1 Ntawm no mus yog cov uas ua thawj hauv lawv tej cum thiab yog tej npe hauv lawv caj ces uas nrog kuv tawm hauv Npanpiloos tebchaws mus rau thaum Athaxawxes ua vajntxwv kav.

2 Finehas caj ces yog Kawsoos, Ithamas caj ces yog Daniyees, Daviv caj ces yog Hathus,

3 puav leej yog Sekhaniyah caj ces. Palaus caj ces yog Xekhaliyah thiab cov txivneej uas nce npe nrog nws muaj 150 leej.

4 Pahamau‑as caj ces yog Eeyahenais uas yog Xelahiyah tus tub thiab cov txivneej uas nrog nws muaj 200 leej.

5 Xathus caj ces yog Sekhaniyah uas yog Yahaxi‑ees tus tub thiab cov txivneej uas nrog nws muaj 300 leej.

6 Adees caj ces yog Enpes, uas yog Yahnathas tus tub, thiab cov txivneej uas nrog nws muaj 50 leej.

7 Elas caj ces yog Yesayah, uas yog Athaliyah tus tub, thiab cov

txivneej uas nrog nws muaj 70 leej.

8 Sefathiyah caj ces yog Xenpadiyah uas yog Mikha‑ees tus tub, thiab cov txivneej uas nrog nws muaj 80 leej.

9Y ahas caj ces yog Obadyah uas yog Yehi‑ees tus tub, thiab cov txivneej uas nrog nws muaj 218 leej.

10 Npanis caj ces yog Selaumis uas yog Yauxifiyah tus tub, thiab cov txivneej uas nrog nws muaj 160 leej.

11 Npenpais caj ces yog Xekhaliyah uas yog Npenpais tus tub, thiab cov txivneej uas nrog nws muaj 28 leej.

12 Axakas caj ces yog Yahkanas uas yog Hakhathas tus tub, thiab cov txivneej uas nrog nws muaj 110 leej.

13 Adaunikhas caj ces cov uas tuaj tom qab muaj cov npe li no, yog Elifeles, Ye‑u‑ees thiab Semayah thiab cov txivneej uas nrog lawv muaj 60 leej.

14 Npivais caj ces yog Uthais thiab Xanpas thiab cov txivneej uas nrog nkawv muaj 70 leej.

15 Kuv sau lawv los ua ke rau ntawm tus dej uas ntws mus rau tus dej Ahavas, peb tsuam chaw so qhov ntawd tau peb hnub. Thaum kuv tshuaj saib cov pejxeem thiab cov pov thawj, kuv pom tias tsis muaj cov Levis li.

16 Kuv thiaj hais kom mus hu Eliyexaws, Ali‑ees, Semayah, Eenathas, Yalis, Eenathas, Nathas, Xekhaliyah thiab Mesulas, no yog cov thawj thiab hu Yahyalis thiab Eenathas yog ob tug uas txawj ntse,

17 thiab kuv xa lawv mus cuag Idaus uas yog tus thawj ntawm lub chaw hu ua Khaxifias. Kuv qhia lawv hais rau Idaus thiab nws cov kwvtij ntawm Khaxifias uas muaj feem ua tub teg tub taws ntawm lub tuam tsev, kom xa cov uas ua haujlwm hauv peb Tus Tswv lub tuam tsev tuaj cuag peb.

18 Yog muaj peb Tus Tswv txhais tes uas zoo roos rawv peb, lawv thiaj tau coj ib tug uas xyuam xim hauv Malis caj ces uas yog Levis tus tub thiab Ixayees tus xeeb ntxwv tuaj rau peb, yog Selenpiyah thiab nws cov tub thiab nws cov kwvtij huvsi muaj18 leej.  

19 Lawv yog Malis caj ces, Malis yog Levis tus tub thiab yog Ixayees tus xeeb ntxwv. Thiab Hasanpiyah thiab Yesayah uas yog Melalis caj ces thiab nkawv cov kwvtij thiab cov tub huvsi muaj 20 leej.  

20 Thiab cov tub teg tub taws uas ua haujlwm ntawm lub tuam tsev raws li Daviv thiab nws cov nom tswv tau tu cia kom pab cov Levis, muaj 220 leej, cov no muaj npe sau cia huvsi.  

21 Mas kuv tshaj tawm kom yoo mov rau ntawm tus dej Ahavas kom peb thiaj tau txo peb tus kheej rau ntawm ()Yahweh uas yog peb Tus Tswv thiab thov nws pab peb thiab peb tej menyuam thiab peb tej cuab txhiaj cuab tam huvsi taug kev tso siab lug.

22 Kuv txaj muag thov ib pab tub rog thiab tej tub rog caij nees ntawm vajntxwv kom tiv thaiv yeeb ncuab taug kev.  Rau qhov peb twb hais rau vajntxwv lawm tias (יחוח)Yahweh txhais tes roos rawv yuav ua zoo rau cov uas nrhiav nws, tiamsis nws txojkev npau taws uas muaj hwjchim loj yuav tawm tsam txhua tus uas tso nws tseg.

23 Peb thiaj li yoo mov thiab taij thov (יחוח)Yahweh txog qhov no, mas nws mloog peb lub suab taij thov.  

24 Kuv thiaj xaiv tsa cov pov thawj hlob kaum ob leeg, yog Selenpiyah, Hasanpiyah thiab nkawv cov kwvtij kaum leej.

25 Thiab kuv muab tej nyiaj, tej kub thiab tej twj siv uas vajntxwv thiab nws cov tub tuav xam thiab nws cov thawj thiab cov Ixayees sawvdaws uas nyob ntawd tau pub xyeem ua (יחוח)Yahweh lub tuam tsev los luj rau lawv.  

26 Kuv luj cob rau lawv txhais tes, yog rau pua tsib caug talas nyiaj thiab tej twj siv nyiaj uas muaj nqis ib puas talas thiab kub ib puas talas,

27 thiab nees nkaum lub phaj kub uas muaj nqis ib txhiab dalis thiab ob lub tais tseem tooj liab ci zoo nkauj uas muaj nqis npaum li kub.

28 Thiab kuv hais rau lawv tias, nej sawvdaws yog cov dawb huv rau (יחוח)Yahweh thiab tej twj siv kuj dawb huv. Tej nyiaj thiab tej kub ntawd yog tej uas zoo siab muab xyeem pub rau ()Yahweh, uas yog nej tej poj koob yawm txwv Tus Tswv.

29 Yuav tau ceev cia mus txog thaum uas nej muab luj rau ntawm cov pov thawj hlob thiab cov Levis thiab cov thawj hauv txhua cum Ixayees hauv tej chav tsev ntawm (יחוח)Yahweh lub tuam tsev hauv Yeluxalees.

30 Cov pov thawj thiab cov Levis thiaj txais tej nyiaj thiab tej kub uas luj ntawd thiab tej twj siv es coj mus rau ntawm Yeluxalees mus rau hauv (יחוח)Yahweh lub tuam tsev.  

31 Hnub xiab kaum ob, lub ib hlis, peb tawm ntawm tus dej Ahavas yuav mus rau Yeluxalees. Mas (יחוח)Yahweh txhais tes roos rawv peb thiab nws cawm kom peb dim tej yeeb ncuab txhais tes thiab tej uas zov ntawm tej tog kev.

32 Peb los txog Yeluxalees thiab so peb hnub qhov ntawd.

33 Hnub uas plaub, muab tej nyiaj, tej kub thiab tej twj siv los luj hauv (יחוח)Yahweh lub tuam tsev cob rau tus pov thawj Melemaus uas yog Uliyah tus tub txhais tes, thiab cov uas nrog nws nyob ntawd yog Finehas tus tub Ele‑axas, thiab yog Yahshua tus tub Yahxanpas thiab Npinu‑is tus tub Nau‑adiyah, nkawv yog cov Levis.

34 Lawv luj thiab suav txhua yam thiab muab sau txhua yam cia tias nyhav npaum li cas.

35 Hnub ntawd cov uas raug ntes coj mus es rov los, yog cov uas poob tebchaws rov los, lawv ua kevcai hlawv huvsi xyeem rau Ixayees Tus Tswv. Lawv muab kaum ob tug txiv nyuj xyeem ua cov Ixayees sawvdaws li feem, thiab cuaj caum rau tus txiv yaj, thiab xya caum xya tus menyuam yaj, thiab lawv kuj muab kaum ob tug txiv tshis ua kevcai xyeem daws txim. Cov no huvsi ua kevcai hlawv xyeem rau (יחוח)Yahweh.  

36 Lawv kuj muab tsab ntawv uas muaj vajntxwv tej lus cob qhia rau cov thawj uas vajntxwv tsa kav tebchaws thiab rau cov uas kav lub xeev sab dej Yufetis hnub poob, mas cov nom tswv thiaj pab cov pejxeem thiab pab (יחוח)Yahweh lub tuam tsev.