Yakhauj Npaj Yuav Ntsib Exaus 

1 Yakhauj txawm taug kev mus mas (יחוח)Yahweh cov tubtxib saum ntuj los ntsib nws.

2 Thaum Yakhauj pom lawv, nws hais tias, no yog (יחוח)Yahweh pab tub rog. Nws thiaj hu qhov chaw ntawd ua Mahana‑is.  

3 Yakhauj txib tibneeg tshaj xo ua nws ntej mus cuag nws tus tijlaug Exaus hauv Xe‑is tebchaws uas yog Edoos teb­chaws,

4 Yakhauj hais rau lawv tias, cia li mus hais rau Exaus uas ua hlob tias, koj tus tub qhe Yakhauj hais li no tias, kuv nrog Lanpas nyob txog niaj hnub nimno.

5 Kuv muaj nyuj, muaj nees luav, muaj tej pab yaj pab tshis, muaj tub qhe, nkauj qhe, mas kuv txib tibneeg tuaj sam hwm koj kom koj thiaj li txaus siab rau kuv.

6 Cov uas tshaj xo ntawd rov los hais rau Yakhauj tias, peb mus cuag koj tus tijlaug Exaus lawm, nws tab­ tom tuaj ntsib koj, thiab muaj plaub puas leej nrog nws tuaj.

7 Yakhauj ntshai thiab txhawj kawg li, thiaj muab cov tibneeg uas nrog nws thiab nws tej pab yaj, pab tshis, pab nyuj, thiab tej ntxhuav, faib ua ob pab.   

8 Nws xav tias, yog Exaus tuaj muab ib pab ua puam tsuaj lawm, pab uas tseem tshuav yuav khiav dim.  

9 Yakhauj thov (יחוח)Yahweh hais tias, Au kuv yawg Anplaham Tus Tswv thiab kuv txiv Ixaj Tus Tswv, Au (יחוח)Yahweh, koj hais rau kuv tias, cia li rov qab mus rau koj teb koj chaw, koj kwv koj tig, es kuv yuav ua zoo rau koj.  

10 Kuv tsis tsim nyog tau txojkev hlub uas ruaj khov thiab txojkev ncaj ncees uas koj tau ua tshwm rau koj tus tub qhe lawm, ib nyuag qhov kiag li. Rau qhov tias, kuv muaj tib tug pas nrig hla tus dej Yaladees mus xwb, mas nimno kuv muaj ob pab tib­neeg.  

11 Thov koj cawm kuv dim hauv kuv tus tijlaug Exaus txhais tes, vim kuv ntshai nws, tsam ces nws yuav muab kuv thiab pojniam menyuam tua pov tseg huvsi.

12 Tiamsis koj twb hais cia lawm tias, koj yuav ua zoo rau kuv thiab pab kom kuv caj ces zoo yam nkaus li tej xuab zeb ntawm ntug hiavtxwv, suav tsis txheeb, vim yog coob heev.  

13 Hmo ntawd Yakhauj so qhov ntawd, thiab xaiv nws tej qhov txhia chaw uas nws yuav pub ua tshav ntuj rau nws tus tijlaug Exaus.  

14 Yog ob puas tus maum tshis, thiab nees nkaum tus txiv tshis, ob puas tus maum yaj, thiab nees nkaum tus txiv yaj,

15 peb caug tus maum ntxhuav, thiab tej menyuam ntxhuav, plaub caug tus maum nyuj, thiab kaum tus txiv nyuj, thiab nees nkaum tus maum nees luav, thiab kaum tus txiv nees luav.  

16 Yakhauj muab cov no rau nws cov tub qhe saib kom ib pab nyob nrug deb ib pab, thiab hais rau nws cov tub qhe tias, cia li ua kuv ntej mus, thiab cia ib pab mus kom nrug deb zog ib pab.  

17 Yakhauj hais rau tus tub qhe uas saib thawj pab tias, thaum kuv tus tijlaug Exaus tuaj ntsib koj thiab nug koj tias, koj yog leejtwg li tibneeg? Koj mus qhovtwg? Thiab tej tsiaj txhu uas ua koj ntej ntawd yog leejtwg li?  

18 Koj yuav tau teb tias, tej no yog koj tus tub qhe Yakhauj li. Yog tej uas coj tuaj ua tshav ntuj pub rau Exaus uas ua hlob. Thiab Yakhauj tseem raws peb qab los.

19 Yakhauj hais rau tus uas saib pab ob, thiab pab peb, thiab txhua tus uas raws tej pab tsiaj tias, thaum nej ntsib Exaus, nej yuav hais ib yam nkaus li ntawd rau nws. 

20 Thiabnej yuav hais tias, thiab koj tus tub qhe Yakhauj tseem raws peb qab los. Vim yog Yakhauj xav tias, nyaj tej tsiaj uas kuv xa ua ntej mus ua tshav ntuj yuav tswj tau Exaus kev npau taws, thiab thaum kuv mus pom nws tim ntsej tim muag, nyaj nws yuav txais yuav kuv.  

21 Yog li no, nws thiaj muab tej tshav ntuj xa ua ntej mus, tiamsis hmo ntawd nws tus kheej nws tseem so qhov chaw ntawd.

​

Yakhauj Nrog Ib Tug Txivneej Sib Qhau Ntawm Peni‑ees

22 Hmo ntawd Yakhauj sawv tsees coj ob tug pojniam, thiab ob tug nkauj qhe, thiab kaum ib tug menyuam hla tus dej Yanpos.  

23 Yakhauj xa lawv hla tus dej mus, thiab xa cuab txhiaj cuab tam huvsi hla mus.

24 Yakhauj tib leeg tseem nyob qhov ntawd. Muaj ib tug txivneej nrog nws sib qhau ib hmos kaj ntug.   

25 Thaum tus yawg ntawd pom tias kov tsis yeej Yakhauj, nws txawm nias Yakhauj lub pob qej txha ntsag. Thaum Yakhauj nrog nws sib qhau, Yakhauj lub pob qej txha thiaj txawv kiag. 

26 Tus yawg ntawd hais tias, cia li tso kuv mus, rau qhov twb yuav kaj ntug. Tiamsis Yakhauj hais tias, kuv yuav tsis tso koj mus txog thaum koj foom koob hmoov rau kuv tso. 

27 Tus yawg ntawd hais rau nws tias, koj npe hu li cas? Nws teb tias, kuv npe hu ua Yakhauj.  

28 Tus yawg ntawd thiaj hais tias, yuav tsis hu koj ua Yakhauj lawm, yuav hu ua Ixayees, rau qhov koj tau nrog (יחוח)Yi-Sas-Dais thiab tibneeg sib ntsuas zog, thiab kov yeej.

29 Yakhauj thiaj nug nws tias, thov koj qhia koj lub npe rau kuv. Tus txivneej ntawd hais tias, ua cas koj nug kuv lub npe? Ces nws txawm foom koob hmoov rau Yakhauj qhov ntawd.  

30 Yakhauj thiaj hu qhov chaw ntawd ua Peni‑ees thiab hais tias, rau qhov kuv twb pom (יחוח)Yahweh tim ntsej tim muag, los nws tseem tseg kuv txojsia nyob.

31 Thaum Yakhauj hla Peni‑ees mus, hnub tawm tuaj, mas nws mus kev ceg tawv pluav, vim yog nws ntsag txawv.  

32 Vim li no, cov Ixayees thiaj tsis noj txoj leeg ntawm ntsag uas nyob ntawm pob qej txha txog niaj hnub nimno, vim yog (יחוח)Yahweh nias ncaj txoj leeg ntawm Yakhauj lub pob qej txha ntsag.