Cov Ixayees Tsis Kam Ntxeev Dua Siab

1 Los maj, peb cia li rov mus cuag (יחוח)Yahweh, rau qhov nws muab peb dua pes rhe lawm, tiamsis nws yuav kho peb. Nws nplawm lawm, tiamsis nws yuav qhwv peb tej qhov txhab.

2 Tshuav ob hnub nws yuav ua rau peb rov muaj zog, hnub uas peb nws yuav muab peb tsa sawv, kom peb thiaj tau nyob ntawm nws xubntiag.

3 Cia peb paub nws, cia peb kub siab kawm paub (יחוח)Yahweh, nws yeej yuav tshwm los tiag tiag yam li tus duab kaj ntug. Nws yuav los txog peb yam li tej pluav nag, yam li cov nag hauv xyoo uas ntub lub ntiajteb.

4 Efa-is es, kuv yuav ua li cas rau koj? Yahdah es, kuv yuav ua li cas rau koj nev? Qhov uas koj npuab kuv zoo yam li tej huab pw hav thaum kaj ntug, zoo li tej dej lwg uas ploj tag thaum sawv ntxov.

5 Vim li no kuv siv xibhwb cev kuv tej lus hlais lawv, kuv siv tej lus hauv kuv lub qhov ncauj tua lawv pov tseg, kuv tej lus teem txim tawm mus zoo yam li tus duab tshav ntuj.

6 Kuv ntshaw txojkev hlub, tsis yog ntshaw qhov uas tua tsiaj xyeem, thiab ntshaw qhov uas paub (יחוח)Yahweh heev dua qhov uas hlawv huvsi xyeem.

7 Tiamsis lawv rhuav tshem kuv tej lus cog tseg rau ntawm lub moos Adas, lawv fav xeeb rau kuv ntawm lub chaw ntawd.

8 Kile‑as yog lub moos uas cov tibneeg ua phem nyob, ntshav tsuas lub moos ntawd tag.

9 Tej tub sab zov kev tos li cas, cov pov thawj kuj ua ib pab zov kev tos ib yam li ntawd, lawv tua tibneeg ntawm txojkev uas mus rau lub moos Sekhees, lawv ua tej uas limhiam ntais ntuj ntag.

10 Kuv pom tej uas ntxim ntxub kawg nyob hauv cov Ixayees, Efa-is kuj mus deev luag qhov ntawd, Ixayees kuj qias puas tsuas.

11 Yahdah es, twb teem lub caij hlais ib yam li ntawd rau koj lawm. Thaum kuv yuav pub kuv haiv neeg rov vam meej li qub,

​