Lub Hom Thawj Uas Nias Rau (יחוח)Yahweh Lo Lus Cog Tseg

1 (יחוח)Yahweh hais rau Mauxes tias, koj thiab Aloos thiab Nadas thiab Anpihus thiab Ixayees cov kev txwj laug xya caum leej, cia li nce tuaj cuag (יחוח)Yahweh thiab nyob deb deb pe hawm nws.

2 Cia Mauxes tib leeg txav los ze (יחוח)Yahweh xwb, dua li lwm tus mas tsis txhob txav los ze, thiab tsis txhob kheev cov pejxeem nrog Mauxes nce tuaj li.

3 Mauxes thiaj coj (יחוח)Yahweh tej lus thiab tej kevcai huvsi los qhia rau cov pejxeem paub. Cov pejxeem sawv daws teb tib lub suab hais tias, txhua lo lus uas (יחוח)Yahweh hais ntawd, peb yuav tau ua raws li.

4 Mauxes txawm muab (יחוח)Yahweh txhua lo lus sau cia. Nws sawv ntxov tsees tib ib lub thaj uas xyeem qhov txhia chaw rau ntawm taw roob thiab muab kaum ob tug ncej zeb los txhos raws li kaum ob xeem Ixayees.

5 Nws txib cov tub hluas Ixayees mus muab tsiaj hlawv kheej xyeem thiab muab nyuj tua xyeem rau (יחוח)Yahweh ua kevcai sib raug zoo.

6 Mauxes muab cov ntshav khaws cia ib nrab rau hauv tej phaj, thiab muab ib nrab nchos rau lub thaj.

7 Nws muab phau ntawv uas sau (יחוח)Yahweh tej lus cog tseg nyeem rau cov pejxeem mloog. Cov pejxeem hais tias, txhua lo lus uas (יחוח)Yahweh hais ntawd, peb yuav ua raws nraim, peb yuav mloog nws lus.

8 Mauxes muab cov ntshav nchos rau cov pejxeem thiab hais tias, cov ntshav no yog lub hom thawj uas nias rau tej lus cog tseg uas (יחוח)Yahweh ua rau nej raws li tej lus uas hais tag no huvsi.

9 Thaum ntawd Mauxes thiab Aloos thiab Nadas thiab Anpihus thiab Ixayees cov kev txwj laug xya caum leej kuj nce mus,

10 Mas lawv pom Ixayees Tus Tswv. (יחוח)Yahweh lub chaw tiag taw yog ib daim txhib zeb zoo yam nkaus li qe zeb phaithus tsamxem, ntshiab yam nkaus li qab ntuj.

11 (יחוח)Yahweh tsis ua li cas rau Ixayees cov thawj, lawv tau pom (יחוח)Yahweh thiab lawv tau noj haus.

​

Mauxes Nyob Saum Lub Roob Xinais

12 (יחוח)Yahweh hais rau Mauxes tias, cia li nce tuaj cuag kuv saum lub roob thiab nyob ntawd tos. Kuv yuav muab tej txhib zeb uas muaj kuv txoj kevcai thiab kuv tej lus uas kuv sau cia qhia lawv.

13 Mauxes thiaj sawv tsees nrog nws tus tub qhe Yahshua nce mus saum (יחוח)Yahweh lub roob.

14 Thiab Mauxes hais rau cov kev txwj laug tias, nej nyob ntawm no tos txog thaum wb rov los txog nej. Aloos thiab Hawj nrog nej nyob. Leejtwg muaj plaub kuj mus cuag tau nkawv.

15 Ces Mauxes txawm nce mus saum lub roob lawm, muaj ib tauv huab los laum nkaus lub roob.

16 (יחוח)Yahweh lub hwjchim ci ntsa iab los rau saum lub roob Xinais, mas tauv huab laum lub roob ntawd tau rau hnub. Hnub uas xya, (יחוח)Yahweh hu hauv tauv huab tuaj rau Mauxes.

17 (יחוח)Yahweh lub hwjchim ci ntsa iab tshwm rau cov Ixayees pom yam nkaus li nplaim taws kub ceev saum lub hauv roob.

18 Mauxes nkag mus rau hauv tauv huab thiab nce mus rau saum lub roob. Mauxes nyob saum lub roob tau plaub caug hnub, plaub caug hmo.