamsis cia li ua yam ntxwv zoo rau cov ntseeg, tsis hais kev hais lus, kev ua haujlwm, kev sib hlub, thiab kev ntseeg, kev dawb huv huvsi. 13 Cia li kub siab nyeem Abba (יחוח)Yahweh txojlus rau sawvdaws mloog, thiab txhawb lawv lub zog, thiab qhuab qhia mus txog thaum kuv tuaj txog. 14 Tsis txhob hnov qab lub tswvyim uas muab pub rau koj, raws li uas cev Abba (יחוח)Yahweh lus rau thaum cov saib xyuas pawg ntseeg tsa tes npuab koj. 15 Cia li ua tej hauj lwm no, thiab siv zog ua kom txhua tus thiaj pom tias koj loj hlob zuj zus. 16 Cia li ua tib zoo saib koj tus kheej thiab tej uas koj qhia. Cia li xyaum raws li tej no tsis tu ncua li, rau qhov yog koj ua li no, koj yuav cawm tau koj tus kheej thiab cov uas mloog koj qhia kom dim.

​