(יהושע)Yahshua Cov Yawg Koob

(Luke 3:23-38)

1 Phau ntawv no hais txog (יהושע)Yahshua Messiah li keeb kwm. (יהושע)Yahshua yog Daviv xeeb ntxwv thiab Daviv yog Abraham xeeb ntxwv. 2Abraham yog Isaac txiv, Isaac yog Yaaqob txiv, thiab Yaaqob yog Yahdah thiab nws cov kwvtij txiv, 3Yahdah yog Peles thiab Xelag txiv, nkawv niam yog Thamas, Peles yog Hexaloos txiv, Hexaloos yog Las txiv, 4Las yog Aminadas txiv, Aminadas yog Nasoos txiv, Nasoos yog Xamoos txiv, 5Xamoos yog Npau‑as txiv, Npau‑as niam yog Lahaj. Npau‑as yog Aunpes txiv, Aunpes niam yog Riyyah, Aunpes yog Yexis txiv, 6thiab Yexis yog vajntxwv Daviv txiv. Daviv yog Solomon txiv, Solomon niam yog Ulias tus pojniam, 7Solomon yog Lehaunpau‑as txiv, Lehaunpau‑as yog Anpiyas txiv, Anpiyas yog Axas txiv, 8Axas yog Yehausafas txiv, Yehausafas yog Yaulas txiv, Yaulas yog Uxaiyas txiv, 9Uxaiyas yog Yauthas txiv, Yauthas yog Ahas txiv, Ahas yog Hexekhiyas txiv, 10Hexekhiyas yog Manaxes txiv, Manaxes yog Asmoos txiv, Asmoos yog Yauxaiyas txiv, 11Yauxaiyas yog Yekhauniyas thiab nws cov kwvtij txiv yog nyob rau thaum lawv raug kuav coj mus rau Npanpiloos. 12Lub sijhawm uas raug kuav mus rau Npanpiloos rov los, Yekhauniyas yog Se-athi‑ees txiv, Seathi‑ees yog Xelunpanpees txiv, 13Xelunpanpees yog Anpiyus txiv, Anpiyus yog Eliyaskhees txiv, Eliyaskhees yog Azaws txiv, 14Azaws yog Xadaus txiv, Xadaus yog Akhis txiv, Akhis yog Eli‑us txiv, 15Eli‑us yog Ele‑axas txiv, Ele‑axas yog Mathas txiv, Mathas yog Yaaqob txiv, 16Yaaqob yug Yahseph uas yog Miriam tus txiv, Miriam yog (יהושע)Yahshua Messiah niam. 17Yog li no, suav txij li thaum Abraham tiam los txog rau vajntxwv Daviv tiam muaj kaum plaub tiam. Suav txij li thaum vajntxwv Daviv tiam los txog rau lub sij hawm cov Ixayees raug kuav mus rau Npanpiloos tebchaws, muaj kaum plaub tiam. Thiab suav txij li thaum ntawd los txog rau luj sij hawm (יהושע)Yahshua los yug, muaj kaum plaub tiam.

Yug (יהושע)Yahshua

(Luke. 2:1-7)

18Qhov uas yug (יהושע)Yahshua Messiah yog li no. Yahseph twb xub qhaib Miriam uas yog (יהושע)Yahshua niam ua ntej lawm, tiamsis tsis tau los ua txij nkawm nyob ua ke mas pom tias Miriam suab menyuam ntawm Tus Ntsuj Plig uas dawb huv lawm. 19Mas Yahseph uas qhaib nws yog tibneeg ncaj, tsis xav rhuav Miriam ntsej muag, nws thiaj txiav txim siab yuav tso Miriam twjywm tseg.

20 Thaum Yahseph tseem xav txog zaj ntawd, nws txawm ua npau suav pom hais tias, Abba (יחוח)Yahweh ib tug tubtxib saum ntuj los hais rau nws tias, Yahseph, uas yog Daviv tus xeeb ntxwv, koj tsis txhob ntshai thiab tsis txhob nyuaj siab, koj cia li yuav Miriam los ua koj tus pojniam, rau qhov tus menyuam hauv nws lub cev yog xeeb ntawm Tus Ntsuj Plig uas dawb huv.  21Nws yuav yug ib tug me tub mas koj yuav tsum tis tus me tub ntawd lub npe hu ua (יהושע)Yahshua, rau qhov nws yuav cawm nws haiv neeg kom dim lawv lub txim.   

22 Tej no huvsi tshwm los kom thiaj ua tiav raws li Abba (יחוח)Yahweh tej lus uas tus xibhwb cev lus hais tias, 23Saib maj, ib tug ntxhais hluas dawb huv yuav xeeb menyuam thiab yug tau ib tug tub, thiab lawv yuav tis lub npe hu ua Emanu‑ees (Lub npe ntawd txhais hais tias Abba (יחוח)Yahweh nrog nraim peb nyob. ) (Isayah 7:14)

24 Thaum Yahseph tsim dheev los, nws kuj ua raws li Abba (יחוח)Yahweh tus tubtxib saum ntuj hais rau nws. Nws coj Miriam los ua nws tus pojniam,

25 tiamsis nws tsis nrog Miriam pw ua ke mus txog rau thaum yug tus metub lawd. Yahseph thiaj muab tus me tub ntawd tis npe hu ua (יהושע)Yahshua.