Tes Haujlwm Uas Saib Xyuas Cov Ntseeg

Tsis txhob cem ib tug yawg laus twg li, tiamsis ntuas nws zoo ib yam li, nws yog koj txiv xwb. Cia li saib cov hluas zoo ib yam li yog koj cov kwvtij. 2 Thiab saib cov poglaus zoo ib yam li lawv yog koj niam xwb, thiab saib cov ntxhais hluas zoo ib yam li lawv yog koj cov muam ntawm lub siab dawb huv.

3 Cia li saib taus cov poj ntsuam uas tsis muaj chaw vam khom leejtwg. 4 Yog tus poj ntsuam twg muaj tub ki, muaj xeeb ntxwv, kuj cia cov menyuam ntawd, kawm kom paub ua raws li Abba (יחוח)Yahweh hais rau lawv tsev neeg ua ntej, thiab ua pauj lawv niam, lawv txiv, tej txiaj ntsig, vim qhov uas ua li no, haum Abba (יחוח)Yahweh lub siab. 5 Tus poj ntsuam uas tsis muaj chaw vam, uas nyob ib leeg xwb, nws yeej vam ntsoov, thiab taij thov, thiab thov Abba (יחוח)Yahweh pab nruab hnub hmo ntuj tsis tu ncua li. 6 Tiamsis tus poj ntsuam uas tsis tsheej haj, txawm yog nws tseem ciaj, los kuj zoo li tuag lawm. 7 Cia li qhia tej no rau lawv, xwv lawv thiaj tsis raug thuam. 8 Yog leejtwg tsis yug nws cov kwvtij, thiab qhov loj tsis yug nws tsev neeg, tus ntawd, twb tso kev ntseeg tseg lawm, nws tseem phem dua tus uas tsis tau ntseeg thiab.

9 Cov poj ntsuam uas sau tau lawv npe rau hauv phau ntawv pojntsuam, yuav tsum yog cov uas hnub nyoog muaj rau caum xyoo rov saud lawm xwb, thiab yuav tsum yog nws yuav tib zaug txiv xwb. 10 Tus pojniam ntawd yuav tsum yog tus uas muaj koob meej, rau qhov uas ua haujlwm zoo, xws li muaj siab tu menyuam, nyiam txais qhua, ntxuav cov tibneeg dawb huv kotaw, pab cov tibneeg txom nyem, thiab siv zog ua txhua yam haujlwm zoo. 11 Tiamsis tsis txhob sau cov poj ntsuam hluas hluas npe rau hauv phau ntawv, vim tias lawv txojkev ntshaw yuav ua rau lawv tso (יהושע)Yahshua Messiah tseg, vim lawv kuj tseem xav yuav txiv dua. 12 Ces thaum ntawd, lawv thiaj muaj txim, vim yog tsis ua raws li uas cog lus cia ua ntej lawd. 13 Dua li ntawd, lawv tseem xyaum ua tibneeg tub nkeeg, nyiam mus cuav zej cuav zos, thiab tsis yog tub nkeeg xwb, tseem taug xaiv, thiab tab kaum lwm tus, thiab hais tej lus uas tsis tsim nyog hais. 14 Vim li no, kuv thiaj xav kom cov poj ntsuam hluas hluas, rov yuav txiv, muaj menyuam, saib vaj saib tsev, xwv yeeb ncuab thiaj tsis tau kev thuam. 15 Rau qhov, muaj qee leej yuam kev raws dab Xatas mus lawm. 16 Yog cov pojniam uas ntseeg, leejtwg muaj txheeb ze ua poj ntsuam, kuj cia nws pab yug lawv cov ntawd. Tsis txhob cia ua nra rau pawg ntseeg, xwv pawg ntseeg thiaj pab tau cov poj ntsuam uas tsis muaj chaw vam tiag tiag. 17 Cia li suav tias, cov saib xyuas pawg ntseeg uas kav zoo, tsim nyog tau tshav ntuj ob npaug, yimhuab tsim nyog muab rau cov uas siv zog piav Abba (יחוח)Yahweh txojlus, thiab qhuab qhia.

18 Rau qhov Abba (יחוח)Yahweh txojlus sau cia hais tias, thaum nyuj tabtom tsuj qeb tsuj mog, tsis txhob muab tawb looj nyuj qhov ncauj, thiab tus tub zog, tsim nyog tau nws li nqe zog. 19 Tsis txhob ntseeg tej lus uas iab liam tus saib xyuas cov ntseeg twg, yuav tsum muaj ob leeg lossis peb leeg ua timkhawv, thiaj ntseeg xwb. 20 Cov uas tseem ua txhaum, koj cia li ntuas lawv tab meeg sawvdaws, kom lwm tus thiaj paub ntshai. 21 Kuv nkaw lus rau koj tab meeg Abba (יחוח)Yahweh, thiab tab meeg (יהושע)Yahshua Messiah, thiab tab meeg cov tubtxib saum ntuj uas xaiv cia lawd, kom koj tuav rawv tej lus no cia, tsis txhob saib leejtwg ntsej muag thiab tsis txhob tuaj leejtwg tog. 22 Tsis txhob maj muab tes npuab tsa leejtwg, thiab tsis txhob koom nrog lwm tus ua txhaum. Cia li tsom kwm koj tus kheej kom dawb huv mus li. 23 Tsis txhob haus dej xwb, tiamsis koj yuav tsum haus mentsis cawv txiv hmab thiaj pab tau koj lub plab, thiab pab qhov uas koj pheej muaj mob.

24 Qee leej tej kev txhaum mas tshwm los meej tamsid, mas coj ncaj nraim mus raug txiav txim uas nyob tom hauv ntej. Tiamsis lwm tus tej kev txhaum tshwm los meej rau yav tom qab. 25 Qhov uas ua zoo, kuj yuav tshwm los meej ib yam nkaus thiab, txawm yog qee yam tsis tau tshwm los, thaum ntawd yuav muab npog cia mus li tsis tau.

​