(יהושע)Yahshua Yog Tus Tuam Pov Thawj Hlob

1 Tej uas peb hais no, qhov tseem ceeb yog qhov uas peb muaj ib tug tuam pov thawj hlob li no, zaum ntawm Abba (יחוח)Yahweh  uas loj dua ntais lub zwm txwv sab tes xis hauv Lub Nroog Yeluxalees. 2 Nws ua haujlwm hauv lub chaw dawb huv thiab hauv lub tseem tsev ntaub uas Abba (יחוח)Yahweh  tsa cia tsis yog tibneeg tsa. 3 Txhua tus tuam pov thawj hlob, yog raug tsa los muab qhov txhia chaw xyeem thiab tua tsiaj xyeem. Yog li no, tus tuam pov thawj hlob no, yuav tsum muaj ib yam uas muab xyeem thiab. 4 Yog nws nyob hauv lub ntiajteb no, nws yuav tsis yog pov thawj kiag li, vim tias muaj cov pov thawj uas muab qhov txhia chaw xyeem raws li txoj kevcai lawm. 5 Cov pov thawj ntawd, ua hauj-lwm rau hauv lub chaw dawb huv uas tsuas yog tej uas nyob saum ntuj tus yam ntxwv thiab tus duab, raws li Abba (יחוח)Yahweh  hais rau Mauxes thaum Mauxes yuav tsa lub tsev ntaub hais tias, yuav tsum ceev faj ua txhua yam raws li tus qauv uas qhia rau koj saum lub roob. (Khiavdim 25:40)

6 Tiamsis nimno, (יהושע)Yahshua tau txais tes haujlwm ua uas zoo tshaj dua lawv cov ntawd lawm, thiab ib yam li ntawd, nws yog tus nruab nrab hauv tej lus sib cog tseg tshiab uas zoo tshaj, vim raug muab tsa rau saum tej lus cog tseg uas zoo tshaj. 7 Yog tej lus cog tseg zaum ib zoo txaus lawm, kuj tsis txog muaj tej lus cog tseg zaum ob. (Yeremyah 31:31-34)

8 Rau qhov Abba (יחוח)Yahweh  thuam lawv thiab hais tias, Abba (יחוח)Yahweh  hais tias, Saib nawj, lub caij lub nyoog tabtom los yuav txog, mas kuv yuav cog dua lus tshiab rau cov Ixayees thiab cov Yahdah, 9 tsis thooj li uas kuv cog rau lawv tej poj koob yawm txwv, rau hnub uas kuv cab lawv tes, coj lawv tawm hauv Iziv tebchaws los. Lawv tsis ua raws li kuv tej lus cog tseg, kuv thiaj tsis quav ntsej lawv lawm. Abba (יחוח)Yahweh  hais li no ntag. 10 No yog tej lus cog tseg uas kuv yuav cog rau cov Ixayees tom qab ncua sijhawm ntawd. Abba (יחוח)Yahweh  hais li no ntag. Kuv yuav muab kuv txoj kevcai tso rau hauv lawv, thiab sau cia rau hauv lawv lub siab. Kuv yuav ua lawv Tus Tswv, thiab lawv yuav ua kuv haiv neeg. 11 Thaum ntawd, tsis tas lawv yuav qhia rau tej tibneeg zejzog lossis qhia rau lawv tej kwvtij kom paub Abba (יחוח)Yahweh, rau qhov lawv txhua tus puav leej yuav paub kuv, tsis hais tus hlob tus yau. 12 Kuv yuav ua siab ntev rau txhua tus uas ua txhaum thiab yuav tsis cim ntsoov lawv lub txim ib zaug li lawm.

13 Thaum Abba (יחוח)Yahweh  hais txog tej lus cog tseg tshiab, kuj yog nws rhuav tej lus cog tseg qub lawm. Tej uas muab rhuav thiab tej qub twb ploj yuav tag.