1 Txhua yam haujlwm uas vajntxwv Xalaumoos ua (יחוח)Yahweh lub tuam tsev thiaj tiav tag li no.  Thiab Xalaumoos coj tej nyiaj, tej kub thiab tej twj siv huvsi uas nws txiv Daviv twb muab xyeem pub rau (יחוח)Yahweh lawd, los muab khaws cia rau hauv tej txhab nyiaj hauv (יחוח)Yahweh lub tuam tsev.

​

Xalaumoos Coj ()Yahweh Lub Phij Xab Los Rau Hauv Lub Tuam Tsev

(1 Vajntxwv 8:1-9)

2 Mas Xalaumoos hu Ixayees cov kev txwj laug, yog txhua tus uas ua hlob hauv txhua xeem thiab txhua cum tus thawj tuaj txoos ua ke rau hauv Yeluxalees es yuav mus coj (יחוח)Yahweh lub phij xab sib cog lus tawm hauv Daviv lub nroog uas yog lub roob Xi‑oo los.

3 Mas tag nrho Ixayees cov txivneej tuaj txoos ua ke ntawm vajntxwv xub ntiag rau lub sijhawm uas ua kevcai npaj noj haus rau lub xya hli.

4 Cov Ixayees tej kev txwj laug sawv daws tuaj txhij mas cov Levis txawm nqa lub phij xab.

5 Lawv coj lub phij xab thiab lub tsev ntaub sib ntsib thiab tej twj siv dawb huv huvsi uas nyob hauv lub tsev ntaub mus. Tej no cov pov thawj thiab cov Levis yog cov uas coj los.

6 Vajntxwv Xalaumoos thiab ib tsoom Ixayees sawvdaws uas tuaj txoos ua ke rau ntawm nws xub ntiag nyob ntawm lub phij xab thiab muab yaj muab nyuj coob kawg los tua xyeem suav tsis txheeb li.

7 Cov pov thawj thiaj coj (יחוח)Yahweh lub phij xab sib cog lus mus rau ntawm lub chaw uas npaj cia hauv lub tuam tsev chav sab hauv uas yog chav dawb huv kawg nkaus, mas muab tso rau hauv ob tug Khelunpees qab phab kooj tis.

8 Ob tug Khelunpees ntawd nthuav kooj tis rau saum lub chaw uas txawb lub phij xab mas thiaj roos lub phij xab thiab ob tug las kwv.

9 Ob tug las ntawd ntev heev, mas yog nyob hauv chav dawb huv mas pom ob tug tw las tshwm hauv chav sab hauv tuaj, tiamsis yog nyob sab nraud mas tsis pom. Mas ob tug las ntawd tseem nyob qhov ntawd txog niaj hnub nimno.

10 Tsis muaj abtsi nyob hauv lub phij xab li, tsuas yog ob daim txhib zeb uas Mauxes muab tso rau hauv ntawm lub roob Haules uas yog lub chaw uas (יחוח)Yahweh nrog cov Ixayees sib cog lus tseg rau thaum lawv tawm hauv Iziv tebchaws los.

11 Dhau ntawd cov pov thawj tawm hauv chav dawb huv los. Cov pov thawj uas nyob qhov ntawd sawvdaws tau tu lawv tus kheej kom dawb huv lawm, lawv tsis xam tias yog hnub uas pab twg ua haujlwm.

12 Cov Levis uas yog cov hu nkauj sawv daws, yog Axas, Hemas thiab Yeduthus thiab lawv cov tub thiab lawv cov kwvtij hnav tsoos tsho ntaub mag zoo zoo tau npuaj nruas tooj liab, ntaus nkauj nog ncas me thiab ntaus nkauj nog ncas loj sawv ntsug ntawm lub thaj sab hnub tuaj thiab muaj cov pov thawj uas tshuab raj xyu ib puas nees nkaum leej.

13 Cov tshuab raj thiab cov hu nkauj yuav tau tsa suab nrov ib txhij qhuas thiab ua (יחוח)Yahweh tsaug. Mas thaum lawv tsa suab nrov nrog suab raj thiab suab nruas npuaj tooj liab thiab lwm yam suab phim nkauj, ces lawv qhuas (יחוח)Yahweh hais tias, (יחוח)Yahweh yog tus zoo, nws txojkev hlub ruaj khov nyob mus ib txhis tsis kawg, mas ib tauv huab txawm los puv nkaus (יחוח)Yahweh lub tuam tsev.

14 Mas cov pov thawj thiaj sawv ntsug ua haujlwm tsis tau, vim tauv huab ntawd, rau qhov (יחוח)Yahweh lub hwjchim ci ntsa iab puv nkaus (יחוח)Yahweh lub tuam tsev.