Yahchanan  Txib Tibneeg Mus Nug (יהושע)Yahshua

(Luke 7:18-35

1 Thaum (יהושע)Yahshua qhia nws kaum ob tug thwjtim tag lawm, nws txawm tawm qhov ntawd mus qhuab qhia thiab tshaj tawm rau hauv Ixayees tej moos.

2 Thaum Yahchanan  nyob hauv tsev lojfaj hnov txog (יהושע)Yahshua tej haujlwm, nws txawm txib nws cov thwjtim mus  3 hais rau (יהושע)Yahshua tias, Koj yog tus uas yuav los ntawd lov? Lossis peb yuav tos dua lwm tus? 4(יהושע)Yahshua teb lawv tias, cia li mus qhia tej uas nej hnov thiab pom rau Yahchanan  5 Tibneeg dig muag kuj pom kev lawm, tibneeg ceg tawv kuj mus tau kev, cov uas mob lig mob ruas kuj zoo huv lawm, cov uas lag ntseg kuj hnov lus, cov uas tuag kuj raug muab tsa ciaj sawv los thiab txoj xov zoo kuj piav mus rau cov tibneeg pluag lawm.

6 Tus uas tsis dawm kuv kuj tau nyob kaj siab lug. 7 Thaum lawv rov mus lawm, (יהושע)Yahshua pib hais txog Yahchanan  rau cov tibneeg ntawd mloog tias, nej tawm mus rau tom tebchaws moj sab qhua mus saib abtsi? Nej mus saib tug tauj deg uas cua ntsawj rawv mus rawv los lov?  8 Los nej tawm mus saib abtsi? Nej mus saib ib tug uas hnav tsuj hnav npuag lov? Saib maj, cov uas hnav tsuj hnav npuag yeej nyob hauv vajntxwv lub tsev. 9 Los nej mus saib abtsi? Mus saib ib tug xibhwb cev Abba (יחוח)Yahweh lus lov? Kuv hais rau nej tias, tseeb tiag, thiab nws loj dua ib tug xibhwb cev lus. 10 Nws yog tus uas twb muaj lus sau tseg cia lawm tias, saib maj, kuv tso kuv tus tubtxib mus ua koj ntej, tus ntawd yuav npaj kev rau tom koj hauv ntej. 11 Kuv hais tseeb rau nej tias, cov tibneeg uas yug ntawm pojniam los tsis muaj ib tug loj dhau Yahchanan  uas coj ua kevcai raus dej. Tiamsis tus uas yau kawg hauv lub nroog Yeluxalees tseem loj dua Yahchanan . 12 Txij thaum Yahchanan  uas coj ua kevcai raus dej nyob los txog hnub no, muaj tibneeg siv zog txeem mus rau hauv lub nroog Yeluxalees, thiab tibneeg ua nruj ua tsiv txeeb lub nroog Yeluxalees. 13 Rau qhov cov xibhwb cev Abba (יחוח)Yahweh lus sawvdaws thiab Mauxes txoj kevcai twb hais tsis tu ncua txog tus Yahchanan  no. 14 Yog nej ntseeg mas Yahchanan  yog tus Eliyas uas yuav los ntawd ntag. 15 Leejtwg muaj qhov ntsej hnov, cia li mloog nawj. 16 Kuv yuav muab cov tibneeg tiam no piv txog abtsi? Muab piv ib yam li cov menyuam yaus uas zaum tom tshav puam hu rau lawv cov kwvluag tias,  

17 Peb twb tshuab raj rau nej los nej tsis dhia seev cev, peb twb quaj nyiav los nej tsis quaj ntsuag. 18 Rau qhov Yahchanan  los nws tsis noj tsis haus, mas luag hais tias, nws raug ib tug dab. 19 Neeg Leej Tub los nws noj thiab haus, mas luag hais tias, saib maj, niag tibneeg noj loj haus qaug, nrog cov tibneeg sau se thiab cov tibneeg muaj txim ua kwvluag. Tiamsis tswvyim tes haujlwm qhia tias tswvyim ua raug cai lawm.

​

Tej Moos Uas Tsis Ntxeev Dua Siab

(Luke 10:13-15)

20(יהושע)Yahshua txawm pib cem tej moos uas nws twb ua nws tej txujci phimhwj ntau rau hauv lawd vim yog lawv tsis ntxeev dua siab tshiab hais tias, 21 Lub moos Khaulaxi  es, koj raug txom nyem lauj! Lub moos Npexaida  es, koj raug txom nyem lauj! Yog tej txujci phim-hwj uas ua rau hauv neb lawd tau ua rau hauv lub nroog Thailab thiab lub nroog Xaidoo, ces lawv twb muab khaub seev tsaj los hnav thiab tsuab tshauv nphoo ib ce ntxeev dua siab tshiab ntev los lawm lauj!  

22 Kuv hais rau neb tias, hnub uas teem txim mas Thailab thiab Xaidoo yuav raug sib dua neb. 23 Lub moos Khapena‑us  es, koj yuav muab koj tsa siab mus nto ntuj lov? Koj yuav raug muab txo qes mus rau hauv tub tuag teb. Yog tej txujci phimhwj uas ua rau hauv koj tau ua rau hauv lub moos Xaudoos, ces lub moos ntawd tseem nyob los txog niaj hnub nimno. 24 Kuv hais rau nej tias, hnub uas teem txim mas Xaudoos tebchaws yuav raug sib dua koj.

​

Cia Li Los So Hauv (יהושע)Yahshua

(Luke 10:21-22)

25 Thaum ntawd (יהושע)Yahshua hais tias, Au Abba (יחוח)Yahweh uas yog Tus Tswv ntuj Tswv teb, kuv qhuas koj uas koj muab tej no npog cia tsis qhia rau cov tibneeg muaj tswvyim thiab txawj ntse, tiamsis koj muab qhia rau tej menyuam yaus paub.

26 Au Abba (יחוח)Yahweh, koj yeej pom zoo ua li ntawd. 27 Kuv Abba (יחוח)Yahweh twb muab txhua yam cob rau kuv. Tsis muaj leejtwg paub leej Tub li, tsuas yog leej Txiv xwb, thiab tsis muaj leejtwg paub leej Txiv li, tsuas yog leej Tub thiab tus uas leej Tub xav qhia rau thiaj paub xwb. 28 Txhua tus uas ua haujlwm khwv thiab ris lub nra hnyav, cia li los cuag kuv, kuv yuav pub nej tau so los siav.

29 Cia li muab kuv rab quab los kwv thiab kawm ntawm kuv, rau qhov kuv siab mos siab muag tsis muab hlob, mas nej lub siab thiaj tau so. 30 Rau qhov kuv rab quab kuj yoojyim kwv, thiab kuv lub nra kuj sib.