Hosheyah Thiab Tus Pojniam Deev Hluas Nraug

1 (יחוח)Yahweh hais rau kuv tias, cia li mus dua ib zaug thiab hlub tus pojniam uas muaj hluas nraug thiab yog tus pojniam uas nrog luag pw, ib yam li (יחוח)Yahweh hlub cov Ixayees, txawm yog lawv tig mus raws luag tej dab thiab nyiam tej ncuav txiv hmab qhuav uas xyeem rau dab kuj xij.

2 Kuv thiaj muab kaum tsib sekhees nyiaj thiab ib haumaws txhais qeb yuav kuv tus pojniam rov los.

 3 Kuv hais rau nws tias, koj yuav tsum nrog kuv nyob ua kuv tug ntev ntev, tsis txhob mus deev lwm tus, thiab tsis txhob mus ua lwm tus li. Mas kuv yuav nrog koj nyob ib yam nkaus thiab.

4 Ixayees caj ces yuav nyob tsis muaj vajntxwv, tsis muaj ib tug thawj, tsis muaj kevcai xyeem, tsis muaj ncej teev dab, tsis muaj efauj, tsis muaj dab mlom ntev.

5 Dhau ntawd Ixayees caj ces yuav rov los thiab nrhiav (יחוח)Yahweh uas yog lawv Tus Tswv thiab nrhiav Daviv uas yog lawv tus vajntxwv. Yav tom hauv ntej lawv yuav los cuag (יחוח)Yahweh ua ntshai kawg thiab tau nws txojkev zoo.