Hu Kom Ntxeev Dua Siab

1 Ixayees caj ces es, cia li mloog tej lus uas kuv quaj ntsuag txog nej hais tias,

2 Ixayees uas yog tus hluas nkauj dawb huv, ntog lawm lauj, yuav tsis sawv rov los li. Nws raug muab tso tseg rau hauv nws lub tebchaws, tsis muaj leejtwg tsa nws sawv.

3((יחוח)Yahweh  hais li no tias, lub moos uas tibneeg tawm ib txhiab leej mus yuav tshuav ib puas leej xwb, thiab yog tawm ib puas leej yuav tshuav kaum leej rau Ixayees caj ces xwb. 4 (יחוח)Yahweh  hais li no rau Ixayees caj ces tias, cia li nrhiav kuv thiaj muaj txojsia nyob. 5 Tsis txhob nrhiav Npe-ees thiab tsis txhob nkag mus rau hauv Kilakas lossis hla mus rau Npe-awsenpas, rau qhov Kilakas yeej yuav poob tebchaws, thiab Npe-ees yuav ploj mus. 6 Cia li nrhiav (יחוח)Yahweh  thiab muaj txojsia nyob, ntshai tsam nws yuav tshwm plaws los ib yam li hluavtaws rau hauv Yau-xej caj ces, hluavtaws yuav kub du lug, tsis muaj leejtwg tua tau ntawm Npe-ees. 7 Nej yog cov uas muab qhov uas tu plaub ncaj ntxeev ua cov tshuaj iab, thiab muab txojkev ncaj ncees laim pov tseg rau hauv av. 8 Tus uas tsim tej hnub qub Txhiaj Txiv Mim thiab tej hnub qub Poj Sua Kwv Ntas, thiab muab qhov tsaus ntuj ntxeev ua kaj ntug, thiab muab nruab hnub ntxeev ua hmo ntuj, nws yog tus uas hu dej hiavtxwv tawm tuaj thiab muab hliv rau saum lub ntiajteb, nws lub npe hu ua (יחוח)Yahweh . 9 Nws muab kev puam tsuaj ua tshwm plaws los raug tus uas muaj zog, kev puam tsuaj thiaj los raug lub chaw ruaj khov.

10 Lawv ntxub tus uas qhuab ntuas ntawm rooj loog tu plaub, thiab ntxub tus uas hais lus tseeb kawg li. 11 Nej tsuj pes ntiag tej tibneeg pluag thiab sau kiag lawv tej se qoob loo mus. Vim li no nej thiaj ua tej tsev txhwm zeb los nej yuav tsis tau nyob hauv, nej cog vaj txiv hmab zoo zoo los nej yuav tsis tau cawv txiv hmab los haus. 12 Kuv yeej paub nej tej kev fav xeeb muaj npaum li cas thiab nej lub txim loj li cas. Nej quab yuam cov tibneeg ncaj ncees thiab yuav tej nyiaj xiab, thiab ntiab tsis kam hais cov tibneeg txom nyem tej plaub ntawm rooj loog.

13 Vim li no, lub sijhawm ntawd tus uas muaj tswvyim thiaj li nyob twjywm rau qhov yog lub sijhawm phem kawg.

14 Cia li nrhiav txojkev zoo, tsis txhob nrhiav txojkev phem xwv nej thiaj muaj txojsia nyob. (יחוח)Yahweh  uas muaj hwjchim loj kawg nkaus thiaj nrog nraim nej nyob yam li uas nej hais ntawd. 15 Cia li ntxub txojkev phem es nyiam txojkev zoo, cia li tu plaub ncaj rau ntawm rooj loog. Tej zaum (יחוח)Yahweh  uas muaj hwjchim loj kawg nkaus yuav khuvleej Yauxej caj ces uas tseem tshuav nyob. 16 Vim li no, Tus Tswv uas yog (יחוח)Yahweh  uas muaj hwjchim loj kawg nkaus hais li no tias, txhua lub tshav puam yuav muaj kev quaj nyiav, thiab txhua txoj kev yuav muaj tibneeg seev hais tias, txom nyem lauj, txom nyem lauj! Lawv yuav hu tej tub qoob tub loos tuaj quaj ntsuag, thiab kom cov uas txawj quaj ntsuag tuaj nyiav. 17 Hauv txhua lub vaj txiv hmab yuav quaj nyiav, vim kuv yuav hla hauv nej nruab nrab mus. (יחוח)Yahweh  hais li no ntag. 18 Nej cov uas ntshaw (יחוח)Yahweh  hnub yuav raug txom nyem lauj! Ua cas nej yuav ntshaw (יחוח)Yahweh  hnub ntawd?

Hnub ntawd yog kev tsaus ntuj, tsis yog kev kaj. 19 Hnub ntawd zoo li tus uas khiav tsov ntxhuav mus ntsib dais, lossis zoo li tus uas nkag mus rau hauv tsev nthia tes rau ntawm phab ntsa, los nab cia li tom. 20 (יחוח)Yahweh  hnub yeej yog kev tsaus ntuj tsis yog kev kaj, yog kev tsaus dub nciab tsis muaj duab kaj ci kiag li. 21 Kuv ntxub thiab saib tsis taus nej tej kevcai xyeem pam noj pam haus, thiab kuv tsis zoo siab rau qhov uas nej tuaj txoos ua ke ua kevcai caiv.

22 Txawm yog nej ua kevcai hlawv xyeem thiab ua kevcai xyeem qoob loo los kuv tsis txais yuav. Txawm yog nej muab tej tsiaj rog rog ua kevcai xyeem sib raug zoo los kuv yuav tsis tsa muag saib. 23 Cia li coj nej tej suab nkauj khiav mus deb deb ntawm kuv, kuv yuav tsis mloog nej tej suab nkauj nog ncas. 24 Cia txojkev ua ncaj ntws nto yam li dej ntws, thiab cia txojkev ncaj ncees ntws yam li lub hav uas dej ntws ib txhis. 25 Ixayees caj ces es, nej tau tua tsiaj xyeem thiab muab qhov txhia chaw xyeem rau kuv hauv tebchaws moj sab qhua tau plaub caug xyoo lov? 26 Nej yuav kwv nej tus vajntxwv dab Xakhus, thiab Khaivas uas yog nej tus dab hnub qub, yog ob tug dab mlom uas nej txua rau nej. 27 Vim li no kuv yuav coj nej tawm tebchaws mus dhau plaws lub nroog Damaxakas. (יחוח)Yahweh , Tus Tswv uas muaj hwjchim loj kawg nkaus hais li no ntag.