1 Phau ntawv no yog phau teev tej xwm uas Abba (יחוח)Yahweh qhia rau (יהושע)Yahshua Messiah kom nws qhia tej uas tshuav tsis ntev tom ntej no yuav muaj tshwm sim los rau nws cov tub qhe. (יהושע)Yahshua Messiah thiaj txib nws ib tug tubtxib saum ntuj los qhia tej ntawd rau Yahchanan tus uas yog (יהושע)Yahshua Messiah ib tug tub qhe. 2 Yahchanan sau txhua yam uas nws pom huv tibsi rau hauv phau ntawv no. Tej ntawd yog Abba (יחוח)Yahweh tej lus, thiab yog tej lus tseeb uas (יהושע)Yahshua Messiah qhia rau Yahchanan.

3 Cov tibneeg uas nyeem phau ntawv no, cov tibneeg uas mloog tej lus uas Abba (יחוח)Yahweh qhia no, thiab ua raws li cov lus uas sau tseg rau hauv phau ntawv no, cov ntawd yuav tau nyob kaj siab lug, rau qhov lub sijhawm twb los ze lawm.

 

Sau Rau Xya Pawg Ntseeg

4 Kuv yog Yahchanan, kuv sau tsab ntawv no xa tuaj rau xya pawg ntseeg uas nyob hauv lub xeev Asia. Thov Abba (יחוח)Yahweh foom koob hmoov rau nej thiab pab kom nej tau nyob kaj siab lug. Abba (יחוח)Yahweh tus uas muaj txojsia nyob nimno, thiab ib txwm muaj nyob thiab tseem yuav los nyob rau yav tom ntej no. (Qhia Tswm 1:8)

Thov kom xya tus ntsuj plig uas nyob ntawm Abba (יחוח)Yahweh lub zwm txwv, 5 thiab (יהושע)Yahshua Messiah tus uas ua timkh-awv ncaj ncees, tus uas yog tus Tub hlob uas Abba (יחוח)Yahweh twb tsa sawv hauv qhov tuag rov qab los lawm, thiab yog tus uas kav tag nrho tej vajntxwv hauv ntiajteb no huv tibsi. Thov kom (יהושע)Yahshua Messiah tus uas hlub peb thiab tuag theej peb lub txhoj, thiab nws pab peb kom peb dim peb tej kev txhaum 6 thiab tsa peb ua ib lub tebchaws thiab ua pov thawj uas ua koom tu nws Leej Txiv (יחוח)Yahweh, tau koob meej thiab hwjchim ci ntsa iab kav mus ib txhis tsis kawg. Haleluyah! Amen!

​

Yahshua Yuav Los! (יחוח)Yahweh – Tus Aleph thiab Taus

7 Saib maj, nws yuav nrog huab nrog cua los, thiab txhua tus lub qhov muag yuav pom nws, yog cov uas nkaug nws ntag. Thiab txhua haiv neeg hauv ntiajteb yuav quaj ntsuag vim nws los. Yeej yuav muaj raws li ntawd. Haleluyah! Amen!

(Qhia Tswm 1:4; 1:11; 1:17; 21:5,13)

8 Abba (יחוח)Yahweh, tus uas muaj nyob nimno, thiab ib txwm muaj nyob, thiab tseem yuav los nyob rau yav tom ntej no, thiab yog tus uas muaj hwjchim loj kawg nkaus hais tias, Kuv yog Aleph thiab Taus, yog lub hauv paus thiab yog lub ntsis

Ua Yog Toog Pom (יהושע)Yahshua Messiah

9 Kuv yog nej tus kwvtij uas hu ua Yahchanan. Kuv twb nrog (יהושע)Yahshua Messiah koom ib txojsia lawm, kuv raug kev txom nyem, kuv los ua Abba (יחוח)Yahweh haivneeg, thiab kuv ua siab ntev ib yam li nej, vim kuv qhia Abba (יחוח)Yahweh Txojlus, thiab tej lus tseeb uas (יהושע)Yahshua Messiah qhia rau kuv lawm, thiaj li muaj tibneeg ntes kuv coj mus kaw rau tim lub koog Povtxwv Pamaus. 10 Hnub uas yog Abba  (יחוח)Yahweh hnub, Tus Ntsuj Plig Dawbhuv los kav tag nrho kuv lub siab. Kuv hnov ib lub suab hais rau kuv ib yam li lub suab raj xyu nrov tom kuv qab tuaj. 11 Lub suab ntawd hais tias, Kuv yog Aleph thiab Tau, yog lub hauv paus thiab yog lub ntsis. (Qhia Tswm 1:8,17; 21:5,13)

Koj yuav tsum sau tej uas koj pom huv tibsi tseg rau hauv phau ntawv, thiab xa mus rau cov pawg ntseeg uas nyob hauv xya lub nroog no: Ephesus, Smyrna, Pergamos, Thyatira, Sardis, Philadelphia thiab lub moos Laodicea.

12 Thaum kuv hnov lub suab ntawd, kuv tig hlo mus saib saib yog leejtwg hais rau kuv, kuv txawm pom xya tus ncej kub uas txawb teeb nyob ntawd. 13 Nyob hauv nruab nrab xya tus ncej kub ntawd, muaj ib tug zoo li Neeg Leej Tub sawv hauv, nws hnav ib lub tsho ntev suab yi nram kotaw thiab nws sia ib txoj siv kub ntawm nws hauv siab. 14 Nws cov plaubhau dawb ib yam li xov paj lossis ib yam li daus xib daus npu, thiab nws lub qhov muag ci ib yam li nplaim taws; 

15 nws txhais kotaw ci ib yam li tej tooj liab uas luag twb muab nchuav hauv cub thee los thiab txhuam tau ci nplas lawm, thiab nws lub suab nrov ib yam li dej tsaws tsag nrov. 16 Nws txhais tes xis tuav rawv xya lub hnub qub, thiab muaj ib rab ntaj ob sab ntse tawm hauv nws qhov ncauj tuaj. Nws lub ntsej muag ci ib yam li lub hnub ci thaum tavsu.

17 Thaum kuv pom dheev nws, kuv txawm cia li ntog kiag rau ntawm nws kotaw, kuv zoo ib yam li tus tibneeg uas tuag lawm.

Nws txawm cev hlo nws txhais tes xis los tuav nkaus kuv, thiab nws hais tias, koj tsis txhob ntshai. Kuv yog lub hauv paus thiab yog lub ntsis. (Qhia Tswm 1:8,11; 21:5,13)

18 Kuv yog tus uas muaj sia nyob. Kuv twb tuag lawm, tiamsis koj saib, nimno kuv muaj sia nyob mus ib txhis li. Kuv yog tus uas kav txojkev tuag thiab tubtuag teb.

19 Yog li ntawd, koj yuav tsum sau tej uas koj pom, tsis hais tej uas nimno koj pom, lossis tej uas yuav muaj los yav tom ntej no.

​

Xya Tus Ncej Txawb Teeb Thiab Xya Lub Hnub Qub

20 Kuv yuav txhais zaj uas tsis muaj tibneeg paub hais txog xya lub hnubqub uas koj pom nyob hauv kuv txhais tes xis, thiab hais txog xya tus ncej kub txawb teeb ntawd, rau koj paub, xya lub hnub qub ntawd, yog xya tus tubtxib saum ntuj uas saib xya pawg ntseeg, thiab xya tus ncej kub txawb teeb, yog xya pawg ntseeg.