Yahchanan  Tuag

(Yahchanan Mark 6:14-29;Luke 9:7-9)

1 Thaum Tus Tswv xeev Helauj tau hnov txog (יהושע)Yahshua lub moo,  2 nws txawm hais rau nws cov tub teg tub taws tias, tus no yeej yog Yahchanan  uas coj ua kevcai raus dej. Nws sawv hauv qhov tuag rov los lawm, mas nws thiaj muaj hwjchim ua tau tej txujci phimhwj no. 3 Helauj twb ntes Yahchanan  thiab muab khi kaw rau hauv tsev lojfaj, vim yog tim Helaudias uas yog Helauj tus kwv Fili stus pojniam,  4 rau qhov Yahchanan  txeev hais rau Helauj tias, koj tsis muaj cai yuav tus ntawd ua koj pojniam. 5 Txawm yog Helauj xav muab Yahchanan  tua los nws kuj ntshai cov pejxeem, rau qhov lawv hwm tias Yahchanan  yog ib tug xibhwb cev Abba (יחוח)Yahweh lus. 6 Thaum ua kevcai nco txog hnub uas yug Helauj, Helaudias tus ntxhais txawm dhia seev cev tab meeg cov qhua sawvdaws mas ua rau Helauj txaus siab heev,

7 Helauj thiaj cog lus twv tias nws thov abtsi nws yeej yuav tau yam ntawd.

8 Tus ntxhais thiaj thov raws li leej niam qhia rau nws tias, thov muab Yahchanan  uas coj ua kevcai raus dej lub taubhau tso hauv lub choo coj los rau kuv ntawm no.

9 Mas vajntxwv ntxhov siab, tiamsis vim yog saib rau tej lus uas nws twv thiab saib rau cov qhua nws thiaj tso ncauj kom muab rau tus ntxhais. 10 Nws txawm txib tibneeg mus txiav Yahchanan  lub taubhau hauv tsev lojfaj.

11 Lawv muab Yahchanan  lub taubhau tso rau hauv lub choo coj los pub rau tus ntxhais ntawd, tus ntxhais thiaj coj mus rau leej niam.

12 Mas Yahchanan  cov thwjtim tuaj coj Yahcha-nan lub cev mus faus, thiab lawv mus hais rau (יהושע)Yahshua paub.

​

Pub Mov Rau Tsib Txhiab Leej Noj

(Yahchanan Mark 6:30-44;Luke 9:10-17;Yahchanan 6:1-14

13 Thaum (יהושע)Yahshua hnov li ntawd nws txawm nce nkoj tawm qhov ntawd mus nyob tib leeg rau ib qho chaw uas tsis muaj tibneeg. Thaum tej tibneeg hnov li ntawd, lawv txawm tawm hauv tej moos mus kotaw raws nws qab mus.

14 Thaum (יהושע)Yahshua tawm hauv lub nkoj los nws pom muaj tibneeg coob coob, nws thiaj khuvleej lawv thiab kho cov tibneeg muaj mob kom zoo.

15 Thaum yuav tsaus ntuj nws cov thwjtim los hais rau nws tias, ntawm no yog ntuj nrag teb do, thiab tav no lig lawm. Cia li tso cov tibneeg mus xwv lawv thiaj tau mus yuav mov noj tom tej zej zog. 16(יהושע)Yahshua hais tias, tsis txog lawv tawm mus, nej cia li pub rau lawv noj. 17 Lawv hais rau nws tias, ntawm no peb tsuas muaj tsib lub ncuav thiab ob tug ntses xwb. 18 Nws txawm hais tias, Muab los rau kuv. 19 Ces nws txawm hais kom cov tibneeg ntawd zaum rau ntawm tej nyom. Thaum nws txais tsib lub ncuav thiab ob tug ntses ntawd lawm, nws tsa muag ntsia saum ntuj thov Abba (יחוח)Yahweh foom koob hmoov mas muab ntais cev rau cov thwjtim, mas cov thwjtim faib rau cov tibneeg coob coob ntawd. 20 Lawv txhua tus noj tsau huvsi. Tej ncuav uas noj tsis tag lawv khaws tau kaum ob tawb puv nkaus. 21 Cov tibneeg uas noj ntawd cov txivneej xwb muaj kwvlam tsib txhiab leej tsis suav cov pojniam menyuam.

​

(יהושע)Yahshua Mus Kotaw Saum Nplaim Dej

(Yahchanan Mark 6:45-52;Yahchanan 6:15-21)

22 Thaum ntawd (יהושע)Yahshua hais kom nws cov thwjtim nce nkoj hla dej ua nws ntej mus rau sab tid, ces (יהושע)Yahshua txawm tso cov tibneeg rov mus.

23 Thaum nws tso cov tibneeg ntawd mus tag lawd, nws tib leeg txawm nce mus thov Abba (יחוח)Yahweh pem roob. Thaum tsaus ntuj lawd, (יהושע)Yahshua tib leeg tseem nyob pem roob,  

24 tiamsis lub nkoj nyob deb ntawm ntug hiavtxwv lawm thiab raug tej niag nthwv dej nplawm vim yog cua ntsawj tom hauv ntej tuaj. 25 Thaum qaib qua thawj tsig (יהושע)Yahshua mus kotaw saum nplaim dej hiavtxwv tuaj rau ntawm cov thwjtim. 26 Thaum cov thwjtim pom nws los kotaw saum nplaim dej, lawv ntshai kawg thiab hais tias, yog dab! Lawv qw nrov vim yog ntshai. 27 Tamsim ntawd (יהושע)Yahshua hais rau lawv tias, Ua siab tuab, yog kuv ntag. Tsis txhob ntshai. 28 Petus txawm teb nws tias, Tus Tswv, yog koj tiag, thov hais kom kuv tuaj saum nplaim dej rau ntawm koj.

29(יהושע)Yahshua hais tias, tuaj los maj. Kepha txawm nqes nkoj mus kotaw saum nplaim dej rau ntawm (יהושע)Yahshua.

30 Tiamsis thaum nws pom cua ntsawj nws txawm ntshai. Nws pib tog txawm qw nrov tias, Tus Tswv, cawm kuv lauj!

31 Tamsim ntawd (יהושע)Yahshua cev loo tes ntsiab nkaus nws thiab hais rau nws tias, tus uas kev ntseeg yau  es, ua cas koj tsis ruaj siab?  32 Thaum nkawv nce rau hauv lub nkoj lawm, cua kuj tu lawm. 33 Lawv cov uas nyob hauv nkoj txawm pe hawm (יהושע)Yahshua hais tias, Koj yog Abba (יחוח)Yahweh tus tub tiag.

(יהושע)Yahshua Kho Mob Hauv Kenexales

(Yahchanan Mark 6:53-56)

34 Thaum lawv hla dhau hiavtxwv lawd lawv nres nkoj rau ntawm Kenexale.

35 Thaum cov tibneeg uas nyob ntawd cim tau (יהושע)Yahshua, lawv txawm txib tibneeg mus hais thoob plaws ib ncig ntawd, mas lawv coj txhua tus uas muaj mob tuaj cuag (יהושע)Yahshua,36 thiab thov (יהושע)Yahshua cia cov tibneeg mob ntawd kov nws lub qab tsho xwb. Txhua tus uas tau kov lawd kuj zoo huvsi.