1 Txheej thaum ub muaj ntau zaus uas Abba (יחוח)Yahweh  siv cov xibhwb cev lus kom lawv siv ntau yam txujci los hais qhia peb tej poj koob yawm txw, xwv lawv thiaj paub tias, tej lus ntawd yog Abba (יחוח)Yahweh  hais los rau lawv.

2 Tiamsis tiam kawg no, nws hais ntawm nws tus Tub los rau peb lawm xwb. Tus Tub ntawd, yog tus uas nws tsa los saws ib puas tsav yam ua qub txeeg qub teg, thiab yog tus uas nws siv tsim lub ntuj thiab lub ntiajteb huvsi.

3 Leej Tub zoo li daim iav tsom kom pom Abba (יחוח)Yahweh  tus duab ci ntsa iab, nws tus yam ntxwv zoo thooj li Abba (יחוח)Yahweh  txhua yam huvsi, nws siv nws tej lus uas muaj hwjchim loj, tuav rawv ib puas tsav yam huvsi cia. Thaum nws ntxuav tibneeg tej kev txhaum tseg huvsi lawm, nws zaum ntawm Abba (יחוח)Yahweh  uas loj dua ntais sab tes xis hauv Lub Nroog Yeluxalees.

Leej Tub Loj Dua Cov Tubtxib Saum Ntuj

(Ntawv Nkauj 2:7; 2 Xamuyees 7:14)

4 Abba (יחוח)Yahweh  tis lub npe uas tseem ceeb dua cov tubtxib saum ntuj tej npe huv tibsi rau Abba (יחוח)Yahweh  tus Tub, thiab tsa nws ua tus muaj hwjchim loj dua cov tubtxib saum ntuj huvsi. 5 Rau qhov muaj ib tug tubtxib twg uas Abba (יחוח)Yahweh  hais rau nws tias, koj yog kuv tus Tub, hnub no kuv yug tau koj lawm?

Lossis hais tias, kuv yuav ua nws Leej Txiv thiab nws yuav ua kuv tus Tub?  

6 Thiab muaj dua ib zaug thaum Abba (יחוח)Yahweh  tso nws tus tub hlob los rau hauv lub ntiajteb, nws hais tias, cia Abba (יחוח)Yahweh  cov tubtxib saum ntuj sawvdaws pe hawm tus Tub. (Ntawv Nkauj 97:7)  7 Hais txog cov tubtxib saum ntuj, nws hais tias, Nws tsim nws cov tubtxib saum ntuj zoo ib yam li Tus Ntsuj Plig, thiab tsim nws cov tub qhe zoo ib yam li nplaim taws. (Ntawv Nkauj 104:4)  8 Tiamsis hais txog nws Leej Tub, nws hais tias, Au Abba (יחוח)Yahweh , koj lub zwm txwv muaj nyob mus ib txhis tsis kawg. Tus cwj uas ua vajntxwv kav yog tus cwj ncaj ncees. (Ntawv Nkauj 45:7-8)

9 Koj nyiam txojkev ncaj ncees, koj ntxub txojkev limhiam. Vim li no, Abba (יחוח)Yahweh  uas yog koj Tus Tswv, tau muab cov roj uas ua kom zoo siab xyiv fab hliv tsa koj ua tus loj dua koj cov kwvluag. 10 Thiab hais tias, Au Abba (יחוח)Yahweh , thaum ub koj tiag taw rau lub ntiajteb, thiab lub ntuj yog koj txhais tes ua. (Ntawv Nkauj 26-28)  11 Tej ntawd yuav puam tsuaj tag, tiamsis koj yuav nyob mus li, tej ntawd yuav txawj qub yam li tej tsoos tsho. 12 Koj yuav muab tej ntawd kauv ib yam li kauv thooj ntaub, thiab raug muab hloov ib yam tej tsoos tsho. Tiamsis koj tseem zoo li qub, thiab koj lub niaj lub xyoo tsis txawj kawg. 13 Muaj tus tubtxib saum ntuj twg uas Abba (יחוח)Yahweh  hais rau nws tias, cia li zaum ntawm kuv sab xis, mus txog thaum kuv muab koj cov yeeb ncuab ua koj lub rooj tiag taw? (Ntawv Nkauj 110:1)

14 Tej tubtxib saum ntuj, yog tej ntsuj plig uas ua Abba (יחוח)Yahweh  tes haujlwm uas raug txib mus tu cov uas yuav tau txojkev dim los tsis yog?

​