Mekhixedes Uas Ua Pov Thawj

1 Tus Mekhixedes no, yog tus vajntxwv hauv lub moos Xalees, yog Abba (יחוח)Yahweh  uas loj dua ntais tus pov thawj, mus ntsib Abraham rau thaum Abraham tabtom mus tua yeej cov vajntxwv los, thiab nws foom koob hmoov rau Abraham. 2 Abraham txawm muab txhua yam, ib feem hauv kaum pub rau Mekhixedes. Qhov ib Mekhixedes lub npe txhais hais tias, Tus vajntxwv uas ncaj ncees, thiab ntxiv mus nws kuj yog tus vajntxwv kav lub moos Xalees uas txhais hais tias, Tus vajntxwv uas coj kev thaj yeeb. 3 Tsis muaj sau cia txog nws niam nws txiv nws keeb puam los li cas, thiab tsis hais txog hnub nws yug hnub nws tuag. Tiamsis nws ua pov thawj mus ib txhis ib yam li Abba (יחוח)Yahweh  tus Tub. 4 Sim xav saib, nws loj npaum li cas. Peb yawg koob Abraham tseem muab tej uas txeeb tau los ib feem hauv kaum pub rau nws. 5 Thiab muaj kevcai hais kom Levis caj ces uas raug tsa ua pov thawj txais tau ib hauv kaum ntawm cov pejxeem uas yog lawv cov kwvtij, txawm yog cov kwvtij ntawd, kuj tshwm ntawm Abraham los kuj xij. 6 Tiamsis Mekhixedes tsis yog Levis caj ces, los tseem tau txais ib hauv kaum ntawm Abraham, thiab foom koob hmoov rau Abraham uas tau txais tej lus cog tseg. 7 Yam uas cav tsis tau, yeej muaj uas tus hlob foom koob hmoov rau tus yau.

8 Hais txog cov Levis, kuj yog tibneeg uas txawj tuag txais ib hauv kaum, tiamsis hais txog Mekhixedes, kuj yog tus uas sau cia hais tias, nws muaj txojsia nyob ib txhis, txais ib hauv kaum. 9 Kuj hais tau hais tias, Levis uas tau txais ib hauv kaum, kuj pub ib hauv kaum thiab, vim Abraham pub ib hauv kaum rau Mekhixedes, 10 rau qhov thaum Mekhixedes mus ntsib Abraham, Levia tseem nyob hauv nws yawg suab lub cev. 11 Yog li ntawd, yog tias cov pov thawj uas yog xeem Levis tej kevcai, ua tau rau tibneeg zoo kawg nkaus (vim cov pejxeem tau txais tej kevcai ntawm cov Levis), ua cas tseem yuav tsum muaj dua ib tug pov thawj uas zoo ib yam li Mekhixedes tsis yog zoo li Aaron? 12 Thaum hloov cov pov thawj lawm, txoj qub kevcai kuj yuav tsum raug muab hloov thiab.

13 Rau qhov Tus Tswv uas peb hais txog no yog lwm xeem uas tsis muaj ib tug txeev ua num rau ntawm lub thaj xyeem kiag li. 14 Yeej pom tseeb tias peb Tus Tswv yog tshwm hauv xeem Yahdah los, thiab Mauxes kuj tsis tau hais tias yuav muaj pov thawj tshwm hauv xeem Yahdah los. 15 Qhov no kuj yimhuab pom meej rau thaum muaj dua ib tug pov thawj zoo ib yam li Mekhixedes tshwm los. 16 Tus ntawd ua pov thawj uas tsis yog raug tsa raws li tej kevcai hais tias, xeem twg tiamsis yog raws li lub hwjchim uas ua kom nws muaj txojsia uas rhuav tsis tau. 17 Rau qhov muaj lus timkhawv hais tias, koj yuav ua pov thawj mus ib txhis, ib yam li Mekhixedes. (Ntawv Nkauj 110:4)

18 Txoj qub kevcai kuj raug muab rhuav lawm, vim yog tsis muaj zog thiab siv tsis tau. 19 Rau qhov txoj kevcai ntawd, tsis txawj ua kom ib yam abtsi zoo kawg nkaus, mas txoj-kev vam uas zoo dua ntawd muab pub rau peb ua rau peb mus cuag tau Abba (יחוח)Yahweh .

20 Thiab yeej muaj tej lus cog tseg tawv thiab. Lwm tus raug tsa ua pov thawj tsis muaj lo lus cog tseg tawv, 21 tiamsis (יהושע)Yahshua muaj lus cog tseg tawv hais txog nws tias, Abba (יחוח)Yahweh  twb cog lus tawv lawm, nws yuav tsis hloov dua siab li. Koj ua pov thawj mus ib txhis. (Ntawv Nkauj 110:4)

22 Vim tej lus cog tseg tawv no (יהושע)Yahshua thiaj ua tus uas qhwv tej lus cog tseg uas zoo dua li tej qub. 23 Cov uas raug tsa ua pov thawj muaj coob, vim txojkev tuag lawv thiaj ua haujlwm tsis tau mus li, 24 tiamsis (יהושע)Yahshua ua pov thawj tes haujlwm mus ib txhis vim nws muaj txojsia nyob mus ib txhis.

25 Vim li no nws thiaj muaj peevxwm cawm tau txhua tus uas los cuag Abba (יחוח)Yahweh  hauv nws kom dim mus ib txhis, vim nws muaj txojsia nyob mus li thiaj thov Abba (יחוח)Yahweh  pab cov tibneeg ntawd.

26 Tus tuam pov thawj hlob zoo li no thiaj tsim nyog rau peb. Nws yog tus dawb huv, tsis muaj qhov phem qhov qias, cais ntawm cov tibneeg muaj txim thiab raug txhawb nqa siab dhau saum ntuj. 27(יהושע)Yahshua tsis thooj li cov tuam pov thawj hlob, tsis txog nws yuav muab qhov txhia chaw xyeem txhua hnub thiab xub muab xyeem daws nws lub txim mam li muab xyeem daws cov pejxeem lub txim, rau qhov nws muab xyeem tib zaug xwb mas txaus lawm yog thaum nws muab nws tus kheej xyeem. 28 Rau qhov txoj kevcai tsa cov tibneeg uas tsis muaj zog ua tuam pov thawj hlob, tiamsis tej lus cog tseg tawv uas hais tom qab txoj kevcai ntawd tsa Neeg Leej Tub ua pov thawj uas twb raug ua zoo kawg nkaus mus ib txhis.