(יהושע)Yahshua Kho Tus Mob Lig Mob Ruas

(Yahchanan Mark 1:40-45;Luke 5:12-16)

1 Thaum (יהושע)Yahshua nqes pem roob los, muaj tibneeg coob coob raws nws qab. 2 Txawm muaj ib tug mob lig mob ruas tuaj pe (יהושע)Yahshua hais tias, Au Tus Tswv, yog koj xav kho, koj yeej kho tau kuv zoo kom huv. 3(יהושע)Yahshua cev kiag tes mus npuab nws thiab hais tias, Kuv xav los maj, cia li zoo kiag huv lauj. Tamsim ntawd nws tej mob lig mob ruas txawm zoo huv lawm. 4(יהושע)Yahshua hais rau nws tias, tsis txhob piav ib los rau leejtwg mloog kiag li, cia li mus qhia koj lub cev rau tus pov thawj saib thiab xyeem tej uas Mauxes qhia tseg lawd ua timkhawv rau sawvdaws.

​

(יהושע)Yahshua Kho Tus Thawj Rog Romans Tus Tub Qhe

(Luke 7:1-10)

5 Thaum (יהושע)Yahshua mus txog hauv lub moos Khapena‑us, muaj ib tug thawj rog uas kav ib puas leej tuaj cuag (יהושע)Yahshua thiab thov (יהושע)Yahshua pab 6 hais tias, Tus Tswv, kuv tus tub qhe tuag tes tuag taw pw tom tsev txom nyem heev.

7(יהושע)Yahshua hais rau nws tias, Kuv yuav mus kho kom nws zoo. 8 Tus thawj tub rog teb (יהושע)Yahshua tias, Tus Tswv, kuv yog ib tug uas tsis tsim nyog koj yuav nkag mus rau hauv kuv lub tsev. Thov koj cia li hais ib los xwb ces kuv tus tub qhe yeej yuav zoo.

9 Rau qhov kuv kuj nyob hauv tub rog txoj qab kev tswjhwm thiab tseem muaj cov tub rog uas kuv tswjhwm. Kuv hais rau tus no tias, cia li mus, nws kuj mus, thiab hais rau dua ib tug tias, cia li los, nws kuj los, thiab kuv hais rau kuv tus tub qhe tias, cia li ua yam no, nws kuj ua. 10 Thaum (יהושע)Yahshua hnov nws hais li ntawd, (יהושע)Yahshua kuj xav tsis thoob, nws txawm hais rau cov tibneeg uas raws nws qab tias, Kuv hais tseeb rau nej tias, txawm yog hauv cov Ixayees los kuv tsis tau pom muaj kev ntseeg loj li no.

11 Kuv hais rau nej tias yuav muaj tibneeg coob tuaj sab hnub tuaj thiab tuaj sab hnub poob los nrog Abraham, Isaac thiab Yaaqob koom rooj noj haus ua ke hauv lub nroog Yeluxalees, 12 tiamsis cov tibneeg uas yog lub nroog Yeluxalees li menyuam yuav raug muab laim tawm mus rau sab nraud uas tsaus ntuj nti, qhov ntawd yuav muaj kev quaj tom hniav qas qawv. 13 Thiab (יהושע)Yahshua hais rau tus thawj rog tias, Koj cia li rov qab mus. Cia muaj raws li koj ntseeg. Tamsim ntawd tus thawj rog tus tub qhe txawm zoo kiag lawm.

​

(יהושע)Yahshua Kho Kepha Niam Tais

(Yahchanan Mark 1:29-34;Luke 4:38-41)

14 Thaum (יהושע)Yahshua mus rau hauv Kepha tsev, (יהושע)Yahshua pom Kepha niam tias ua npaws pw saum txaj. 15(יהושע)-Yahshua txawm tuav nkaus nws tes mas nws tus npaws txawm zoo kiag. Nws sawv los thiab ua koom tu (יהושע)Yahshua. 16 Thaum yuav tsaus ntuj lawv coj tej tibneeg raug dab tuaj cuag (יהושע)Yahshua coob coob mas (יהושע)Yahshua hais lus ntiab dab tawm, thiab nws kho cov tibneeg muaj mob txhua tus zoo huvsi. 17 Tej no thiaj tiav raws li xibhwb Isayah uas cev Abba (יחוח)Yahweh lus tau hais tseg tias, nws sau peb tej mob thiab ris peb tej mob nkeeg mus.

​

Tus Uas Xav Ua (יהושע)YahshuaThwjtim

(Luke 9:57-62)

18 Thaum (יהושע)Yahshua pom tibneeg coob coob tuaj vij vog nws, nws txawm hais kom hla hiavtxwv mus rau sab tim ub. 19 Muaj ib tug xibhwb qhia Abba (יחוח)Yahweh kevcai txawm tuaj cuag (יהושע)Yahshua thiab hais rau nws tias, Xibhwb, koj mus qhovtwg kuv yuav nrog koj mus qhov ntawd.

20(יהושע)Yahshua hais rau nws tias, tej hma tseem muaj qhov nkaum thiab tej nas noog saum nruab ntug tseem muaj zes, tiamsis Neeg Leej Tub tsis muaj lub chaw rau ncoo.

21 Thiab muaj dua ib tug hauv (יהושע)Yah-shua cov thwjtim hais rau nws tias, Tus Tswv, thov cia kuv mus faus kuv txiv tso. 22(יהושע)Yahshua hais rau nws tias, cia li nrog kuv mus, cia cov tibneeg tuag lawv faus lawv tus tuag.

​

(יהושע)Yahshua Tav Cua Daj Cua Dub

(Yahchanan Mark 4:35-41; Luke 8:22-25)

23 Thaum (יהושע)Yahshua nce rau hauv lub nkoj, nws cov thwjtim kuj nrog nws mus.

24 Txawm muaj cua daj cua dub ntsawj hiavtxwv, mas lub nkoj thiaj raug tej niag nthwv dej nyab, tiamsis (יהושע)Yahshua pw tsaug zog lawm. 25 Cov thwjtim thiaj mus tsa (יהושע)Yahshua hais tias, Tus Tswv, thov koj cawm peb lauj. Peb tabtom yuav puam tsuaj. 26(יהושע)Yahshua txawm hais rau lawv tias, nej cov uas kev ntseeg yau es, ua cas nej ntshai ua luaj li? Ces (יהושע)Yah-shua txawm sawv tsees los tav cua thiab dej hiavtxwv, txhua yam txawm tus yees huvsi lawm. 27 Cov tibneeg ntawd txawm phimhwj kawg hais tias, tus no yog tibneeg abtsi es tej cua thiab dej hiavtxwv kuj mloog nws lus?

​

(יהושע)Yahshua Kho Ob Tug Raug Dab

(Yahchanan Mark 5:1-20; Luke. 8:26-39)

28 Thaum (יהושע)Yahshua hla hiavtxwv mus rau hauv Kadalas ces, txawm muaj ob tug raug dab tawm hauv toj ntxas los ntsib nws, nkawv nyaum heev thiaj tsis muaj leejtwg taug tau txoj-kev ntawd kiag li. 29 Ces nkawv txawm qw hais tias, Au Abba (יחוח)Yahweh tus tub, koj tuaj thab wb ua abtsi? Koj tuaj tsim txom wb ua ntej lub sijhawm lov?

30 Nyob tsis deb qhov ntawd muaj ib pab npua coob tabtom nrhiav noj. 31 Cov dab ntawd txawm thov (יהושע)Yahshua tias, yog koj ntiab peb tawm, thov koj xa peb mus rau hauv pab npua ntawd. 32(יהושע)Yahshua txawm hais rau cov dab ntawd tias, cia li mus. Cov dab txawm tawm mus nkag rau hauv pab npua, mas pab npua huvsi thiaj dhia plas toj ntxhab mus rau hauv hiavtxwv thiab tuag tag rau hauv. 33 Cov tibneeg yug npua thiaj khiav mus rau hauv lub moos thiab piav txhua yam xwm txheej thiab tej uas tshwm rau ob tug raug dab ntawd. 34 Tag nrho lub moos ntawd sawvdaws txawm tawm mus ntsib (יהושע)Yahshua. Thaum lawv pom nws, lawv thov kom nws tawm hauv lawv lub tebchaws mus.