Qhuas (יחוח)Yahweh Vim Nws Txojkev Hlub

1Cia li ua (יחוח)Yahweh tsaug, rau qhov nws yog tus zoo kawg. Vim nws txojkev hlub uas ruaj khov, nyob mus ib txhis.

2 Cia li ua ib tsoom timtswv, Tus Tswv tsaug. Vim nws txojkev hlub uas ruaj khov, nyob mus ib txhis.

3 Cia li ua cov uas muaj hwjchim Tus Tswv tsaug. Vim nws txojkev hlub uas ruaj khov, nyob mus ib txhis.

4 Cia li ua tus uas nws tib leeg ua tau tej txujci tseem ceeb tsaug.  Vim nws txojkev hlub uas ruaj khov, nyob mus ib txhis.

5 Cia li ua tus uas nws muaj tswvyim tsim nruab ntug tsaug. Vim nws txojkev hlub uas ruaj khov, nyob mus ib txhis.  

6 Cia li ua tus uas nws nthuav lub ntiajteb rau saum nplaim dej tsaug. Vim nws txojkev hlub uas ruaj khov, nyob mus ib txhis.

7 Cia li ua tus uas nws tsim lub hnub lub hli ci tsaug. Vim nws txojkev hlub uas ruaj khov, nyob mus ib txhis.

8 Cia li ua tus uas nws tsim lub hnub kav nruab hnub tsaug. Vim nws txojkev hlub uas ruaj khov, nyob mus ib txhis.  

9 Cia li ua tus uas nws tsim lub hli thiab cov hnub qub kav hmo ntuj tsaug. Vim nws txojkev hlub uas ruaj khov, nyob mus ib txhis.  

10 Cia li ua tus uas nws tua cov Iziv tej tub hlob tsaug. Vim nws txojkev hlub uas ruaj khov, nyob mus ib txhis.

11 Cia li ua tus uas nws coj cov Ixayees tawm hauv lawv mus tsaug. Vim nws txojkev hlub uas ruaj khov, nyob mus ib txhis.

12 Cia li ua tus uas yog nws txhais tes uas muaj hwjchim thiab nws txhais npab uas tsa hlo tsaug. Vim nws txojkev hlub uas ruaj khov, nyob mus ib txhis.

13 Cia li ua tus uas nws muab dej Hiavtxwv Liab faib kiag tsaug. Vim nws txojkev hlub uas ruaj khov, nyob mus ib txhis.

14 Cia li ua tus uas nws coj cov Ixayees hla hauv nruab nrab hiavtxwv mus tsaug. Vim nws txojkev hlub uas ruaj khov, nyob mus ib txhis.

15 Cia li ua tus uas nws muab Falaus thiab nws cov tub rog xyeeb kiag rau hauv Hiavtxwv Liab tsaug. Vim nws txojkev hlub uas ruaj khov, nyob mus ib txhis.

16 Cia li ua tus uas nws coj nws haiv neeg hla dhau tebchaws moj sab qhua tsaug. Vim nws txojkev hlub uas ruaj khov, nyob mus ib txhis.

17 Cia li ua tus uas nws ntaus yeej tej vajntxwv uas muaj hwjchim tsaug. Vim nws txoj kev hlub uas ruaj khov, nyob mus ib txhis.

18 Cia li ua tus uas nws tua tau tej vajntxwv uas muaj koob meej nto moo lug tsaug. Vim nws txojkev hlub uas ruaj khov, nyob mus ib txhis.

19 Cia li ua tus uas nws tua tau cov Amaulais tus vajntxwv Xihoos tsaug. Vim nws txojkev hlub uas ruaj khov, nyob mus ib txhis.

20 Cia li ua tus uas nws tua tau Npasas tus vajntxwv Aus tsaug. Vim nws txojkev hlub uas ruaj khov, nyob mus ib txhis.

21 Cia li ua tus uas nws muab lawv tej tebchaws ua qub txeeg qub teg tsaug, vim nws txojkev hlub uas ruaj khov nyob mus ib txhis.

22 Cia li ua tus uas nws muab qub txeeg qub teg pub rau cov Ixayees uas yog nws cov tub qhe tsaug. Vim nws txojkev hlub uas ruaj khovnyob mus ib txhis.

23 Cia li ua tus uas nws nco ntsoov txog peb rau thaum peb poob qis txom nyem ntsuav tsaug. Vim nws txojkev hlub uas ruaj khov, nyob mus ib txhis.

24 Cia li ua tus uas nws cawm peb dim hauv peb cov yeeb ncuab tsaug. Vim nws txojkev hlub uas ruaj khov, nyob mus ib txhis.

25 Cia li ua tus uas nws pub zaub pub mov rau txhua yam uas ciaj sia tau noj tsaug. Vim nws txojkev hlub uas ruaj khov, nyob mus ib txhis.

26 Nej cia li ua (יחוח)Yahweh, peb Tus Tswv uas nyob saum ntuj tsaug. Vim nws txojkev hlub uas ruaj khov, nyob mus ib txhis.