Cov Tibneeg Txawj Saib Hnubqub Tuaj Hawm (יהושע)Yahshua

​

1 Thaum yug (יהושע)Yahshua rau hauv lub moos Npelehees uas nyob hauv Yahdah tebchaws. Lub sij hawm ntawd Helauj ua vajntxwv kav, txawm muaj ib co tibneeg txawj saib hnubqub tuaj sab hnub tuaj rau hauv Yeluxalees thiab lawv nug hais tias,

2 Tus metub uas yug los ua vajntxwv kav cov Yahdaim nyob qhovtwg? Peb twb pom nws lub hnubqub tshwm rau sab hnub tuaj, peb thiaj li tuaj pe hawm nws.

3 Thaum vajntxwv Helauj hnov li ntawd, nws kuj ntxhov siab thiab tag nrho lub nroog Yeluxalees nrog nws ntxhov siab tag.

4 Nws hu cov pov thawj hlob thiab cov xibhwb qhia Abba (יחוח)Yahweh kevcai tuaj sablaj ua ke mas nug lawv tias, tus Messiah yuav yug rau qhovtwg.

5 Lawv teb nws hais tias, hauv lub moos Npelehees hauv Yahdah tebchaws. Rau qhov tus xibhwb cev Abba (יחוח)Yahweh lus tau sau tseg cia tias,

6 Au Npelehees hauv Yahdah tebchaws es, koj tsis yog lub moos uas me dua tej moos uas kav Yahdah tebchaws lawm. Rau qhov yuav muaj ib tug thawj tshwm hauv koj los kav kuv haiv neeg Ixayees.

7 Helauj hu cov tibneeg txawj saib hnubqub los cuag nws twjywm thiab nug lawv hais tias, hnub twg thiab lub sijhawm twg, lub hnubqub ntawd mam tawm tuaj?

8 Tom qab ntawd, vajntxwv Helauj txawm kom lawv mus rau lub moos Npelehees thiab hais rau lawv tias, cia li mus ua tib zoo nrhiav tus menyuam tub ntawd. Yog thaum nej nrhiav pom nws lawm, cia li rov qab los qhia rau kuv paub, es kuv yuav mus pe hawm nws thiab.

9 Thaum vajntxwv Helauj hais li ntawd rau lawv tag, ces cov tibneeg txawj saib hnubqub ntawd txawm tawm mus lawm. Thaum lawv tseem tab tom taug kev mus, ua ciav lub hnubqub uas lawv pom tawm sab hnub tuaj txawm coj lawv kev mus nres ncaj rau saum lub chaw uas tus menyuam tub ntawd nyob.

10 Thaum lawv pom lub hnubqub ntawd lawv zoo siab xyiv fab heev kawg.

11 Thaum lawv nkag mus rau hauv lub tsev, lawv pom tus menyuam tub thiab leej niam Miriam, lawv txawm khwb nkaus pe hawm tus menyuam tub ntawd. Lawv qheb lawv tej phij xab, rho lawv tej tshav ntuj los, yog kub thiab roj ntoos tsw qab thiab roj tsw qab los pub rau nws.

12 Hmo ntawd, lawv txawm ua npau suav pom hais tias, Abba (יחוח)Yahweh los hais rau lawv tias, kom tsis txhob rov mus cuag Helauj. Ces lawv txawm taug lwm txojkev rov mus rau lawv lub tebchaws lawm.

Khiav Mus Iziv Tebchaws

13 Thaum cov tibneeg txawj saib hnubqub mus dhau lawm, Yahseph txawm ua npau suav pom Abba (יחוח)Yahweh ib tug tubtxib saum ntuj los hais rau Yahseph hais tias, koj cia li sawv tsees coj tus menyuam thiab nws niam khiav mus rau Iziv tebchaws thiab nyob qhov ntawd tos txog thaum kuv hais rau koj, vim yog Helauj yuav nrhiav tus menyuam no tua pov tseg.

14 Hmo ntawd Yahseph txawm sawv tsees coj tus menyuam thiab nws niam maub hmo ntuj mus rau Iziv tebchaws, 15 thiab lawv nyob qhov ntawd mus txog rau thaum vajntxwv Helauj tuag. Tej no tshwm los kom thiaj ua tiav raws li Abba (יחוח)Yahweh tej lus uas tus xibhwb cev lus hais tias, Kuv hu kuv tus tub tawm hauv Iziv tebchaws los. (Hosheyah 11:1)

Helauj Tua Cov Menyuam Yaus

16 Thaum Helauj pom tias cov tub txawj saib hnubqub dag nws lawm, nws kuj npau taws heev thiaj tso tibneeg mus tua cov menyuam tub txhua tus uas hnub nyoog muaj ob xyoos rov hauv, hauv lub moos Npelehees thiab ib cheeb tsam ntawd huvsi, kom haum lub sijhawm uas nws paub ntawm cov tub txawj saib hnubqub ntawd.

17 Qhov no kuj tiav raws li tej lus uas xibhwb Yelemyah uas cev Abba (יחוח)Yahweh lus hais tias, 18 Tau hnov suab nrov hauv Lamas, yog suab quaj ntsuag suab quaj lwj siab. Lachees quaj nws tej menyuam, nws tsis yuav tej lus nplij siab rau qhov nws tej menyuam tsis nyob lawm. (Yelemyah 31:15)

Rov Mus Rau Lub Moos Naxales

19 Thaum Helauj tuag lawm, Yahseph txawm ua npau suav pom Abba (יחוח)Yahweh ib tug tubtxib saum ntuj los hais rau nws hauv Iziv tebchaws hais tias, 20 Cia li sawv tsees coj tus menyuam thiab leej niam mus rau hauv Ixayees tebchaws, vim cov uas yuav txov tus menyuam no txojsia, twb tuag lawm.

21 Yahseph txawm sawv tsees coj tus menyuam thiab leej niam mus rau Ixayees tebchaws.

22 Thaum nws hnov tias Akhelaus sawv nws txiv Helauj chaw ua vajntxwv kav lub xeev Yahdah, nws thiaj ntshai mus qhov ntawd. Thaum Yahseph hnov tej lus hauv zaj npau suav, nws thiaj mus kiag rau lub xeev Kalilais.

23 Nws mus nyob rau hauv lub moos Naxales, kom thiaj tiav raws li tej lus uas cov xibhwb cev Abba (יחוח)Yahweh lus hais tias, Luag yuav hu nws ua tibneeg Naxales.