​

1 Txhua tus tuam pov thawj yog xaiv tibneeg los ua thiab tsa los nyob tibneeg chaw ua koom tu Abba (יחוח)Yahweh , yog muab qhov txhia chaw xyeem thiab ua kevcai xyeem daws txim. 2 Nws ua siab mos siab muag pab cov tibneeg tsis paub qabhau, thiab cov uas yuam kev, rau qhov nws kuj txawj qaug zog thiab.

3 Vim li no, nws thiaj yuav tsum muab tsiaj xyeem daws nws lub txim, thiab daws cov pejxeem lub txim. 4 Tsis muaj leejtwg tsa nws tus kheej ua tes haujlwm uas muaj meej no, tiamsis yuav tsum yog Abba (יחוח)Yahweh  hu nws ib yam li hu Aloo.

5 Ib yam li ntawd (יהושע)Yahshua Messiah tsis tau tsa nws tus kheej kom tau koob meej ua tuam pov thawj hlob, tiamsis Abba (יחוח)Yahweh  hais rau nws tias, koj yog kuv tus Tub, hnub no kuv yug tau koj lawm. (Ntawv Nkauj 2:7)

6 Thiab hais dua ib qho hais tias, koj ua pov thawj mus ib txhis ib yam li Mekhixedes. (Ntawv Nkauj 110:4)

7 Thaum (יהושע)Yahshua tseem ua tibneeg nqaij tawv, nws thov thiab taij thov nrov nrov los kua muag rau Abba (יחוח)Yahweh  tus uas cawm tau nws dim hauv txojkev tuag. Thiab Abba (יחוח)Yahweh  mloog nws tej lus thov, vim (יהושע)Yahshua paub ntshai Abba (יחוח)Yahweh . 8 Txawm yog nws yog Tus Tub los nws kuj kawm paub mloog lus ntawm tej kev tsim txom uas nws raug.

9 Thaum (יהושע)Yahshua raug muab ua zoo kawg nkaus lawm, nws thiaj ua lub hauv paus kev dim mus ib txhis rau txhua tus uas mloog nws lus. 10 Thiab Abba (יחוח)Yahweh  tsa nws ua tus tuam pov thawj hlob ib yam li Mekhixedes.

​

Ntuas Kom Tsis Txhob Tso Kev Ntseeg Tseg

11 Tseem muaj ntau yam uas peb yuav hais txog qhov no, tiamsis ceeblaj piav vim nej ntsej lag tag lawm. 12 Nimno twb tsim nyog nej ua tau xibhwb qhia lawm, tiamsis nej tseem yuav kom ib tug rov qhia Abba (יחוח)Yahweh  txojlus pib puag tom hauv paus tuaj rau nej dua thiab. Nej tseem cheem tsum kua mis, tsis yog tej zaub mov tawv. 13 Txhua tus uas tseem noj mis yeej tsis paub txog tej lus uas hais txog kev ncaj ncees, vim nws tseem yog menyuam mos.

14 Tiamsis tej zaub mov tawv, yog muab rau cov uas hlob lawd noj, yog cov uas twb xyaum kawm lawm, thiaj txawj cais tias yam twg zoo yam twg phem.

 

​