Cov Tub Zog Tu Lub Vaj Txiv Hmab

1 Lub nroog Yeluxalees piv ib yam li Tus Tswv teb sawv ntxov mus ntiav zog tu nws lub vaj txiv hmab. 2 Thaum hais hum ib hnub ib denalia  rau cov tub zog lawm nws txawm tso lawv mus ua haujlwm hauv lub vaj txiv hmab. 3 Thaum kwvlam cuaj teev nws pom dua ib co tibneeg nyob dawb tom tshav puam,  4 nws txawm hais rau lawv tias, nej cia li mus ua haujlwm hauv lub vaj txiv hmab thiab, kuv yuav muab nqe zog kom tsim nyog rau nej. Ces lawv txawm mus.

5 Thaum kwvlam tav su thiab thaum hnub qaij peb teev nws kuj ua ib yam li thawj zaug. 6 Thaum kwvlam hnub qaij tsib teev nws mus pom dua ib co nyob dawb ces nws txawm hais rau lawv tias, nej nyob dawb ntawm no ib hnub tsaus ntuj ua abtsi?  

7 Lawv hais rau nws tias, Vim tsis muaj leejtwg ntiav peb. Nws txawm hais rau lawv tias, nej cia li mus ua haujlwm hauv lub vaj txiv hmab thiab. 8 Thaum tsaus ntuj Tus Tswv vaj hais rau tus uas saib xyuas tub zog tias, Hu cov tub zog los thiab muab nqe zog rau lawv, xub muab rau cov uas tuaj tom qab kawg li muab zuj zus rau cov uas xub tuaj.

9 Thaum cov uas tuaj ua haujlwm kwvlam hnub qaij tsib teev los mas lawv tau nqe zog ib leeg ib denalias. 10 Thaum cov uas xub tuaj los mas lawv xav hais tias lawv yuav tau ntau dua ntawd, tiamsis kuj tau ib leeg ib denalia xwb. 11 Thaum lawv tau lawd lawv txawm yws Tus Tswv teb  12 hais tias, cov uas tuaj tom qab kawg no tau ua haujlwm ib teev xwb los koj saib lawv sib luag li peb cov uas ua haujlwm khwv tiv tshav ntuj ib hnub li. 13 Nws teb cov tibneeg ntawd ib tug tias, Kwvluag  es, tsis yog kuv ua tsis ncaj rau koj. Koj yeej nrog kuv hais hum tias ib hnub ib denalia los tsis yog?  

14 Cia li txais koj tus nqe zog mus lauj. Kuv yeej xav muab rau tus uas tuaj tom qab kawg ib yam li muab rau koj. 15 Kuv tsis muaj cai siv kuv li nyiaj txiag raws li kuv xav lov? Ua cas koj yuav khib qhov uas kuv ua siab dav?  16 Ib yam li ntawd tus tom tw yuav rov ua tus thawj, thiab tus thawj yuav rov ua tus tom tw.

​

(יהושע)Yahshua Hais Txog Nws Kev Tuag Zaum Peb

(Yahchanan Mark 10:32-34;Luke 18:31-34)

17 Thaum (יהושע)Yahshua tabtom taug kev mus pem Yeluxalees, nws coj nws kaum ob tug thwjtim los hais twjywm rau lawv tias, 18 Saib nawj, peb tabtom mus nram Yeluxalees, mas Neeg Leej Tub yuav raug muab cob rau cov pov thawj hlob thiab cov xibhwb qhia Abba (יחוח)Yahweh kevcai, mas lawv yuav txiav txim tuag rau nws,  19 thiab muab nws cob rau lwm haiv neeg thuam luag thiab nplawm thiab muab teem rau saum ntoo ntsia tes, mas peb hnub nws yuav raug muab tsa ciaj sawv rov los.

​

Leej Niam Tej Lus Thov

(Yahchanan Mark 10:35-45)

20 Thaum ntawd Xenpedis tus pojniam coj nws ob tug tub tuaj cuag (יהושע)Yahshua thiab pe ntawm (יהושע)Yahshua xubntiag thov ib yam ntawm (יהושע)Yahshua.

21(יהושע)Yahshua thiaj hais rau nws tias, Koj xav yuav abtsi?

Nws teb (יהושע)Yahshua tias, thov koj tso cai rau kuv ob tug tub no ib tug zaum ntawm koj sab xis ib tug nyob ntawm koj sab laug rau hauv koj lub tebchaws.

22 Tiamsis (יהושע)Yahshua teb tias, neb tsis paub tias neb thov abtsi. Lub khob uas kuv yuav haus, neb haus tau lov? Nkawv hais rau (יהושע)Yahshua tias, tau los maj.

23(יהושע)Yahshua hais rau nkawv tias, neb yeej yuav tau haus kuv lub khob, tiamsis qhov uas zaum ntawm kuv sab xis thiab ntawm kuv sab laug kuv tsis yog tus uas pub tau, tiamsis kuv leej Txiv npaj cia rau leejtwg, tus ntawd thiaj tau xwb. 24 Thaum kaum tus thwjtim hnov li ntawd lawv kuj chim rau ob tug kwvtij. 25(יהושע)Yahshua hu lawv sawv-daws los hais rau lawv tias, nej yeej paub tias lwm haiv neeg cov uas ua thawj yeej kav rawv cov pejxeem, thiab cov uas ua hlob yeej muaj hwjchim tswj-hwm lawv. 26 Nej cov yuav tsis thooj li ntawd. Nej cov leejtwg xav ua tus hlob tus ntawd yuav tsum zoo siab ua num rau nej,  

27 thiab nej cov leejtwg xav ua tus thawj, tus ntawd yuav tsum ua nej tus tub qhe,  28 ib yam li Neeg Leej Tub tsis yog los rau leejtwg tu, tiamsis nws los tu lawv, thiab pub nws txojsia ua nqe txhiv tibneeg coob coob.

​

Ob Tug Dig Muag

(Yahchanan Mark 10:46-52;Luke 18:35-43)

29 Thaum lawv tawm hauv lub moos Yelikhau mus muaj tibneeg coob coob raws lawv qab mus. 30 Mas muaj ob tug yawg dig muag zaum ntawm ntug kev. Thaum hnov tias (יהושע)Yahshua taug kev tuaj nkawv txawm qw hais tias, Tus Tswv uas yog  Daviv tus tub  es, thov khuvleej wb lauj!  31 Cov tibneeg ntawd txawm txwv nkawv kom nyob twjywm, los nkawv yimhuab qw hais tias, Tus Tswv uas yog Daviv tus tub  es, thov khuvleej wb lauj! 32(יהושע)Yahshua txawm nres nkaus hu nkawv los hais tias, neb xav kom kuv ua abtsi rau neb? 33 Nkawv hais rau nws tias, Tus Tswv, thov qheb wb li qhov muag kom pom kev. 34(יהושע)Yahshua khuvleej nkawv thiaj kov nkawv qhov muag, ces tamsim ntawd nkawv txawm rov pom kev thiab raws (יהושע)Yahshua qab mus.