​

1 Yog li ntawd, thaum lo lus cog tseg tseem muaj nyob hais tias, nkag tau rau hauv Abba (יחוח)Yahweh  lub chaw so, peb yuav tsum ceev faj tsam ces yuav suav tias nej qee leej mus tsis txog. 2 Vim tias peb kuj tau hnov txoj hmoo zoo ib yam li lawv. Tiamsis tej lus uas lawv hnov ntawd, tsis muaj qabhau rau lawv, vim lawv tsis los ntseeg. 3 Peb cov uas ntseeg lawm, kuj nkag tau rau hauv lub chaw so ntawd, raws li Abba (יחוח)Yahweh  hais tias, raws li kuv cog lus twv chim tsawv tias, lawv yuav tsis tau nkag mus rau hauv lub chaw uas kuv pub lawv so kiag li, txawm yog nws tej haujlwm tiav tag txij thaum tsim ntuj tsim teb kuj xij. (Ntawv Nkauj 95:11)

4 Rau qhov muaj ib nqes uas nws hais txog hnub xya li no hais tias, hnub xya ntawd, Abba (יחוח)Yahweh  so txhua yam haujlwm uas nws tau ua. (Chivkeeb 2:2)

5 Thiab hauv cov nqe no nws hais tias, lawv yuav tsis tau nkag mus rau hauv lub chaw uas kuv pub lawv so kiag li. 6 Yog li ntawd tseem tshuav kev rau qee leej nkag mus tau thiab cov uas yav nram ntej tau hnov txoj hmoo zoo tsis tau nkag mus, vim lawv tsis mloog lus. 7 Vim li no, Abba (יחוח)Yahweh  thiaj teem dua ib hnub, yog hnub no, raws li nws hais rau Daviv ntau xyoo tom qab rau nqe uas txeev hais txog lawm tias, hnub no yog nej mloog nws lub suab, nej tsis txhob ua nej lub siab tawv.

8 Yog (יהושע)Yahshua twb coj lawv los txog lub chaw so lawm, tom qab ntawd, Abba (יחוח)Yahweh  yuav tsis hais txog dua rau lwm hnub lawm. 9 Yog li no, tseem tshuav hnub Sabbath rau Abba (יחוח)Yahweh  cov tibneeg so, 10 rau qhov leejtwg tau nkag mus rau hauv Abba (יחוח)Yahweh  lub chaw so lawm, tus ntawd kuj so nws tej haujlwm ib yam li Abba (יחוח)Yahweh  tau so nws tej haujlwm.

11 Vim li no peb cia li siv zog nkag mus rau hauv lub chaw so ntawd, kom thiaj tsis muaj leejtwg plam raws li cov uas tsis mloog lus ntawd.

12 Rau qhov Abba (יחוח)Yahweh  txojlus muaj txojsia thiab pheej ua haujlwm. Txojlus ntawd ntse dua rab ntaj uas ob sab ntse, nkaug mus thoob plaws nruab siab thiab tus ntsuj plig, thiab tej pob qej txha thiab tej hlwb txha, thiab txawj tshuaj saib tej uas tibneeg xav, thiab tej uas nyob hauv tibneeg lub siab. 13 Tsis muaj ib yam uas tsim los lawd, yuav nraim tau ntawm Abba (יחוח)Yahweh , tiamsis txhua yam yuav raug tshwm los kom pom tseeb rau ntawm nws lub qhov muag, nws yog tus uas peb yuav tsum qhia peb lub neej huvsi rau nws.

​

(יהושע)Yahshua Yog Tus Tuam Pov Thawj Hlob

14 Yog li ntawd vim peb muaj ib tug tuam pov thawj hlob loj kawg uas twb hla mus rau saum ntuj lawm, yog (יהושע)Yahshua uas yog Abba (יחוח)Yahweh  tus Tub, cia peb tuav rawv txojkev ntseeg uas peb lees yuav. 15 Rau qhov peb tsis yog muaj tus tuam pov thawj hlob uas tsis txawj mob siab qhov uas peb qaug zog, tiamsis nws txeev raug kev sim siab txhua yam ib yam li peb, los nws tsis ua txhaum kiag li. 16 Yog li no, peb cia li ua siab loj los rau ntawm lub zwm txwv uas muaj txojkev hlub, kom peb thiaj tau txais txojkev khuvleej thiab ntsib txojkev hlub uas pab tau rau thaum peb cheem tsum.

 

​