Txojkev Dim Uas Loj Kawg

1 Vim li no, peb yimhuab yuav tsum muab siab rau rau tej lus uas peb tau hnov lawd heev dua qub, peb thiaj tsis txav deb zuj zus qhov no mus lawm. 2 Yog tej lus uas cov tubtxib saum ntuj hais ntawd, pom tias muaj tseeb thiab txhua yam kev fav xeeb, thiab tsis mloog lus, tau raug txim raws li uas tsim nyog lawm.

3 Yog peb tsis quav ntsej txojkev dim uas loj kawg li no, peb yuav dim tau li cas? (יהושע)Yahshua twb xub tshaj tawm txoj kev dim ntawd, thiab cov uas tau hnov (יהושע)Yahshua, kuj qhwv tias muaj tseeb.

4 Abba (יחוח)Yahweh  kuj ua tej txujci tseem ceeb thiab txujci phimhwj, thiab ua ntau yam haujlwm uas muaj hwjchim ua timkhawv txog tej no, thiab muab Tus Ntsuj Plig Dawbhuv, faib rau peb raws li nws lub siab nyiam. 5 Abba (יחוח)Yahweh  tsis tau muab lub ntiajteb uas nyob tom hauv ntej uas peb tabtom hais txog, tso rau cov tubtxib saum ntuj tswjhwm.

6 Muaj ib tug ua timkhawv rau ib qhov hais tias, tibneeg yog abtsi, es koj nco txog lawv, thiab tibneeg tus tub yog abtsi, es koj mob siab nws? 7 Koj ua rau nws qes dua cov tubtxib saum ntuj ib nyuag ntu xwb, thiab koj muab meej mom thiab koob meej ua mom kub rau nws ntoo. 8 Koj muab txhua yam tso rau hauv nws qab xib taws. (Ntawv Nkauj 8:5-7)

Qhov uas Abba (יחוח)Yahweh  pub txhua yam nyob hauv nws qab kev kav, tsis muaj ib yam twg uas tsis nyob hauv nws qab kev tswj-hwm. Qhov tseeb lub sijhawm no, peb tsis tau pom tias, txhua yam nyob hauv nws qab kev tswjhwm.

9 Tiamsis peb pom tias, (יהושע)Yahshua uas raug muab ua qes dua cov tubtxib saum ntuj ib nyuag ntu, twb tau meej mom thiab koob meej, ua mom kub ntoo lawm. Vim nws raug kev tsim txom tuag, xwv (יהושע)Yahshua thiaj sim txojkev tuag this txhua tus, vim yog Abba (יחוח)Yahweh  hlub.

10 Thaum Abba (יחוח)Yahweh  coj cov tub coob coob mus tau koob meej ci ntsa iab, kuj tsim nyog Abba (יחוח)Yahweh  tus uas ua rau txhua yam muaj nyob thiab txhua yam nyob rau nws, ua rau tus uas rhawv txojkev dim rau lawv ntawd, zoo kawg nkaus rau qhov uas nws raug tsim txom. 11 Tus uas cais tibneeg ua dawb huv, thiab cov uas raug muab cais ua dawb huv, kuj koom tib Leej Txiv. Yog li no (יהושע)Yahshua tsis txaj muag hu lawv cov ntawd ua kwvtij. 12 Nws hais tias, kuv yuav qhia koj lub npe rau kuv cov kwvtij paub, kuv yuav qhuas koj rau thaum ib tsoom tibneeg tuaj txoos ua ke. (Ntawv Nkauj 22:23) 13 Thiab dua ib zaug hais tias, kuv yuav vam khom nws, thiab hais tias, kuv thiab cov menyuam uas Abba (יחוח)Yahweh  pub rau kuv, nyob ntawm no. (Isayah 8:17-18) 14 Twb yog vim cov menyuam ntawd, puavleej yog tibneeg muaj roj muaj ntshav, (יהושע)Yahshua thiaj los yug ua tibneeg muaj roj muaj ntshav ib yam li lawv. Nws ua li ntawd, nws txojkev tuag thiaj rhuav tau dab Ntxwg nyoog lub hwjchim uas ua kom tibneeg tuag puastsuaj mus. 15 Thiab tso tau cov tibneeg uas ibtxwm ntshai kev ploj kev tuag kom lawv dim. 16 Qhov tseeb, Abba (יחוח)Yahweh  tsis tau txhawj txog cov tubtxib saum ntuj, tiamsis yog nws txhawj txog Abraham caj ces. 17 Vim li no, (יהושע)Yahshua thiaj los yug ua tibneeg kom nws thiaj li zoo ib yam li nws cov kwvtij, kom nws thiaj ua tau tus tuam pov thawj hlob uas muaj kev khuvleej thiab kev ncaj ncees ua koom tu Abba (יחוח)Yahweh , thiaj ntxuav tau tibneeg lub txim. 18 Vim (יהושע)Yahshua raug kev txom nyem thiab raug kev sim siab, nws thiaj pab tau cov uas raug kev sim siab thiab.

​