1 Vim li no, peb tsis txhob rov mus qhia tom lub hauv paus uas hais txog (יהושע)Yahshua Messiah ntxiv, peb cia li mus txog qhov uas hlob tiav lawm xwb. Peb yuav tsis tiag dua kotaw uas hais txog qhov uas ntxeev dua siab tshiab ntawm tej haujlwm uas coj mus txog kev tuagm, thiab hais txog qhov uas ntseeg Abba (יחוח)Yahweh , 2 thiab qhov uas ua kevcai raus dej, qhov uas tsa tes npuab, qhov uas cov tuag ciaj sawv rov los, thiab qhov uas raug txim mus ib txhis.

3 Yog Abba (יחוח)Yahweh  tso cai, peb yuav ua li ntawd mus. 4 Cov tibneeg uas twb txais txojkev kaj ib zaug lawm, thiab twb sim tej uas pub saum ntuj los lawm, thiab tau koom Tus Ntsuj Plig Dawbhuv, 5 thiab tau sim qhov zoo hauv Abba (יחוח)Yahweh  txojlus, thiab lub hwjchim uas yuav los tiam tom ntej, 6 los tseem yuam kev lawm. Kuj yuav coj tsis tau lawv cov ntawd rov los ntxeev dua siab tshiab dua li lawm Vim lawv yeej rov muab Abba (יחוח)Yahweh  tus Tub teem rau saum tus ntoo ntsia tes, thiab ua rau nws raug txaj muag tab meeg sawvdaws. 7 Thaj av uas pheej nqus dej nag thiab tawg paj txi txiv muaj qabhau rau tus uas cog, kuj yog tau koob hmoov ntawm Abba (יחוח)Yahweh . 8 Tiamsis yog thaj av ntawd tuaj pos kaus ntsaj, pos kaus ntsim, kuj tsis muaj nqes thiab twb yuav raug foom tsis zoo, thiab thaum kawg yuav raug hluavtaws hlawv.

9 Nej cov uas peb hlub, txawm yog peb hais li ntawd, los peb kuj tso siab rau nej tias, nej muaj tej yam uas zoo dua, yog tej uas ntsig txog txojkev dim.

10 Rau qhov Abba (יחוח)Yahweh  tsis yog tus uas ua tsis ncaj es yuav tsis nco qab nej tes haujlwm, thiab qhov uas nej hlub Abba (יחוח)Yahweh  lub npe, yog qhov uas nej tu cov tibneeg dawb huv ib yam li uas nej tseem ua. 11 Thiab peb xav kom nej txhua tus kub siab lug, ib yam nkaus mus txog thaum kawg kom thiaj tau puv npo raws li lub siab vam. 12 Nej thiaj tsis ua tibneeg tub nkeeg, tiamsis xyaum raws li cov uas muaj kev ntseeg, thiab ua siab ntev thev, thiaj tau tej uas cog lus cia lawd ua lawv tug.

​

Tej Lus Cog Tseg Uas Ruaj Khov

13 Thaum Abba (יחוח)Yahweh  cog lus rau Abraham, tsis muaj leejtwg loj dua Abba (יחוח)Yahweh, uas Abba (יחוח)Yahweh  yuav tuav tus ntawd lub npe cog lus. Abba (יחוח)Yahweh  thiaj tuav Abba (יחוח)Yahweh  lub npe cog lus ruaj, 

14 hais tias, kuv yeej yuav foom koob hmoov rau koj thiab ua rau koj huaj vam coob tiag tiag li. (Chivkeeb 22:16-17)

15 Yog li ntawd, thaum Abraham ua siab ntev tos, nws thiaj tau tej uas cog lus tseg ntawd.

16 Neeg yeej tuav tus uas loj dua lawv lub npe cog lus twv xwb, mas thaum muaj lus sib cav abtsi kuj xij, yuav tuav tej lus twv ntawd thiaj tsis muaj lus sib cav lawm.

17 Yog li ntawd, thaum Abba (יחוח)Yahweh  xav qhia rau cov uas yuav saws raws li tej lus cog tseg, kom yimhuab paub tseeb tias tej uas Abba (יחוח)Yahweh  xav tseg, yuav tsis hloov li. Abba (יחוח)Yahweh  thiaj cog lus ruaj khov qhwv tej lus uas nws cog tseg. 18 Vim muaj ob yam no uas hloov tsis tau li, rau qhov Abba (יחוח)Yahweh  tsis txawj dag, peb cov uas khiav mus txeeb txojkev vam uas muab tso tom peb hauv ntej, yuav tau txais kev txhawb siab ntau heev.

19 Txojkev vam uas peb muaj zoo ib yam li tog hlau nres nkoj uas ruaj thiab tso siab tau uas tuav tau peb lub siab, yog txojkev vam uas nkag mus rau hauv chav tsev uas nyob ntawm daim ntaub thaiv sab hauv, 20 yog qhov chaw uas (יהושע)Yahshua twb coj kev ua ntej mus thiaj pab peb, vim nws ua tus tuam pov thawj hlob mus ib txhis ib yam li Mekhixedes.

​