Yahchanan  Tes Haujlwm

(Yahchanan Mark 1:1-8, Luke. 3:1-18,Yahchanan 1:19-28)

Thaum ntawd Yahchanan  uas coj ua kevcai raus dej tawm los tshaj tawm hauv tebchaws moj sab qhua Yahdaim tebchaws hais tias, 2 Cia li ntxeev dua siab tshiab rau qhov lub nroog Yeluxalees los ze lawm.

​

(Isayah 40:3, Yahchanan Mark 1:3, Luke 3:3-4)

3 Tus Yahchanan  no yog tus uas xibhwb Isayah uas cev Abba(יחוח)Yahweh lus tau hais tseg tias, muaj ib lub suab qw hauv tebchaws moj sab qhua hais tias, cia li npaj Abba (יחוח)Yahweh txojkev, cia li ua nws txoj kev kom ncaj.

​

(Yahchanan Mark 1:4-8, Yahchanan. 1:23)

4 Tus Yahchanan  no hnav tej ris tsho uas muab plaub ntxhuav ua thiab sia txoj siv tawv ntawm duav. Nws tej zaub mov yog kooj txig thiab zib ntab. 5 Thaum ntawd cov tibneeg hauv Yeluxalees thiab thoob plaws lub xeev Yahdaim thiab thoob plaws ntug dej Yaladees kuj tawm mus cuag nws. 6 Lawv nyias lees nyias lub txim txhaum mas Yahchanan  muab lawv ua kevcai raus dej hauv tus dej Yaladees.

7 Thaum Yahchanan  pom cov Falixais thiab cov Xadukais tuaj coob coob yuav ua kevcai raus dej, nws txawm hais rau lawv tias, cov niag noob nab phem, leejtwg ntuas kom nej khiav ntawm Abba (יחוח)Yahweh txojkev npau taws uas yuav los? 8 Cia li ua lub neej kom phim qhov uas nej ntxeev dua siab tshiab,

9 thiab tsis txhob xav hauv lub siab hais tias, peb muaj Abraham ua peb txiv, rau qhov kuv qhia rau nej tias Abba (יחוח)Yahweh muab tau tej pob zeb no ua tau Abraham li tub ki. 10 Nimno twb muab rab taus twb rau ntawm hauv paus ntoo lawm. Txhua tsob ntoo uas tsis txi txiv zoo, yuav raug muab ntov pov rau hauv cub hluavtaws. 11 Kuv muab nej ua kevcai raus hauv dej qhia tias nej ntxeev dua siab tshiab, tiamsis ib tug yuav ua kuv qab los muaj hwjchim loj dua kuv, kuv twb tsis tsim nyog nqa nws nkawm khau kiag li. Nws yuav muab nej ua kevcai raus hauv Tus Ntsuj Plig uas dawb huv thiab hauv hluavtaws. 12 Rab ntxuam nyob hauv nws txhais tes lawm, nws yuav ntxuaj nws lub tshav ntaus qoob, thiab yuav sau nws tej mog los cia rau hauv txhab, tiamsis nws yuav muab hluavtaws hlawv cov npluag kub hnyiab tsis txawj tuag li.

​

(יהושע)Yahshua Ua Kevcai Raus Dej

(Yahchanan Mark 1:9-11, Luke 3:21-22)

13 Thaum ntawd (יהושע)Yahshua tawm hauv Kalilais tuaj cuag Yahchanan  ntawm tus dej Yaladees es kom Yahchanan  muab nws ua kevcai raus dej.

14 Tiamsis Yahchanan  cheem (יהושע)Yahshua hais tias, Kuv yuav tsum ua kevcai raus dej ntawm koj, koj tseem tuaj cuag kuv lov? 15(יהושע)Yahshua teb nws tias, Koj cia li yeem, rau qhov tsim nyog ua li no thiaj ua txhua yam kev ncaj ncees kom tiav. Ces Yahchanan thiaj li yeem. 16 Thaum (יהושע)Yahshua ua kevcai raus dej lawd, nws tawm hauv dej los, ces rooj ntug txawm qheb kiag, nws pom Abba (יחוח)Yahweh tus Ntsuj Plig zoo li ib tug nquab nqes los tsaws saum nws, 17 thiab muaj suab hais saum ntuj tuaj hais tias, tus no yog kuv tus tub uas kuv hlub, kuv txaus siab rau nws heev.