(יהושע)Yahshua Kho Tus Tuag Tes Tuag Taw

(Yahchanan Mark 2:2-12;Luke 5:17-26)

1 (יהושע)Yahshua txawm nce rau hauv nkoj hla mus rau nws lub moos. 2 Txawm muaj tibneeg kwv ib tug tuag tes tuag taw hauv nws lub chaw pw tuaj cuag (יהושע)Yahshua. Thaum (יהושע)Yahshua pom lawv kev ntseeg nws txawm hais rau tus tuag tes tuag taw tias, tub es, cia li zoo siab, koj lub txim twb muab daws lawm. 3 Cov xibhwb qhia Abba (יחוח)Yahweh kevcai qee leej txawm xav hauv lub siab tias, tus yawg no hais lus tuam mom Abba (יחוח)Yahweh.

4 Tiamsis (יהושע)Yahshua paub tej uas lawv xav lawm thiaj hais tias, Ua cas nej lub siab yuav xav phem? 5 Qhov uas hais tias, twb daws koj lub txim lawm, thiab hais tias, cia li sawv tsees mus kev, qhov twg yoojyim dua? 6 Kom nej thiaj paub tias Neeg Leej Tub muaj hwj-chim hauv ntiajteb daws tau lub txim, (יהושע)Yahshua thiaj hais rau tus tuag tes tuag taw tias, cia li sawv tsees nqa koj lub chaw pw mus tsev. 7 Nws txawm sawv tsees mus tsev. 8 Thaum cov tibneeg coob coob pom li ntawd lawv ntshai thiab qhuas Abba (יחוח)Yahweh tus uas pub hwjchim li no rau tib tibneeg.

​

(יהושע)Yahshua Hu Mattithyah

(Yahchanan Mark 2:13-17; Luke 5:27-32)

9 Thaum (יהושע)Yahshua tawm qhov ntawd mus, nws pom ib tug yawg npe hu ua Mattithyah zaum ntawm lub rooj sau se, (יהושע)Yahshua txawm hais rau nws tias, cia li raws kuv qab mus. Mattithyah txawm sawv tsees raws (יהושע)Yahshua qab mus. 10 Thaum (יהושע)Yahshua zaum noj mov hauv tsev, txawm muaj cov tibneeg sau se thiab cov tibneeg muaj txim ntau leej tuaj nrog (יהושע)Yahshua thiab nws cov thwjtim nyob ua ke ntawm rooj mov. 11 Thaum cov Falixais pom li ntawd, lawv txawm hais rau (יהושע)Yahshua cov thwjtim tias, Ua cas nej tus xibhwb nrog cov tibneeg sau se thiab cov (יהושע)Yahshua hnov li ntawd nws txawm hais tias, cov tibneeg uas tsis muaj mob tsis cheem tsum Kws tshuaj, tsuas yog cov muaj mob thiaj cheem tsum xwb. 13 Nej cia li mus kawm nqe no kom nkag siab hais tias, Kuv ntshaw txojkev hlub, tsis yog ntshaw qhov uas tua tsiaj xyeem, rau qhov kuv tsis yog los hu cov tibneeg ncaj ncees, tiamsis yog los hu cov tibneeg muaj txim.

​

Kevcai Yoo Mov

(Yahchanan Mark 2:18-22; Luke 5:33-39)

14 Thaum ntawd Yahchanan  cov thwjtim txawm tuaj cuag (יהושע)Yahshua thiab hais tias, Ua cas peb thiab cov Falixais coj kevcai yoo mov, tiamsis koj cov thwjtim tsis coj?

 15(יהושע)Yahshua hais rau lawv tias, tus nraug vauv cov kwvluag yuav quaj ntsuag rau thaum tus nraug vauv tseem nrog lawv nyob lov? Yuav muaj ib hnub twg uas tus nraug vauv yuav raug muab coj ncaim lawv mus, mas thaum ntawd lawv yuav coj kevcai yoo mov. 16 Tsis muaj leejtwg muab daim ntaub tshiab los ntxiv lub qub tsho, rau qhov daim ntaub uas muab ntxiv ntawd yuav xaum dua lub tsho yimhuab ntuag loj dua.

17 Thiab tsis muab cawv txiv hmab tshiab ntim rau hauv lub hnab tawv qub. Yog ua li ntawd, lub hnab tawv yuav tawg, cov cawv txiv hmab yuav xau tag, lub hnab kuj piam tag. Yeej yuav muab cov cawv txiv hmab tshiab ntim rau hauv lub hnab tawv tshiab ob yam thiaj li nyob zoo.

​

Tus Ntxhais Uas Tuag Thiab Tus Pojniam Uas Kov (יהושע)Yahshua Qab Tsho

(Yahchanan Mark 5:21-43; Luke 8:40-56)

18 Thaum (יהושע)Yahshua tabtom hais tej lus ntawd rau lawv txawm muaj ib tug nom tswv tuaj pe rau ntawm (יהושע)Yahshua xubntiag thiab hais tias, Kuv tus ntxhais nyuam qhuav tuag lawm, thov koj mus muab tes npuab nws mas nws yuav ciaj rov los.

19(יהושע)Yahshua txawm sawv tsees raws tus nom qab mus thiab (יהושע)Yahshua cov thwjtim kuj mus thiab. 20 Txawm muaj ib tug pojniam uas muaj mob nchuav cev tau kaum ob xyoos los raws (יהושע)Yahshua qab thiab kov (יהושע)Yahshua lub qab tsho, 21 rau qhov nws xav hais tias, tsuav yog kuv tau kov (יהושע)Yahshua lub tsho xwb, mas kuv tus mob yeej yuav zoo.

22 (יהושע)Yahshua tig hlo pom nws mas hais tias, Mentxhais es, cia li zoo siab. Koj txojkev ntseeg ua rau koj zoo lawm. Txij thaum ntawd los tus pojniam ntawd cia li zoo lawm.

23 Thaum (יהושע)Yahshua tuaj txog tus nom tswv ntawd lub tsev thiab pom cov uas tshuab raj thiab cov tibneeg qw ua nqaj ua nqug, 24(יהושע)Yahshua txawm hais tias, cia li txav mus rau qhov tus mentxhais no tsis tuag, nws tsaug zog xwb. Lawv txawm thuam luag (יהושע)Yahshua. 25 Thaum ntiab cov tibneeg ntawd tawm mus lawd, (יהושע)Yahshua nkag mus ntsiab nkaus tus mentxhais ntawd txhais tes, ces tus mentxhais txawm sawv tsees. 26 Mas zaj no nrov nto moo lug thoob plaws tebchaws ntawd.

​

(יהושע)Yahshua Kho Ob Tug Dig Muag

27 Thaum (יהושע)Yahshua tawm qhov ntawd mus txawm muaj ob tug dig muag raws (יהושע) Yahshua qab hu nrov nrov hais tias, Daviv tus tub, thov khuvleej wb lauj! 28 Thaum (יהושע)Yahshua mus rau hauv tsev lawd, ob tug dig muag los cuag nws. (יהושע)Yahshua hais rau nkawv tias, neb ntseeg tias kuv ua tau tej no lov? Nkawv teb nws tias, Tus Tswv, wb ntseeg. 29 Ces (יהושע)Yahshua txawm kov nkawv lub qhov muag hais tias, cia muaj raws li neb ntseeg lauj.

30 Ces nkawv qhov muag txawm pom kev lawm. (יהושע)Yahshua txwv nkawv tawv tawv hais tias, tsis txhob hais rau leejtwg paub li.

31 Tiamsis thaum nkawv tawm mus lawd, nkawv piav txog (יהושע)Yahshua thoob plaws tebchaws ntawd.

​

(יהושע)Yahshua Kho Tus Uas Hais Tsis Tau Lus

32 Thaum ob tug ntawd tabtom tawm qhov ntawd mus, txawm muaj tibneeg coj ib tug yawg ruam raug dab tuaj cuag (יהושע)Yahshua. 33 Thaum (יהושע)Yahshua muab tus dab ntiab tawm lawd tus ruam ntawd txawm hais tau lus, mas cov tibneeg ntawd kuj phimhwj hais tias, tsis tau pom dua li no rau hauv cov Ixayees kiag li.

34 Tiamsis cov Falixais hais tias, tus no siv tus thawj dab li hwjchim ntiab dab tawm.

(יהושע)Yahshua Khuvleej Cov Tibneeg

35(יהושע)Yahshua mus thoob plaws txhua lub moos thiab tej zej zog qhuab qhia hauv lawv tej tsev sablaj thiab tshaj tawm txoj xov zoo uas hais txog Abba (יחוח)Yahweh lub tebchaws thiab kho tej tibneeg txhua yam mob nkeeg zoo huvsi.

36 Thaum nws pom cov tibneeg coob coob nws kuj khuvleej lawv rau qhov lawv raug kev kub ntxhov thiab tag kev vam ib yam li pab yaj uas tsis muaj Tus Tswv yug. 37 Nws txawm hais rau nws cov thwjtim tias, cov qoob uas zoo hlais muaj ntau heev, tiamsis cov tub zog muaj tsawg. 38 Vim li no nej yuav tsum thov Tus Tswv teb kom txib tub zog mus hlais nws tej qoob.