Kooj Txig Thiab Hluavtaws Thiab Lub Qe Hlau Ntsuas Qhov Ntseg

1 (יחוח)Yahweh  qhia tshwm rau kuv pom li no. Nws tsim tej kooj txig rau thaum phaum qoob tom qab hlav tuaj, yog tom qab phaum qoob uas hlais pub rau vajntxwv lawm.

2 Thaum kooj txig noj tej nroj tsuag hauv lub tebchaws tag lawm, kuv txawm hais tias, Au (יחוח)Yahweh , thov koj zam txim lauj! Yakhauj yuav ua li cas ua neej nyob? Nws tseem me me xwb.

3 Zaj no (יחוח)Yahweh  hloov dua siab. (יחוח)Yahweh  hais tias, yuav tsis muaj raws li no.

4 Thiab (יחוח)Yahweh  qhia tshwm rau kuv pom li no. (יחוח)Yahweh  hu hluavtaws los txiav txim, mas hluavtaws kub kiag hiavtxwv loj thiab lub tebchaws huvsi.

5 Kuv thiaj hais tias, Au (יחוח)Yahweh , thov tswj cia. Yakhauj yuav ua li cas ua neej nyob? Nws tseem me me xwb.

6 Zaj no (יחוח)Yahweh  kuj hloov dua siab. (יחוח)Yahweh  hais tias, Yuav tsis muaj raws li no.

7 Thiab nws qhia tshwm rau kuv pom li no. (יחוח)Yahweh  sawv ntsug nta-wm phab ntsa uas siv lub qe hlau ntsuas qhov ntseg, nws tuav rawv lub qe hlau hauv nws txhais tes.

8 Mas (יחוח)Yahweh  hais rau kuv tias, Amosyah es, koj pom abtsi? Kuv teb tias, pom lub qe hlau ntsuas. (יחוח)Yahweh  hais tias, saib maj, kuv tabtom muab lub qe hlau ntsuas hauv nruab nrab kuv haiv neeg Ixayees, kuv yuav tsis zam lawv dua li lawm.

9 Ixaj tej chaw siab teev dab yuav raug muab ua puam tsuaj thiab Ixayees tej chaw pe hawm yuav raug muab tso tseg piam tag, thiab kuv yuav xuas ntaj sawv tsees tawm tsam Yelaunpau‑as caj ces.

​

Amosyah Thiab Amaxiyas

10 Amaxiyas uas ua pov thawj hauv Npe-ees xa xov mus rau Ixayees tus vajntxwv Yelaunpau‑as hais tias, Amosyah ntaus tswvyim fav xeeb rau koj hauv ib tsoom Ixayees. Lub tebchaws ris tsis taus nws tej lus huvsi.

11 Rau qhov Amosyah hais tias, Yelaunpau‑as yuav tuag hniav ntaj, thiab cov Ixayees yuav poob tebchaws mus deb.

12 Thiab Amaxiyas hais rau Amosyah tias, koj uas hais pom tom hauv ntej, cia li mus, cia li khiav rov mus rau hauv Yahdah tebchaws. Noj tej mov qhov ntawd thiab cev (יחוח)Yahweh  lus rau qhov ntawd nawj.

13 Tsis txhob tuaj cev (יחוח)Yahweh  lus ntawm Npe-ees dua li, rau qhov lub chaw no yog lub chaw uas vajntxwv pe hawm, thiab yog lub tebchaws lub tuam tsev.

14 Amosyah txawm teb Amaxiyas tias, kuv tsis yog ib tug xibhwb cev (יחוח)Yahweh  lus lossis xibhwb cev lus tus tub, kuv yog tibneeg yug tsiaj txhu thiab tibneeg tu txiv cev.

15 (יחוח)Yahweh  coj kuv tawm hauv qhov uas yug yaj yug tshis tuaj, thiab (יחוח)Yahweh  hais rau kuv tias, mus maj, cia li cev lus rau kuv haiv neeg Ixayees.

16 Nimno koj cia li mloog (יחוח)Yahweh  tej lus. Koj hais tias, tsis txhob cev (יחוח)Yahweh  tej lus tawm tsam cov Ixayees, thiab tsis txhob qhuab qhia tawm tsam Ixaj caj ces.

17 Vim li no (יחוח)Yahweh  thiaj hais li no tias, koj pojniam yuav ua poj muag cev rau hauv lub nroog, koj tej tub tej ntxhais yuav tuag tag rau hniav ntaj, koj tej teb yuav raug muab ntsuas faib. Koj tus kheej yuav tuag rau hauv lub tebchaws uas qias tsis huv, thiab cov Ixayees yeej yuav poob tebchaws mus deb ntawm lawv lub tebchaws.