Hexekhiyas Mob

1 Lub sijhawm ntawd, Hexekhiyas mob hnyav heev twb yuav tuag.

Mas Amoj tus tub Isayah uas yog xibhwb cev  (יחוח)Yahweh lus tuaj cuag nws thiab hais rau nws tias, (יחוח)Yahweh hais li no tias, koj cia li tu tej kev teb kev chaw kom zoo, koj yuav tuag koj yuav tsis nquag.

2 Mas Hexekhi-yas tig xubntiag rau tim phab ntsa thiab thov (יחוח)Yahweh hais tias, 3 Au (יחוח)Yahweh, kuv taij thov koj nco txog tias kuv ua lub neej xib rau koj rau ntawm koj lub xubntiag kawg siab kawg ntsws thiab tau ua tej uas koj pom tias zoo. Ces Hexekhiyas txawm quaj heev kawg.

4 Mas (יחוח)Yahweh hais tuaj rau Isayah tias, 5 Cia li mus hais rau Hexekhiyas tias, (יחוח)Yahweh uas yog koj yawg koob Davi‎v Tus Tswv hais li no tias, kuv twb hnov koj tej lus thov lawm, kuv twb pom koj tej kua muag lawm. Kuv yuav txuas koj txojsia ntev kaum tsib xyoo ntxiv thiab.

6 Kuv yuav cawm koj thiab lub nroog no dim ntawm Axilias tus vajntxwv txhais tes, thiab kuv yuav tsom kwm lub nroog no cia.

7 No yog txujci phimhwj uas (יחוח)Yahweh ua rau koj paub tias nws yuav ua raws li nws twb cog lus lawm.

8 Saib maj, kuv yuav ua rau tus duab hnub uas teem rau ntawm lub chaw ntsuas uas Ahas ua thim rov qab kaum qeb. Lub hnub txawm thim rov qab kaum qeb.

9 No yog cov Yahdah tus vajntxwv Hexekhiyas zaj nkauj uas nws sau thaum uas nws mob thiab thaum nquag lawm.

10 Kuv hais tias, thaum kuv txojsialos txog ib nrab neej kuv yuav ncaim mus. Kuv raug muab cob rau ntawm tub tuag teb lub qhov roojtag kuv sim neej mus li. 11 Kuv hais tias, kuv yuav tsis pom (יחוח)Yahweh hauv lub chawuas cov tibneeg ciaj sia nyob. Kuv yuav saib tsis pom tibneeg li lawmthiab tsis nrog cov tibneeg ntiajteb nyob lawm.

12 Kuv lub chaw nyob raug muab yaws kiag ntawm kuv lawm ib yam li tus yug yaj yaws lub tsev ntaub. Kuv muab kuv txojsia kauv pes zog yam nkaus li tus ntos ntaub dov thooj ntaub. (יחוח)Yahweh muab kuv txiav yam li txiav daim ntaub ntawm tus ntos. Nws coj kuv txojsia los txog qhov kawg nruab hnub hmo ntuj.

13 Kuv ua ib siab nyiaj tos ib hmos kaj ntug, (יחוח)Yahweh muab kuv tej pob txha lov tag ib yam li tsov ntxhuav lov. Nws coj kuv txojsia los txog qhov kawg nruab hnub hmo ntuj.

14 Kuv quaj yam nkaus li tus luv thiab yam nkaus li tus os dej dawb, thiab kuv ntsaj ib yam nkaus li nquab taug. Kuv tsa muag ntsia rau saud ntev, ua rau kuv ob lub qhov muag tsaug heev. Au (יחוח)Yahweh, kuv raug quab yuam, thov koj ua tus uas tsom kwm kuv.

15 Tiamsis kuv yuav hais tau abtsi? Rau qhov nws twb hais rau kuv lawmt hiab nws yog tus uas ua tej no ntag. Kuv yuav ua neej nyob ntsiag to mus tag kuv sim neej vim kuv tej kev lwj siab.

16 Au (יחוח)Yahweh, tibneeg ua neej nyob tau vim yog muaj tej no, thiab kuv tus ntsuj plig muaj txojsia nyob tau kuj yog vim muaj tej no thiab. Thov koj pab kho kuv zoo thiab pub kuv rov muaj txojsia.

17 Saib maj, vim yog saib rau qhov uas kuv noj qa nyob zoo kuv thiaj li muaj kev lwj siab heev. Tiamsis koj hlub kuv txojsia tsis kheev kom poob rau hauv lub qhov uas puam tsuaj. Koj muab kuv lub txim huvsi laim pov tseg rau tom koj nrob qaum.

18 Tub tuag teb tsis txawj ua koj tsaug thiab txojkev tuag tsis txawj qhuas koj, cov uas mus rau hauv lub qhov tuag lawm tsis tau kev vam koj txojkev ncaj uas tso siab tau lawm.

19 Tus tibneeg ciaj, tus tibneeg muaj txojsia, nws ua koj tsaug, ib yam li uas hnub no kuv ua. Leej txiv qhia koj txojkev ncaj uas tso siab tau rau nws cov menyuam.

20 (יחוח)Yahweh yuav cawm kuv dim, thiab peb yuav ntaus nkauj nog ncas hu nkauj qhuas tag peb sim neej rau hauv (יחוח)Yahweh lub tuam tsev.

21 Mas Isayah hais tias, kom lawv muab ib lub ncuav txiv cev los npuab rau ntawm lub rwj kom vajntxwv thiaj nquag.

22 Hexekhiyas kuj hais tias, Yuav muaj ib yam txujci twg qhia kom paub tias kuv yuav tau nce mus rau hauv (יחוח)Yahweh lub tuam tsev?