Qhia Txog Qhov Sib Nrauj

(Yahchanan Mark 10:1-12)

1 Thaum (יהושע)Yahshua hais tej lus no tag lawm, nws txawm tawm ntawm Kalilais mus rau hauv Yahdaim lub xeev uas nyob dej Yaladees sab tid,  2 thiab muaj tibneeg coob coob raws nws qab mus, mas nws kho lawv tej mob zoo huvsi qhov ntawd. 3 Cov Falixais txawm txav los sim (יהושע)Yahshua nug hais tias, yog tus txiv twg muab nws tus pojniam nrauj tsis hais yog tim txoj twg kuj xij mas raug txoj kevcai los tsis raug?  4(יהושע)Yahshua teb tias, nej tsis tau nyeem lov? Tus uas tsim tibneeg chiv keeb thaum ub nws tsim kom muaj txivneej thiab pojniam,  5 thiab hais tias, Vim li no tus txivneej yuav ncaim ntawm nws niam nws txiv thiab nrog nws tus pojniam tsheej xeeb ua ke mas nkawv koom ua ib lub cev. 6 Nkawv thiaj tsis ua ob lub cev tiamsis koom ua ib lub cev xwb. Vim li no yam uas Abba (יחוח)Yahweh muab lo tsheej xeeb ua ke lawm, tibneeg tsis txhob muab ua kom ncaim.

7 Lawv hais rau (יהושע)Yahshua tias, yog li ntawd ua cas Mauxes hais kom ua ntawv nrauj cev rau tus pojniam thiab muab nws nrauj tau?  

8(יהושע)Yahshua hais rau lawv tias, Mauxes kheev kom nej nrauj pojniam tau vim yog nej lub siab tawv, tiamsis chiv keeb thaum ub yeej tsis muaj li ntawd.

9 Kuv hais rau nej tias, leejtwg nrauj pojniam tsis yog tim qhov uas deev hluas nraug es mus yuav dua pojniam tshiab, kuj yog ua txhaum kev nkauj nraug.

10 Cov thwjtim hais rau nws tias, yog ua txij nkawm zoo li ntawd, ces tsis txhob sib yuav kuj zoo dua. 11(יהושע)Yahshua hais rau lawv tias, tsis yog txhua tus txais yuav tej lus no, tsuas yog tus uas Abba (יחוח)Yahweh pub kom ua tau raws li thiaj txais yuav xwb. 12 Vim tias qee leej yeej ua nraug sam txij thaum yug los, qee leej yog tibneeg muab sam thiab qee leej ua nraug sam vim yog nws xam pom lub nroog Yeluxalees. Leejtwg txais yuav tau tej lus no kuj txais yuav mus.

​

(יהושע)Yahshua Foom Koob Hmoov Rau Cov Menyuam Yaus

(Yahchanan Mark 10:13-16;Luke 18:15-17)

13 Thaum ntawd muaj tibneeg coj cov menyuam yaus tuaj cuag (יהושע)Yahshua xav kom nws tsa tes npuab thiab thov Abba (יחוח)Yahweh pab. Tiamsis cov thwjtim txwv lawv. 14(יהושע)Yahshua txawm hais tias, cia cov menyuam yaus los cuag kuv, tsis txhob tav lawv, rau qhov lub nroog Yeluxalees yog cov uas zoo li cov menyuam yaus no tug. 15 Thaum nws tsa tes npuab cov menyuam ntawd tag lawm nws txawm tawm qhov ntawd mus.

​

Tus Hluas Nplua Nuj

(Yahchanan Mark 10:17-31;Luke 18:18-30)

16 Muaj ib tug tuaj hais rau (יהושע)Yahshua tias, Xibhwb, kuv yuav tsum ua yam zoo twg kuv thiaj tau txojsia ib txhis tsis kawg?  

17(יהושע)Yahshua hais rau nws tias, Koj nug kuv txog yam uas zoo ua abtsi? Tus uas zoo tsuas muaj ib tug xwb. Yog koj xav tau txojsia, cia li tuav rawv tej kevcai. 18 Tus ntawd hais rau (יהושע)Yahshua tias, yog nqe kevcai twg? (יהושע)Yahshua hais tias, tsis txhob tua tibneeg, tsis txhob deev luag poj luag txiv, tsis txhob ua tub sab, tsis txhob ua cuav timkhawv, 19 koj yuav tsum hwm koj niam koj txiv thiab koj yuav tsum hlub kwvtij zej zog ib yam li koj hlub koj tus kheej. 20 Tus hluas ntawd hais rau (יהושע)Yahshua tias, tej nqes kod kuv twb coj txhua yam lawm, kuv tseem tu ncua abtsi thiab? 21(יהושע)Yahshua hais rau nws tias, yog koj xav ua tus uas zoo kawg nkaus, cia li mus muab koj tej qhov txhia chaw muag es muab faib rau cov tibneeg pluag, koj thiaj li muaj nyiaj txiag saum lub nroog Yeluxalees, thiab cia li los raws kuv qab. 22 Thaum tus hluas ntawd hnov tej lus no nws txawm tawm mus nyuaj siab kawg vim nws muaj cuab txhiaj cuab tam ntau heev.

23(יהושע)Yahshua hais rau nws cov thwjtim tias, Kuv hais tseeb rau nej tias, tus nplua nuj ceeblaj nkag tau rau hauv lub nroog Yeluxalees. 24 Kuv hais rau nej tias, ib tug ntxhuav nkag lub qhov koob yoojyim dua tus nplua nuj nkag rau hauv Abba (יחוח)Yahweh lub tebchaws. 25 Thaum cov thwjtim hnov li ntawd kuj xav tsis thoob thiaj hais tias, yog li ntawd, leejtwg yuav dim tau? 26(יהושע)Yahshua tsa muag ntsia rau lawv mas hais rau lawv tias, tibneeg ua tsis tau yam no, tiamsis Abba (יחוח)Yahweh ua tau txhua yam huvsi.

27 Mas Kepha teb (יהושע)Yahshua tias, peb twb tso txhua yam tseg raws koj tuaj. Peb yuav tau abtsi?  

28(יהושע)Yahshua hais rau lawv tias, Kuv hais tseeb rau nej tias, thaum Neeg Leej Tub zaum saum nws lub zwm txwv uas ci ntsa iab hauv lub ntiajteb tshiab, nej cov uas raws kuv qab yuav tau zaum saum kaum ob lub zwm txwv txiav txim rau kaum ob xeem Ixayees.

29 Txhua tus uas tso vaj tse kwvtij nkauj muam niam txiv menyuam liaj teb tseg vim yog saib rau kuv lub npe, mas yuav tau qas pua npaug thiab yuav tau txojsia ntev mus ib txhis. 30 Tiamsis muaj ntau leej uas ua thawj yuav rov ua tus tom tw, thiab tus tom tw yuav tau ua tus thawj.