De Hnab Mog Hnub Sabbath

(Yahchanan Mark 2:23-28;Luke 6:1-5)

1 Tom qab ntawd hnub Sabbath (יהושע)Yahshua taug kev hauv ib daim teb mog. Nws cov thwjtim tshaib plab lawv txawm pib de hnab mog los noj. 2 Thaum cov Falixais pom li ntawd, lawv txawm hais rau (יהושע)Yahshua tias, saib maj, koj cov thwjtim ua tej uas caiv tsis kheev ua rau hnub Sabbath. 3(יהושע)Yahshua hais rau lawv tias, nej tsis tau nyeem tej uas Daviv ua rau thaum nws thiab cov tibneeg uas nrog nws tshaib plab lov?  4 Nws twb nkag mus rau hauv Abba (יחוח)Yahweh lub tsev muab tej ncuav uas xyeem txawb rau ntawm Abba -(יחוח)Yahweh lub xubntiag los noj, yog tej uas nws thiab nws cov tibneeg caiv tsis pub noj tsuas yog cov pov thawj thiaj noj tau xwb. 5 Thiab nej tsis tau nyeem hauv phau kevcai lov, qhov uas hais tias hnub Sabbath cov pov thawj hauv lub tuam tsev yeej ua puas tsuas hnub Sabbath los kuj tsis txhaum?  6 Kuv hais rau nej tias, ntawm no muaj ib yam uas loj dua lub tuam tsev. 7 Yog nej nkag siab nqe uas hais tias, kuv ntshaw txojkev hlub, tsis yog ntshaw qhov uas tua tsiaj xyeem,  mas nej yuav tsis rau txim rau tus uas tsis txhaum. 8 Rau qhov Neeg Leej Tub yog hnub Sabbath Tus Tswv.

​

Tus Yawg Qhuav Tes

(Yahchanan Mark 3:1-6;Luke 6:6-11)

9(יהושע)Yahshua tawm qhov ntawd mus thiab mus rau hauv lawv lub tsev sablaj. 10 Mas muaj ib tug yawg qhuav ib sab tes nyob hauv thiab. Lawv txawm nug (יהושע)Yahshua tias, muaj cai kho mob rau hnub Sabbath los tsis muaj cai? Xwv lawv thiaj tau chaw nkaug (יהושע)Yahshua. 11(יהושע)Yahshua hais rau lawv tias, nej cov yog leejtwg muaj tib tug yaj xwb mas tus yaj ntawd poob rau hauv qhov rau hnub Sabbath, nws yuav tsis mus muab tus yaj ntawd rho tawm los lov?  

12 Ib tug tibneeg yimhuab tsim txiaj dua tus yaj. Yog li no muaj cai ua qhov zoo rau hnub Sabbath. 13 Ces (יהושע)Yahshua txawm hais rau tus qhuav tes ntawd tias, cia li xyab kiag koj txhais tes. Tus ntawd txawm xyab kiag tes, mas nws txhais tes txawm zoo kiag li qub ib yam li sab tod. 14 Cov Falixais txawm tawm mus sablaj tias yuav ua li cas thiaj tua tau (יהושע)Yahshua.

​

Tus Tub Qhe Uas Abba (יחוח)Yahweh Xaiv

15 Thaum (יהושע)Yahshua paub li ntawd nws txawm tawm qhov ntawd mus. Muaj tibneeg coob coob raws nws qab mus mas nws kho lawv tej mob zoo txhua tus, 16 thiab hais kom lawv tsis txhob qhia rau luag paub nws.

17 Tej no thiaj tiav raws li xibhwb Isayah uas cev Abba (יחוח)Yahweh lus tau hais tseg tias, 18 Saib maj, kuv tus tubqhe uas kuv xaiv cia lawd, yog tus uas kuv hlub, yog tus uas kuv txaus siab rau. Kuv muab kuv tus Ntsuj Plig rau hauv nws, nws yuav qhia txojkev ua ncaj ua ncees rau ib tsoom tebchaws. (Isayah 42:1-4)

19 Nws yuav tsis sib cav sib ceg thiab tsis qw nrov, thiab tsis muaj leejtwg hnov nws lub suab tom tej kev. 20 Tus tauj deg uas lov lawm nws yuav tsis muab tu, tus teeb xeeb ncho pa twb yuav tuag los nws yuav tsis muab tua, mus txog thaum nws coj txojkev ua ncaj ua ncees kov yeej. 21 Ib tsoom tebchaws yuav vam khom nws lub npe.

(יהושע)Yahshua Thiab Dab Npe‑eexenpus

(Yahchanan Mark 3:20-30;Luke 11:14-23)

22 Thaum ntawd muaj tibneeg coj ib tug raug dab uas dig muag thiab hais tsis tau lus tuaj cuag (יהושע)Yahshua, mas (יהושע)Yah-shua kho nws zoo, tus ntawd txawm hais tau lus thiab pom kev lawm. 23 Tej tibneeg sawvdaws kuj phimhwj thiab hais tias, tus no tsis yog Daviv li tub kaj? 24 Tiamsis thaum cov Falixais hnov li ntawd, lawv txawm hais tias, tus yawg no siv tus thawj dab Npe‑eexenpu  li hwjchim ntiab dab tawm. 25(יהושע)Yahshua paub tej uas lawv xav nws thiaj hais rau lawv tias, txhua lub tebchaws uas tawg faib lawd yeej yuav puam tsuaj, thiab lub moos twg lossis lub tsev twg tawg faib lawd yeej nyob tsis tau. 26 Yog Xatas  rov ntiab Xatas tawm, nws kuj faib tawg tag lawm, mas nws lub tebchaws yuav nyob tau li cas?  27 Yog kuv siv dab Npe‑eexenpu li hwjchim ntiab dab tawm, es nej cov tibneeg nev, lawv siv leejtwg ntiab dab tawm? Yog li ntawd ces lawv yuav ua cov uas txiav txim rau nej.

28 Yog kuv siv Abba (יחוח)Yahweh Tus Ntsuj Plig ntiab dab tawm, mas Abba (יחוח)Yahweh lub tebchaws twb los txog nej lawm.

29 Lossis leejtwg yuav nkag mus rau hauv ib tug uas muaj zog heev lub tsev thiab lws tau nws tej qhov txhia chaw tau li cas? Yuav tsum yog xub muab tus uas muaj zog ntawd khi ua ntej tso thiaj li lws tau nws lub tsev. 30 Tus uas tsis tuaj kuv tog yeej tawm tsam kuv, thiab tus uas tsis nrog kuv qaws los ua ke, nws yeej muab ua kom tawg ua sab ua sua. 31 Vim li no kuv hais rau nej tias, txhua yam kev txhaum thiab tej lus uas hais lus tuam mom yuav zam tau rau tibneeg tiamsis tej lus uas hais tuam mom Tus Ntsuj Plig yuav zam tsis tau kiag li.

32 Leejtwg hais lus tawm tsam Neeg Leej Tub yuav zam tau nws lub txim, tiamsis leejtwg hais lus tawm tsam Tus Ntsuj Plig dawb huv yuav zam tsis tau kiag li tsis hais tiam no lossis tiam tom ntej.

​

Tsob Ntoo Thiab Cov Txiv

(Luke 6:43-45)

33 Yuav tsum yog tsob ntoo zoo cov txiv thiaj zoo, yog tsob ntoo phem cov txiv kuj phem. Yuav pom cov txiv thiaj paub tsob ntoo. 34 Cov niag noob nab phem, nej yog tibneeg phem, nej yuav ua li cas hais tau lus zoo? Rau qhov lub qhov ncauj yeej hais tej uas puv nkaus hauv lub siab tawm los. 35 Tus tibneeg zoo yeej rho yam zoo hauv nws lub txhab uas khaws yam zoo cia tawm los, tus tibneeg phem yeej rho yam phem hauv nws lub txhab uas khaws yam phem cia tawm los. 36 Kuv hais rau nej tias, tibneeg yuav tsum lees txhua lo lus tsis muaj qabhau uas lawv tau hais lawd rau hnub uas teem txim. 37 Koj yuav dim lub txim lossis yuav raug txim kuj nyob ntawm koj lo lus hais xwb.

​

Tibneeg Xav Pom Txujci Tseem Ceeb

(Yahchanan Mark 8:11-12;Luke 11:29-32)

38 Thaum ntawd cov xibhwb qhia Abba  (יחוח)Yahweh kevcai thiab cov Falixais qee leej hais rau (יהושע)Yahshua tias, Xibhwb, peb xav pom koj ua ib yam txujci phimhwj.

39(יהושע)Yahshua teb lawv tias, tiam tib-neeg no phem thiab fav xeeb nrhiav ib yam txujci tseem ceeb, tiamsis lawv yuav tsis pom dua txujci tseem ceeb tsuas yog zaum txujci uas muaj rau Yaunas uas yog xibhwb cev Abba (יחוח)Yahweh lus xwb. 40 Yaunas nyob hauv tus ntses loj lub plab tau peb hnub peb hmos li cas, Neeg Leej Tub yuav nyob hauv nruab av peb hnub peb hmos ib yam li ntawd. 41 Thaum txiav txim rau tiam tibneeg no cov tibneeg Ninave yuav sawv tsees thiab yuav taw lawv qhov txhaum rau lawv, rau qhov thaum cov tibneeg Ninave hnov Yaunas qhia, lawv ntxeev dua siab tshiab lawm, tiamsis muaj ib tug loj dua Yaunas nyob ntawm no.

42 Thaum txiav txim rau tiam tibneeg no tus poj vajntxwv uas kav tebchaws sab nrad  yuav sawv tsees thiab yuav taw lawv qhov txhaum rau lawv, rau qhov nws tau tuaj nram qab ntuj kawg tuaj mloog Solomon tej tswvyim, tiamsis muaj ib tug loj dua Solomon nyob ntawm no.

​

Dab Rov Los Nyob Lub Qub Tsev

(Luke 11:24-26)

43 Thaum dab qias tawm hauv leejtwg lawm, dab mus rau hauv tej chaw qhuav nkig nkuav nrhiav chaw so tiamsis nrhiav tsis tau. 44 Nws txawm hais tias, Kuv yuav rov qab mus rau kuv lub tsev uas kuv tawm tuaj. Thaum nws los txog nws pom lub tsev khoom, muab cheb thiab tu du lug cia.  45 Nws txawm mus coj dua xya tus dab uas phem heev dua nws los nrog nws nkag mus nyob rau hauv. Mas tus tibneeg ntawd lub neej thaum kawg phem heev dua thaum chiv thawj. Tiam tibneeg phem no yuav raug ib yam li ntawd ntag.

​

(יהושע)Yahshua Niam Thiab Nws Cov Kwv

(Yahchanan Mark 3:31-35; Luke 8:19-21)

46 Thaum (יהושע)Yahshua tseem tabtom hais rau cov tibneeg ntawd, nws niam thiab nws cov kwv txawm tuaj sawv rau sab nraud xav nrog (יהושע)Yahshua tham. 47 Muaj ib tug hais rau (יהושע)Yahshua tias, Koj niam thiab koj cov kwv sawv sab nraud xav nrog koj tham. 48(יהושע)Yahshua teb tus uas hais rau nws ntawd tias, Leejtwg yog kuv niam, thiab leejtwg yog kuv cov kwv?  49 Nws txawm taw tes rau nws cov thwjtim thiab hais tias, cov no yog kuv niam thiab kuv cov kwv.

50 Rau qhov yog leejtwg ua raws li kuv leej Txiv Ntuj lub siab nyiam, tus ntawd yog kuv li kwv, kuv li muam thiab kuv niam.