(יהושע)Yahshua Mus Rau Hauv Yeluxalees Yam Li Vajntxwv

(Yahchanan Mark 11:1-11;Luke 19:28-40;Yahchanan 12:12-19)

1 Thaum lawv tuaj ze lub nroog Yeluxalees thiab tuaj txog lub zos Npefakes ntawm lub roob Txiv Aulib, (יהושע)Yahshua txawm txib ob tug thwjtim mus,  

2 thiab hais rau nkawv tias, neb cia li mus rau lub zos uas nyob tom hauv ntej, mas tamsim ntawd neb yuav pom ib tug nees luav khi cia thiab muaj ib tug menyuam nrog. Cia li daws cab los rau kuv. 3 Yog leejtwg hais li cas rau neb, neb cia li hais tias, Tus Tswv cheem tsum siv, ces luag yuav tso plhuav rau neb coj los tamsim ntawd. 4 Tej no tshwm los kom thiaj ua tiav raws li tej lus uas tus xibhwb cev lus hais tias, 5 Cia li hais rau Xi-oo tus ntxhais hais tias, saib maj, koj tus vajntxwv tabtom los cuag koj. Nws txo nws lub hwjchim thiab caij ib tug nees luav los, yog caij menyuam nees luav. 6 Ob tug thwjtim ntawd txawm mus ua raws li (יהושע)Yahshua hais, 7 mas cab tus maum nees luav thiab tus menyuam los, thiab muab nkawv tej tsho ntev pua saum ob tug nees luav nrob qaum mas (יהושע)Yahshua li caij. 8 Tej tibneeg coob coob muab lawv tej tsho ntev pua txojkev thiab ib txhia txiav tej ceg ntoo los pua raws txojkev. 9 Cov tibneeg uas mus ua nws ntej thiab cov uas raws nws qab kuj qw hais tias, Hauxana  rau Daviv tus tub. Tus uas tuaj hauv Yawmsaub lub npe tau nyob kaj siab lug. Hauxana rau saum ntuj uas siab kawg nkaus. 10 Thaum (יהושע)Yahshua nkag rau hauv Yeluxalees lawm, tag nrho lub nroog sawvdaws ras zom zaws sib nug tias, tus no yog leejtwg?  

11 Tej tibneeg teb tias, yog (יהושע)Yahshua uas cev Abba (יחוח)Yahweh lus uas tuaj hauv lub moos Naxales xeev Kalilais tuaj.

​

(יהושע)Yahshua Ntxuav Lub Tuam Tsev

(Yahchanan Mark 11:15-19;Luke 19:45-48;Yahchanan 2:13-22)

12(יהושע)Yahshua txawm mus rau hauv Abba (יחוח)Yahweh lub tuam tsev mas ntiab cov tibneeg uas ua lag ua luam hauv lub tuam tsev khiav, thiab nws muab cov uas pauv nyiaj tej rooj thiab cov uas muag nquab nyeg tej rooj zaum ntxeev pes kiag tseg. 13 Nws hais rau lawv tias, twb muaj lus sau cia hais tias, Kuv lub tuam tsev yuav hu tias lub tsev uas thov Abba (יחוח)Yahweh, tiamsis nej muab ua qhov rau tub sab nkaum. 14 Tibneeg dig muag thiab tibneeg ceg tawv tuaj cuag (יהושע)Yahshua hauv lub tuam tsev, mas (יהושע)Yahshua kho lawv zoo huvsi.

15 Thaum cov pov thawj hlob thiab cov xibhwb qhia Abba (יחוח)Yahweh kevcai pom tej haujlwm phimhwj uas (יהושע)Yahshua ua thiab pom cov menyuam yaus qw hauv lub tuam tsev hais tias, Hauxana rau Daviv tus tub, mas lawv chim heev. 16 Lawv thiaj hais rau nws tias, Koj hnov tej uas cov menyuam yaus qw los tsis hnov? (יהושע)Yahshua hais rau lawv tias, Hnov thiab. Nej tsis tau txeev nyeem lov qhov uas hais tias, Koj tau ua rau tej lus qhuas tawm hauv cov menyuam yaus thiab cov menyuam uas tsis tau cais mis lub qhov ncauj los?  17(יהושע)Yahshua tawm hauv lub nroog ncaim lawv mus so rau hauv lub zos Npethani.

Foom Tsob Txiv Cev

(Yahchanan Mark 11:12-14,20-24)

18 Tagkis tom qab thaum (יהושע)Yahshua rov qab mus rau lub nroog Yeluxalees nws tshaib plab. 19 Nws pom ib tsob txiv cev ntawm ntug kev. Thaum nws mus txog tsis pom muaj ib lub txiv li tsuas muaj nplooj xwb. Nws txawm hais rau tsob txiv cev ntawd tias, tsis txhob txi txiv dua li lawm lauj! Tamsim ntawd tsob txiv cev txawm tuag tshav qhuav lawm.

20 Thaum cov thwjtim pom li ntawd lawv kuj phimhwj hais tias, Ua cas tsob txiv cev yuav tuag tshav qhuav tamsid?  

21(יהושע)Yahshua teb lawv tias, Kuv hais tseeb rau nej tias, yog nej ntseeg tiag thiab lub siab tsis ywj fab ywj fwj, tsis yog nej yuav ua tau ib yam li kuv ua rau tsob txiv cev no xwb, nej yuav hais rau lub roob no tias, cia li rho kiag ntab plaws rau hauv hiavtxwv, los yuav muaj li ntawd. 22 Yog nej ntseeg tiag mas nej yeej yuav tau txhua yam uas nej thov.

​

Leejtwg Muab Hwjchim Rau (יהושע)Yahshua

(Yahchanan Mark 11:27-33;Luke 20:1-8)

23 Thaum nws nkag mus rau hauv lub tuam tsev, cov pov thawj hlob thiab cov kev txwj laus tuaj cuag nws rau thaum nws tabtom qhuab qhia thiab hais tias, Koj muaj hwjchim abtsi thiaj ua tau tej no thiab leejtwg muab lub hwjchim no rau koj?  24(יהושע)Yahshua teb lawv tias, Kuv yuav nug nej ib los thiab. Yog nej teb tau, kuv li qhia rau nej tias kuv muaj hwjchim abtsi thiaj ua tau tej no. 25 Txoj kevcai raus dej uas Yahchanan  ua ntawd, los qhovtwg los? Los saum ntuj los lossis los ntawm tibneeg los? Lawv txawm sablaj tias, yog peb hais tias, Los saum ntuj los, nws yuav hais rau peb tias, yog li ntawd, ua cas nej tsis ntseeg Yahchanan ?  26 Yog peb hais tias, Los ntawm tibneeg los, peb kuj ntshai cov pejxeem, rau qhov lawv sawvdaws suav tias Yahchanan  yog ib tug xibhwb cev Abba (יחוח)Yahweh lus. 27 Lawv txawm teb (יהושע)Yahshua tias, peb tsis paub. (יהושע)Yahshua thiaj hais rau lawv tias, Kuv kuj tsis qhia rau nej tias kuv muaj hwjchim abtsi thiaj ua tau tej no.

​

Piv Lus Hais Txog Ob Tug Tub

28 Nej xav li cas? Ib tug yawg muaj ob tug tub. Leej txiv mus hais rau thawj tug hais tias, tub  es, hnub no cia li mus ua haujlwm hauv lub vaj txiv hmab. 29 Tus tub ntawd teb tias, Kuv tsis mus, tiamsis dhau ntawd nws ntxeev dua siab mas ho mus ua lawm. 30 Leej txiv mus hais rau tus tub uas ob hais ib yam nkaus. Tus tub ntawd teb tias, txiv, kuv yuav mus, tiamsis ho tsis mus. 31 Ob tug tub no tus twg ua raws li leej txiv lub siab? Lawv hais tias, yog thawj tug. (יהושע)Yahshua hais rau lawv tias, kuv hais tseeb rau nej tias, cov tibneeg sau se thiab cov poj muag cev xub nkag rau hauv Abba (יחוח)Yahweh lub tebchaws ua nej ntej.

32 Rau qhov Yahchanan  twb tuaj qhia txojkev ncaj ncees rau nej, los nej tsis ntseeg nws, tiamsis cov uas sau se thiab cov poj muag cev twb ntseeg. Txawm yog nej twb pom lawm los nej kuj tsis ntxeev dua siab ntseeg nws.

​

Cov Uas Tu Lub Vaj Txiv Hmab

(Yahchanan Mark 12:1-12;Luke 20:9-19)

33 Cia li mloog dua ib zaj piv lus.  Muaj ib tug tswv teb cog tau ib vaj txiv hmab thiab xov laj kab thiab khawb qhov tsuam kua txiv hmab thiab ua ib lub tsev zov, thiab muab tso rau ib cov tu faib txiv ces txawm mus lwm tebchaws lawm.

34 Thaum ze lub caij de txiv, nws txib nws cov tub qhe mus cuag cov uas tu lub vaj ntawd yuav sau tej txiv uas yog nws li feem.

35 Cov uas tu lub vaj txawm muab cov tub qhe ntawd ntes, muab ib tug ntaus, muab ib tug tua pov tseg thiab muab pob zeb ntaus dua ib tug.  36 Mas Tus Tswv vaj rov tso dua ib co tub qhe coob dua thawj zaug mus, los cov uas tu lub vaj kuj ua ib yam nkaus li ntawd rau lawv.

37 Zaum kawg nws tso nws tus tub mus hais tias, nyaj lawv yuav hwm kuv tus tub.

38 Thaum cov uas tu lub vaj pom Tus Tswv tus tub tuaj lawv txawm sib hais tias, tus no yog tus uas saws nws qub txeeg qub teg.  Peb cia li muab nws tua thiab txeeb kiag nws qub txeeg qub teg.  39 Lawv txawm muab nws ntes pov rau nraum ntug vaj thiab muab nws tua pov tseg.  40 Yog li no thaum Tus Tswv vaj los, nws yuav ua li cas rau cov uas tu lub vaj ntawd? 41 Lawv hais rau (יהושע)Yahshua tias, nws yuav muab cov tibneeg phem ntawd tua kom puam tsuaj tag thiab yuav muab lub vaj txiv hmab rau lwm cov tu uas yuav faib tej txiv rau nws raws li lub caij.

42(יהושע)Yahshua hais rau lawv tias, nej tsis tau nyeem hauv Abba (יחוח)Yahweh phau ntawv lov? Qhov uas hais tias, lub pob zeb uas cov Kws ua tsev muab xyeeb tseg lawm twb muab los teeb ua lub thawj rau ntawm kaum tsev lawm. Tej no yog Tus Tswv ua, yog yam phimhwj uas peb qhov muag pom.

43 Vim li no kuv hais rau nej tias, Abba (יחוח)Yahweh lub tebchaws yuav raug muab rho ntawm nej mus pub rau ib haiv neeg uas txi txiv phim lub tebchaws ntawd. 44 [Leejtwg ntog mus tsiam lub pob zeb no tus ntawd yuav tawg ua tej dwb daim, lub pob zeb poob los tsuam leejtwg tus ntawd yuav ntsoog tag.

45 Thaum cov pov thawj hlob thiab cov Falixais hnov zaj paj lug no, lawv kuj paub tias (יהושע)Yahshua hais raug lawv. 46 Lawv nrhiav kev ntes (יהושע)Yahshua, tiamsis lawv ntshai cov pejxeem, rau qhov cov pejxeem ntseeg tias (יהושע)Yahshua yog ib tug xibhwb cev Abba (יחוח)Yahweh lus.