Cov Ixayees Quaj Ntsuag Hauv Lwm Tebchaws

​

1 Peb zaum ntawm tej ntug dej hauv Npanpiloos, thiab quaj ntsuag rau thaum peb nco txog Xi‑oo.

2 Peb muab peb tej nkauj nog ncas khuam rau saum tsob ntoo lwg zaj uas nyob qhov ntawd.

3 Mas qhov ntawd, cov uas ntes peb kom peb hu nkauj, thiab cov uas tsim txom peb kom peb luag ntxhwb ntxhi, lawv hais tias, cia li hu ib txoj nkauj Xi‑oo rau peb mloog.  

4 Peb yuav hu (יחוח)Yahweh tej nkauj tau li cas rau hauv lwm tebchaws?

5 Yeluxalees es, yog kuv tsis nco qab koj, thov cia kuv txhais tes xis tsis txhob nco qab tej uas kuv txawj.

6 Yog kuv tsis nco txog koj, thiab yog kuv tsis muab Yeluxalees ua loj dua kuv tej kev zoo siab huvsi, thov cia kuv tus nplaig lo kuv lub qab yiag.

7 Au (יחוח)Yahweh, thov nco tej uas cov Edoos ua rau hnub uas Yeluxalees tawg. Lawv hais tias, cia li rhuav kom puam tsuaj, cia li rhuav kom puam tsuaj pob tag ti nkaus taw.

8 Npanpiloos tus ntxhais es, koj yuav raug muab ua kom puam tsuaj lauj! Tus uas ua pauj rau koj npaum li uas koj tau ua rau peb, yuav tau nyob kaj siab lug.

9 Tus uas muab nej tej menyuam mos laim mus ntsawm pob zeb, yuav tau nyob kaj siab lug.