Lwm Tsav Tibneeg Tau Kev Cawm Dim

1 (יחוח)Yahweh hais li no tias, cia li tuav rawv txojkev tu plaub ncaj thiab ua raws li txojkev ncaj ncees, rau qhov tshuav tsis ntev kuv txojkev dim yuav los thiab kuv txojkev cawm dim yuav nthuav rau sawvdaws paub.

2 Tus uas ua li no thiab tib-neeg tej tub uas coj nruj li no yuav tau nyob kaj siab lug, yog tus uas hwm hnub Sabbath tsis txhob ua qias puas tsuas hnub ntawd thiab tswj nws txhais tes tsis txhob ua ib yam phem li.

3 Tsis txhob kheev lwm haiv neeg uas los ntseeg (יחוח)Yahweh hais tias, (יחוח)Yahweh yuav muab kuv cais tawmn tawm nws haiv neeg tiag tiag, thiab tsis txhob kheev tus txivneej uas chaw xis puag lawm hais tias, saib maj kuv yog tus ntoo qhuav,  

4 rau qhov (יחוח)Yahweh hais li no tias, cov txivneej uas ua tsis taus txivneej mas yog lawv hwm kuv hnub Sabbath thiab xaiv txhua yam uas haum‎ kuv lub siab thiab tuav rawv kuv tej lus cog tseg nruj,

5 mas kuv yuav ua lub chaw nco txog lawv cov ntawd thiab pub koob meej rau lawv rau hauv kuv lub tuam tsev thiab hauv kuv lub ntsa loog, mas zoo dua li uas lawv muaj tub muaj ntxhais, kuv yuav pub lub koob meej uas nyob mus ib txhis rau lawv, yuav tsis muab txiav pov tseg.

6 Thiab lwm haiv neeg uas los ntseeg (יחוח)Yahweh ua koom tu nws thiab nyiam (יחוח)Yahweh lub npe thiab ua nws li tub qhe, yog txhua tus uas hwm hnub Sabbath thiab tsis txhob ua qias puas tsuas hnub ntawd thiab tuav rawv kuv tej lus cog tseg,

7 mas kuv yuav coj cov tibneeg no los txog kuv lub roob uas Dawbhuv, thiab ua rau lawv zoo siab xyiv fab rau hauv lub tuam tsev uas thov kuv. Tej uas lawv muab hlawv xyeem thiab tej uas lawv muab xyeem kuv yuav zoo siab txais yuav rau saum kuv lub thaj, rau qhov kuv lub tuam tsev yuav hu tias lub tsev uas txhua haiv neeg thov kuv.

8 (יחוח)Yahweh uas qaws cov Ixayees uas poob tebchaws ua sab ua sua lawm hais li no tias, kuv yuav qaws luag lwm tus los nrog cov uas kuv twb qaws cia lawm.

(יחוח)Yahweh Nkaug Ixayees Cov Thawj

9 Txhua tus tsiaj nruab nrag thiab txhua tus tsiaj qus hauv hav zoov, cia li los noj lauj!

10 Ixayees cov uas faj xwm dig muag, lawv sawvdaws tsis txawj tsis ntse, lawv sawvdaws yog dev tsis muaj suab, lawv tsis txawj tsem, lawv tsuas yog ua npau suav thiab pw thiab nyiam tsaug zog.

11 Cov dev no tshaib heev noj tsis txawj tsau li. Cov uas yug yaj kuj tsis nkag siab abtsi li, lawv sawvdaws tig rov taug lawv txojkev lawm, txhua tus nyias mus nrhiav tejuas muaj qabhau rau nyias xwb.

12 Lawv hais tias, cia li los nawj. Cia peb muab cawv txiv hmab los thiab haus cawv ntxwg kom puv nkaus peb lub cev. Mas tagkis yuav zoo yam li hnub no, tseem yuav loj tshaj dua no.