(יהושע)Yahshua Loj Dua Mauxes

1 Vim li no, cov kwvtij dawb huv uas koom qhov uas Abba (יחוח)Yahweh  hu mus saum ntuj, nej cia li ua tib zoo saib (יהושע)Yahshua uas yog tus tubtxib, thiab yog tus tuam pov thawj hlob uas peb hais tias peb ntseeg. 2(יהושע)Yahshua ua ncaj rau Abba (יחוח)Yahweh  uas tsa nws, ib yam li Mauxes ua ncaj rau hauv Abba (יחוח)Yahweh  tsev neeg. 3(יהושע)Yahshua kuj tsim nyog tau koob meej ntau dua Mauxes, ib yam li tus Kws ua tsev, yeej tau koob meej ntau dua lub tsev. 4 Vim txhua lub tsev muaj tus uas ua, tiamsis tus uas tsim txhua yam huvsi yog Abba (יחוח)Yahweh . 5 Mauxes ua ncaj rau hauv Abba (יחוח)Yahweh  tsev neeg sawv-daws, yam li ib tug tub qhe, kom nws thiaj ua tau timkhawv txog tej uas yuav hais txog tom hauv ntej.

6 Tiamsis (יהושע)Yahshua Messiah ua ncaj yam li tus tub kav Abba (יחוח)Yahweh  tsev neeg. Peb kuj yog Abba (יחוח)Yahweh  tsev neeg, tsuav yog peb tuav rawv txojkev tso siab thiab txojkev vam uas peb qhuasv txog.

Abba (יחוח)Yahweh  Cov Tibneeg Yuav Tau So

7 Vim li no, raws li Tus Ntsuj Plig Dawbhuv hais tias, hnub no yog nej mloog nws lub suab, 8 tsis txhob ua nej lub siab tawv yam li zaum uas nej fav xeeb, yog hnub uas sim siab hauv tebchaws moj sab qhua ntawd. (Ntawv Nkauj 95:7-11).

9 Yog qhov chaw uas nej tej poj koob yawm txwv sim thiab tshuaj saib kuv, thiab pom tej haujlwm uas kuv ua plaub caug xyoo. 10 Vim li ntawd, kuv thiaj chim rau cov tibneeg tiam ntawd, thiab kuv hais tias, lawv lub siab pheej yuam kev, thiab lawv tsis paub kuv txojkev. 11 Raws li kuv cog lus twv chim tsawv tias, lawv yuav tsis tau nkag mus rau hauv lub chaw uas kuv pub lawv so kiag li.

12 Cov kwvtij, cia li ceev faj tib zoo tsis txhob cia nej cov muaj ib tug twg uas lub siab phem, lub siab tsis ntseeg, uas yuav coj nej yuam kev ntawm Abba (יחוח)Yahweh , uas muaj txojsia nyob. 13 Tiamsis nej yuav tsum niaj hnub, ib leeg txhawb ib leeg lub siab rau thaum tseem hu tau tias hnub no, kom nej thiaj tsis muaj ib tug twg ua lub siab tawv, vim yog raug lub txim dag ntxias. 14 Vim tias peb twb koom nrog (יהושע)Yahshua Messiah ua ke, tsuav yog peb tuav txojkev tso siab uas peb muaj txij thaum pib ruaj mus txog thaum kawg, 15 raws li uas hais tias, hnub no yog nej mloog nws lub suab, tsis txhob ua nej lub siab tawv yam li zaum uas nej fav xeeb ntawd.

16 Leejtwg yog cov uas hnov thiab fav xeeb ntawd? Twb yog txhua tus uas Mauxes coj tawm hauv Iziv tebchaws mus lawm los tsis yog? 

17 Leejtwg yog cov uas Abba (יחוח)Yahweh  chim rau plaub caug xyoo ntawd? Twb yog txhua tus uas ua txhaum thiab lawv tej cev tuag poob tag rau hauv tebchaws moj sab qhua los tsis yog? 18 Leejtwg yog cov uas Abba (יחוח)Yahweh  cog lus twv tias, yuav tsis tau nkag rau hauv lub chaw uas nws pub lawv so? Twb yog cov uas tsis mloog lus los tsis yog? 

19 Vim li ntawd, peb thiaj pom tias qhov uas lawv mus tsis tau rau hauv vim yog lawv tsis ntseeg.

 

​