1 Kuv yog Yahdah uas yog (יהושע)Yahshua Messiah tus tub qhe thiab yog Yaaqob tus kwv. Kuv sau tsab ntawv no tuaj rau nej txhua tus uas Abba (יחוח)Yahweh  xaiv cia lawm, nej yog cov uas Abba (יחוח)Yahweh  tus uas yog Leej Txiv hlub, thiab yog cov uas (יהושע)Yahshua Messiah tsom kwm.

2 Thov txojkev khuvleej, txojkev ywjpheej, thiab txojkev hlub tsav ntxiv rau nej kom ntau zuj zus.

Cov Cuav Xibhwb

3 Cov kwvtij uas kuv hlub, thaum kuv yuav sau tsav ntawv no, kuv xav hais tias kuv yuav hais txog zaj uas Abba (יחוח)Yahweh  twb pab peb dim peb lub txim lawm, tiamsis kuv ho xav hais tias, kuv yuav tsum sau tuaj ntuas nej kom nej tawm tsam cov uas thuam txojkev ntseeg uas twb muab cob rau cov neeg dawb huv lawm, rau qhov nws tsuas pub tib zaug xwb, nws tsis pub ntxiv lawm.  

4 Vim muaj qee leej nyiag kev tuaj rau hauv nej lawm. Qhov uas lawv yuav raug txim, twb muab sau cia ntev los lawm. Lawv tsis hwm Abba (יחוח)Yahweh  thiab muab peb tus Abba (יחוח)Yahweh  txojkev hlub ntxeev kom tau kev ua phem ua qias, thiab tsis lees yuav (יהושע)Yahshua Messiah uas yog peb tus Cawmseej thiab yog tib tug uas kav peb.

5 Txawm yog nej twb paub tej no tag huvsi lawm los, kuv xav kom nej nco txog tias, Abba (יחוח)Yahweh  cawm nws haiv neeg dim hauv Iziv tebchaws, tiamsis yav tom qab, nws kuj muab cov uas tsis ntseeg ua kom puam tsuaj. 6 Thiab cov tubtxib saum ntuj uas tsis tuav lawv lub meej mom kav, thiab tso lawv tej chaw nyob tseg. Abba (יחוח)Yahweh  twb muab txoj saw hlau uas nyob mus ib txhis khi lawv cia rau hauv qhov tsaus ntuj nti tos txog thaum txiav txim rau hnub uas tseem ceeb ntawd.

7 Ib yam li ntawd, twb yog lub moos Xaudoos thiab lub moos Kaumaulas thiab tej moos uas nyob ib ncig ntawd, ua nkauj ua nraug, ua dev ua npua, thiaj ua yam ntxwv rau qhov uas yuav raug txim rau hauv hluavtaws mus ib txhis.

8 Ib yam nkaus li ntawd, cov uas pheej ua npau suav no, ua rau lawv lub cev nqaij tawv qias tsis huv, thiab tsis lees yuav Abba (יחוח)Yahweh  kav lawv, thiab hais lus saib tsis taus cov tubtxib saum ntuj uas muaj hwjchim ci ntsa iab.

9 Thaum Micahyah uas ua thawj tubtxib saum ntuj nrog Ntxwg Nyoog sib cav txog Mauxes lub cev tuag, los nws twb tsis kav hais lus hnyav rau Ntxwg Nyoog, nws tsuas yog hais tias, cia Abba (יחוח)Yahweh  mam cem koj. 10 Tiamsis cov neeg no lawv thuam tej uas lawv tsis nkag siab, tej uas lawv nkag siab, yog raws li lawv lub siab ntshaw xwb. Vim lawv xav ib yam li tej tsiaj xav, tej uas lawv xav ntawd yeej yuav ua rau lawv raug kev puam tsuaj. 11 Lawv yuav raug txom nyem lauj, vim lawv ua lub neej raws li Khees ua, thiab tso cev plhuav ua txhaum ib yam li Npala‑as xwv thiaj tau nqe zog. Lawv raug puam tsuaj ib yam li Khaulas uas fav xeeb. 12 Lawv ua qias puas tsuas nej rooj mov uas noj sib raug zoo.

Thaum lawv nrog nej noj mov, lawv tsis paub ntshai Abba (יחוח)Yahweh , lawv yog tus yug yaj uas yug lawv tus kheej xwb. Lawv yog tauv huab tsis muaj dej, uas cua ntsawj ya mus, yog tsob ntoo uas txog lub caij txi txiv, kuj tsis txi thiab muab cov cag dob tuag ob zaug lawm. 13 Lawv yog tej nthwv dej hauv hiavtxwv uas nphau heev, ua lawv tej kev txaj muag tshwm los li tej npuas dej. Lawv yog tej hnub qub uas ya poob ntawm nws txojkev lawm, twb npaj qhov chaw tsaus ntuj nti cia rau lawv nyob mus ib txhis lawm. 14 Suav txij thaum Adas los txog rau Enauj, muaj xya tiam neeg. Enauj yog tus uas hais txog cov neeg ntawd puag ntxov los lawm hais tias, saib maj, Abba (יחוח)Yahweh  cov tubtxib uas dawb-huv, muaj ntau txhiab leej yuav nrog nws los 15 txiav txim rau txhua tus thiab ua rau txhua tus xeev txog txhua yam kev phem uas lawv tau ua, vim yog tsis hwm Abba (יחוח)Yahweh , thiab xeev txog tej lus nruj lus tsiv huvsi uas cov neeg muaj txim uas tsis hwm Abba (יחוח)Yahweh  hais tawm tsam Abba (יחוח)Yahweh .

16 Cov neeg ntawd nyiam yws, nyiam iab liam lwm tus, lawv ua lub neej raws li lawv lub siab phem ntshaw, lawv lub ncauj hais lus khav theeb, ua txuj qhuas luag kom tau tshaj thawj.

Tej Lus Qhuab Ntuas

17 Cov uas kuv hlub, nej yuav tsum nco ntsoov txog peb tus Cawmseej (יהושע)Yahshua Messiah cov tubtxib tej lus uas twb hais qhia rau nej lawm. 18 Lawv hais rau nej tias, thaum lub sijhawm kawg, yuav muaj neeg uas nyiam thuam luag, thiab ua raws li lawv lub siab phem ntshaw. 19 Cov neeg no, yog cov uas ua rau nej tawg ua pab ua pawg, lawv yog neeg ntiajteb, tsis muaj Tus Ntsuj Plig. 20 Nej cov uas kuv hlub, cia li tsim tsa kom nej nyob ruaj saum nej txojkev ntseeg uas dawb huv kawg nkaus, thiab thov Abba (יחוח)Yahweh  hauv Tus Ntsuj Plig Dawbhuv. 21 Cia li ceev faj nyob hauv Abba (יחוח)Yahweh  txojkev hlub rau thaum uas tos rawv peb tus Cawmseej (יהושע)Yahshua Messiah txojkev khuvleej uas coj mus txog txojsia ib txhis tsis kawg. 22 Cia li khuvleej cov uas tseem ua ob lub siab. 23 Cia li pab kom neeg dim thiab rub lawv tawm hauv hluavtaws los, thiab muaj lub siab paub ntshai Abba (יחוח)Yahweh  thiab khuvleej luag, thiab ntxub tej ris tsho uas tsuas tej kev phem kev qias ntawm lawv lub cev.

Qhuas Abba (יחוח)Yahweh

24 Thov kom Abba (יחוח)Yahweh  uas muaj hwjchim tsom kwm nej kom tsis txhob dawm ntog, thiab tsa nej kom nyob ntawm Abba (יחוח)Yahweh  uas muaj hwjchim ci ntsa iab lub xubntiag, tsis muaj chaw thuam thiab zoo siab kawg, 

25 yog Abba (יחוח)Yahweh  tib leeg uas yog peb tus Cawmseej, vim muaj peb tus Tswv (יהושע)Yahshua Messiah, mas thov kom nws tau koob meej, thiab hwjchim meej mom, thiab lub zog, thiab hwjchim kav txhua yam huvsi, tsis hais yav thaum ub thiab nimno thiab yav tom hauv ntej mus ib txhis.

Haleluyah! Amen!