(יהושע)Yahshua Raug Dab Ntxwg Nyoog Sim

(Yahchanan Mark 1:12-13, Luke 4:1-13)

1 Dhau ntawd Tus Ntsuj Plig txawm coj (יהושע)Yahshua mus rau hauv tebchaws moj sab qhua kom (יהושע)Yahshua thiaj raug Ntxwg Nyoog sim.

2 Mas (יהושע)Yahshua yoo mov tau plaub caug hnub plaub caug hmo, dhau ntawd nws tshaib plab heev.

3 Tus uas ntxias txawm los hais rau (יהושע)Yahshua tias, yog koj yog Abba (יחוח)Yahweh tus tub, cia li hais kom tej pob zeb no ntxeev ua ncuav los maj.

4(יהושע)Yahshua teb tias, twb muaj lus sau cia tias, tsis yog tib cov mov xwb thiaj yug tau tibneeg txojsia, tiamsis yog txhua lo lus uas tawm ntawm Abba (יחוח)Yahweh qhov ncauj los thiaj yug tau. 5 Dhau ntawd Ntxwg Nyoog txawm coj (יהושע)Yahshua mus rau hauv lub nroog uas dawb huv, thiab kom (יהושע)Yahshua mus sawv saum lub tuam tsev txheej tsev las tshav uas siab tshaj plaws, 6 thiab hais rau nws tias, yog koj yog (יחוח)Yahweh tus tub, cia li dhia lawm hauv rau qhov twb muaj lus sau cia tias, (יחוח)Yahweh yuav muab koj cob rau nws cov tubtxib saum ntuj, thiab hais tias, Lawv txhais tes yuav hwj koj, kom koj kotaw thiaj tsis ntsawm pob zeb. (Ntawv Nkauj 91: 11-12)

7(יהושע)Yahshua hais rau nws tias, twb muaj dua lus sau cia hais tias, tsis txhob sim Abba (יחוח)Yahweh uas yog koj Tus Tswv. (Kc. 6:16)

8 Muaj dua ib zaug Ntxwg Nyoog coj (יהושע)Yahshua nce mus rau saum lub roob uas siab kawg mas muab tag nrho tej tebchaws hauv ntiajteb thiab tej tebchaws ntawd kev vam meej ua tshwm rau (יהושע)Yahshua saib.

9 Thiab hais rau (יהושע)Yahshua tias, yog koj khwb nkaus pe hawm kuv, kuv yuav muab txhua yam no huvsi rau koj.

10(יהושע)Yahshua txawm hais rau nws tias, Xatas, cia li khiav mus, rau qhov twb muaj lus sau cia tias, koj yuav tsum pe hawm Abba (יחוח)Yahweh uas yog koj Tus Tswv thiab ua koom tu nws ib leeg xwb.

(Kc 6:13)

11 Ces Ntxwg Nyoog txawm tso (יהושע)Yahshua tseg khiav mus lawm, mas cov tubtxib saum ntuj los ua koom tu (יהושע)Yahshua.

​

(יהושע)Yahshua Pib Ua Nws Tes Haujlwm

(Yahchanan Mark 1:14-15, Luke 4:14-15)

12 Thaum (יהושע)Yahshua hnov tias Yah-chanan  raug ntes lawm, nws txawm tawm mus rau Kalilais. 13 Nws tsiv hauv lub moos Naxales mus nyob hauv lub moos Khapena‑us uas nyob ntawm ntug hiavtxwv hauv Xenpuloos thiab Nathalis tebchaws, 14 kom thiaj tiav raws li xibhwb Isayah uas cev Abba (יחוח)Yahweh lus tau hais tseg tias, 15 Xenpuloos tebchaws thiab Nathalis teb-chaws uas nyob ntawm txojkev raws ntug hiavtxwv uas nyob sab dej Yaladees hnub poob, yog Kalilais tebchaws uas lwm haiv neeg los nyob. 16 Cov tibneeg uas nyob hauv txojkev tsaus ntuj tau pom txojkev kaj uas loj kawg lawm. Cov uas nyob hauv txojkev tuag tus duab tsaus, txojkev kaj ci rau lawv lawm.

17 Txij thaum ntawd los (יהושע)Yahshua pib tshaj tawm hais tias, cia li ntxeev dua siab tshiab, rau qhov lub nroog Yeluxalees los ze lawm lauj. (Isayah 8:23, 9:1)

(יהושע)Yahshua Hu Plaub Tug Thwjtim

(Yahchanan Mark 1:16-20, Luke 5:1-11)

18 Thaum (יהושע)Yahshua taug kev ntawm ntug Hiavtxwv Kalilais nws pom ob tug kwvtij, yog Simon uas hu ua Kepha thiab nws tus kwv Andrew, tabtom ntaus vas hauv hiavtxwv. Nkawv yog tibneeg muab ntses.

19(יהושע)Yahshua hais rau nkawv tias, cia li los, raws kuv qab, mas kuv yuav tsa neb ua cov uas npo tibneeg ib yam li npo ntses.

20 Tamsim ntawd nkawv txawm tso nkawv tej vas tseg thiab raws (יהושע)Yahshua qab mus. 21(יהושע)Yahshua mus rau tom ntej kuj pom dua ob kwvtij, yog Xenpedis ob tug tub, yog Yaaqog thiab nws tus kwv Yahchanan , nrog nkawv txiv Xenpedis nyob ua ke hauv lub nkoj tabtom ntxiv vas, ces (יהושע)Yahshua txawm hu nkawv.

22 Tamsim ntawd nkawv txawm tso lub nkoj thiab leej txiv tseg raws (יהושע)Yahshua qab mus.

​

(יהושע)Yahshua Qhuab Qhia Thiab Kho Cov Tibneeg Mob

(Luke 6:17-19)

23(יהושע)Yahshua mus thoob plaws lub xeev Kalilais qhuab qhia hauv lawv tej tsev sablaj thiab tshaj tawm txoj xov zoo uas hais txog Abba (יחוח)Yahweh lub tebchaws thiab kho tej tibneeg txhua yam mob nkeeg zoo huvsi. 24 Nws lub koob meej thiaj nrov nto moo lug thoob plaws lub xeev Syria, luag thiaj coj txhua tus uas muaj mob, tsis hais mob abtsi kuj xij, cov uas mob hnyav, cov uas raug dab, cov uas qaug dab peg, cov uas tuag tes tuag taw sawvdaws tuaj cuag (יהושע)Yahshua mas (יהושע)Yahshua kho lawv zoo.

25 Muaj tibneeg coob coob hauv lub xeev Kalilais thiab hauv lub xeev Dekapolis thiab hauv Yeluxalees thiab lub xeev Yahdaim thiab ntawm ntug dej Yaladees sab tim ub raws (יהושע)Yahshua qab mus.